Gujarat Fire: मोठी बातमी! गुजरातमध्ये आगीचे तांडव; पॅथॉलॉजी लॅबला आग; हॉस्पिटलमधील मुलांना थेट….

Fire News: आग लागल्याची माहिती मिळताच अग्निशमन दलाच्या ५ गाड्या आणि ५० पेक्षा जास्त अग्निशमन दलाचे जवान घटनास्थळी दाखल झाले आहेत.

गुजरातच्या भावनगरमधील पॅथॉलॉजी लॅबला भीषण आग
हळू हळू आग संपुन कॉम्प्लेक्समध्ये पसरली
बिल्डिंगमधील लोकांना सुरक्षितपणे बाहेर काढले

गुजरातमधील भावनगर येथे एक मोठी दुर्घटना घडली आहे. गुजरातमधील भावनगर येथील काला नाला भागातील एका पॅथॉलॉजी लॅबला भीषण आग लागल्याची घटना घडली आहे. लॅबमध्ये लागलेली आग हळूहळू सर्व बिल्डिंगमध्ये पसरली. तसेच जवळील काही रूग्णालयांना देखील या आगीने प्रभावित केले. आग लागल्याची माहिती मिळताच अग्निशमन दलाच्या ५ गाड्या आणि ५० पेक्षा जास्त अग्निशमन दलाचे जवान घटनास्थळी दाखल झाले आहेत.

अग्निशमन दलाच्या जवानांनी बिल्डिंगमधील १९ रूग्णांना सुरक्षितपणे बाहेर काढले आहे. समोर आलेल्या माहितीनुसार या घटनेत कोणतीही जीवितहानी झालेली नाही. ज्या कॉम्पलेक्समधील पॅथॉलॉजी लॅबला ही आग लागली त्या कॉम्प्लेक्समध्ये हॉस्पिटल्स आणि दुकाने व अनेक ऑफिसेस आहेत. अग्निशमन दलाने बचावकार्य अत्यंत वेगाने केले. कॉम्प्लेक्सच्या काचा फोडून रुग्णालयात भरती असणाऱ्या मुलांना सुरक्षितपणे बाहेर काढले.

सर्व रुग्णांना जवळील रुग्णालयात दाखल करण्यात आले आहे. आग लागताच स्थानिक नागरिकांनी मदतकार्य सुरु केले. नंतर अग्निशमन दलाचे सर्वाना सुरक्षितपणे बाहेर काढले. १९ ते २० लोकांना सुखरुपणे बाहेर काढण्यात यश आले आहे. अग्निशमन दलाच्या तीन गाड्या आणि ५० पेक्षा जास्त जवान या बचावकार्यामध्ये सामील झाले होते.

श्रीनगरमध्ये पोलिस ठाण्यातच मोठा स्फोट

श्रीनगरमधील नौगाम पोलिस ठाण्यात मोठा स्फोट झाला. हा स्फोट शुक्रवारी रात्री साडेअकराच्या सुमारास झाल्याची माहिती दिली जात आहे. यात सहा जणांचा मृत्यू झाला तर 27 जण जखमी झाले. डझनभराहून अधिक वाहनांना आग लागली. या स्फोटामुळे जवळच्या घरांचेही मोठे नुकसान झाले आणि खिडक्यांच्या काचा फुटल्या. हा स्फोट इतका मोठा की, आसपासच्या परिसरात याचा आवाज आला.

श्रीनगरमध्ये पोलिस ठाण्यातच मोठा स्फोट; सहा जणांचा मृत्यू तर 27 जण जखमी

फरिदाबादमध्ये जप्त केलेल्या स्फोटक पदार्थांचे नमुने घेताना हा स्फोट झाल्याचे वृत्त आहे, परंतु, याला अधिकृत दुजोरा मिळाला नाही. जप्त केलेले स्फोटक अमोनियम नायट्रेट होते. या घटनेत अनेक लोक जखमी झाले आहेत आणि त्यांना उपचारासाठी उजाला सिग्नस, एसएमएचएस आणि ९२ बेस हॉस्पिटलमध्ये हलवण्यात आले आहे. जखमींवर या रुग्णालयांमध्ये उपचार सुरू आहेत.

जैश-ए-मोहम्मद आणि अन्सार गजवत-उल-हिंद (अजेएयूएच) शी संबंधित दहशतवादी मॉड्यूलचा उलगडा झाला, त्याच पोलिस ठाण्यात हा स्फोट झाला आहे. फरीदाबादमध्ये दोन ओव्हरग्राउंड वर्कर्स (OGW) यांना अटक केल्यानंतर, पोलिस स्टेशनच्या एसएचओने केलेल्या तपासात २९०० किलोग्रॅम स्फोटके आणि मोठ्या प्रमाणात शस्त्रे जप्त करण्यात आली.