लोकसभा निवडणुकीच्या 2024 (Lok Sabha Election) च्या शेवटच्या टप्प्यासाठी आज (1 जून) मतदान होत आहे. सकाळी 7 वाजता मतदानाला सुरुवात झाली. सातव्या टप्प्यात आठ राज्ये आणि केंद्रशासित प्रदेशातील लोकसभेच्या 57 जागांवर मतदान होणार आहे. सातव्या टप्प्यात 10.06 कोटी मतदार 904 उमेदवारांचे आज भवितव्य ठरणार आहे.
शेवटच्या टप्प्यात कोणत्या जागांवर मतदान?
लोकसभा निवडणुकीच्या सातव्या आणि शेवटच्या टप्प्यासाठी 8 राज्ये/केंद्रशासित प्रदेशांमधील 57 लोकसभा मतदारसंघात मतदान होणार आहे. यामध्ये बिहारमधील 8, चंदीगडमधील 1, हिमाचल प्रदेशातील 4, झारखंडमधील 3, ओडिशातील 6, पंजाबमधील 13, उत्तर प्रदेशमधील 13 आणि पश्चिम बंगालमधील 9 जणांचा समावेश आहे. ओडिशा राज्य विधानसभेच्या उर्वरित 42 जागांसाठीच मतदान होणार आहे.
मतदानासाठी नरेंद्र मोदी अनेक दिग्गज उतरणार मैदानात
लोकसभा निवडणुकीच्या सातव्या टप्प्यातील काही लोकप्रिय उमेदवार रिंगणात आहेत. यामध्ये पंतप्रधान नरेंद्र मोदी, अनुराग ठाकूर, चरणजीत सिंह चन्नी, महेंद्र नाथ पांडे, रविशंकर प्रसाद, अभिषेक बॅनर्जी, कंगना रणौत, मनीष तिवारी, मीसा भारती, अनुप्रिया सिंग पटेल, नीरज शेखर, पवन सिंग, रवी किशन, उपेंद्र कुशवाह यांचा समावेश आहे. तर रामकृपाल यादव, हंस राज हंस, हरसिमरत कौर बादल चंदीगडमधून तर मनीष तिवारी चंदीगडमधून निवडणूक लढवत आहेत. यासोबतच सीता सोरेनचाही समावेश आहे.
निवडणुकीच्या या शेवटच्या टप्प्यात पंतप्रधान मोदींनीही ट्विट करून नागरिकांना मतदान करण्याचे आवाहन केले आहे. “लोकसभा निवडणुकीच्या शेवटच्या टप्प्यात आज मतदान होत आहे. मी या टप्प्यातील सर्व मतदारांना लोकशाहीच्या या महान उत्सवात उत्साहाने सहभागी होण्याची विनंती करतो. मला विश्वास आहे की आमचे तरुण आणि महिला मतदार विक्रमी संख्येने पुढे येऊन मतदान करतील. चला तर मग आज एकत्र येऊ या आपल्या लोकशाहीला अधिक चैतन्यशील बनवूया..”
Today is the final phase of the 2024 Lok Sabha elections. As 57 seats across 8 states and UTs go to the polls, calling upon the voters to turnout in large numbers and vote. I hope young and women voters exercise their franchise in record numbers. Together, let’s make our…
— Narendra Modi (@narendramodi) June 1, 2024
तसेच केंद्रीय गृहमंत्री अमित शहा यांनीही नागरिकांना ट्विट करुन मतदान करण्याचे आवाहन केले. “मी सर्व मतदारांना लोकसभा निवडणुकीच्या शेवटच्या टप्प्यात अभूतपूर्व मतदान करण्याचे आवाहन करतो. देशाची अंतर्गत सुरक्षा सुनिश्चित करण्यासाठी आणि विकासाचा वेग कायम ठेवण्यासाठी पुन्हा एक मजबूत सरकार निवडणे अत्यंत महत्वाचे आहे. तुम्ही असे सरकार बनवा जे देशाला स्वावलंबी बनवण्यासोबतच प्रत्येक देशवासीयात आत्मविश्वास जागृत करू शकेल. विकसित भारतासाठी पूर्ण उत्साहाने मतदान करा आणि इतरांनाही असे करण्यास प्रेरित करा.”
यासोबतच भाजपचे राष्ट्रीय अध्यक्ष जेपी नड्डा यांनी हिमाचल प्रदेशातील बिलासपूर येथील मतदान केंद्रावर मतदान केले. आज मतदान केल्यानंतर भाजपचे राष्ट्रीय अध्यक्ष जेपी नड्डा म्हणाले, आज माझ्या मूळ गावी विजयपूर येथील माझ्या बूथवर येऊन मतदान करण्याचा मला पहिला बहुमान मिळाला आहे. प्रत्येकाने सशक्त, सक्षम आणि आत्मनिर्भर भारतासाठी मतदान केले पाहिजे. लोकशाही बळकट करा. कृपया विकसित भारताचा संकल्प पूर्ण करण्यात हातभार लावा.
उल्लेखनीय म्हणजे 19 एप्रिलपासून सुरू झालेली ही मतदान प्रक्रिया आज संध्याकाळीच संपणार आहे. यानंतर, आंध्र प्रदेश विधानसभेसह लोकसभेच्या 543 जागांवर 4 जून रोजी मतमोजणी होणार आहे, तर अरुणाचल प्रदेश आणि सिक्कीममधील विधानसभा निवडणुकीची मतमोजणी उद्या म्हणजेच 2 जून रोजी होणार आहे.
.png "Videos"){kind=small}
