गोव्यातील नाईट क्लबमध्ये सिलेंडरचा मोठा स्फोट
पणजी : गोव्यातील नाईटक्लबमध्ये सिलेंडरचा मोठा स्फोट झाला. या स्फोटानंतर भीषण आग लागली. या लागलेल्या आगीत 23 जणांचा मृत्यू झाल्याची माहिती सध्या दिली जात आहे. शनिवारी रात्री उशिरा उत्तर गोव्यात एका नाईटक्लबमध्ये सिलेंडरचा स्फोट झाला. सिलेंडरच्या स्फोटामुळे नाईटक्लब आगीच्या भक्ष्यस्थानी पडला. नाईटक्लब काही वेळातच जळून खाक झाला. आगीचे कारण सिलेंडरचा स्फोट असल्याचे पोलिसांनी निश्चित केले आहे.
मुख्यमंत्री प्रमोद सावंत यांनी घटनास्थळी भेट दिली. बहुतेक मृत्यू गुदमरल्यामुळे झाल्याचे वृत्त आहे. ही घटना स्थानिक वेळेनुसार रात्री १२:०४ वाजता अर्पोरा गावात घडली. मुख्यमंत्री प्रमोद सावंत यांनी त्यांच्या पोस्टमध्ये म्हटले की, राज्य सरकारने घटनेच्या चौकशीचे आदेश दिले आहेत. सोशल मीडियावरील व्हिडिओंमध्ये जखमींना मदत करण्यासाठी रुग्णवाहिकांच्या रांगा दिसत आहेत.
#WATCH | Goa | Aftermath of the fire that broke out at a restaurant in North Goa’s Arpora, claiming the lives of 23 people. pic.twitter.com/v6qleY5WJX — ANI (@ANI) December 7, 2025
आगीची माहिती मिळताच अग्निशमन दलाच्या गाड्या आणि रुग्णवाहिका घटनास्थळी पोहोचल्याचे पोलिसांनी सांगितले. जखमींना उपचारासाठी जवळच्या रुग्णालयात नेण्यात आले, तर परिस्थिती नियंत्रणात आणण्यासाठी अधिकारी रात्रभर काम करत होते. पोलिसांनी सांगितले की, ही आग आटोक्यात आणण्यात आली आहे आणि सर्व मृतदेह बाहेर काढण्यात आले आहेत.
दरम्यान, भारताच्या पश्चिम किनाऱ्यावरील एक छोटे राज्य गोवा हे एक लोकप्रिय पर्यटन स्थळ आहे, विशेषतः परदेशी लोकांमध्ये, त्याचे समुद्रकिनारे आणि पर्वतीय लँडस्केप आहेत. सरकारी आकडेवारीनुसार, वर्षाच्या पहिल्या सहामाहीत अंदाजे ५५ लाख पर्यटकांनी गोव्याला भेट दिली. त्यापैकी २७१००० आंतरराष्ट्रीय पर्यटक असल्याचे सांगण्यात आले.
पंतप्रधान मोदीकडून दुःख व्यक्त
पंतप्रधान नरेंद्र मोदी यांनी ट्विट केले की, “गोव्यातील आगीची घटना अत्यंत दुःखद आहे. ज्यांनी आपल्या प्रियजनांना गमावले त्यांच्याबद्दल माझ्या संवेदना. जखमींना लवकर बरे व्हावे अशी मी प्रार्थना करतो. मी गोव्याचे मुख्यमंत्री डॉ. प्रमोद सावंतजी यांच्याशी परिस्थितीबद्दल बोललो. राज्य सरकार बाधितांना सर्वतोपरी मदत करत आहे.”
हेदेखील वाचा : वेड्यांचा बाजार! पायाला आग लावून दाखवत मारत होता हुशारी, तितक्यातच हवेची झुळूक आली अन् संपूर्ण शरीर जळू लागलं; Video Viral
.png "Videos"){kind=small}
