ऐन सणासुदीच्या काळात ऑनलाईन विक्री थंडावली; डिलिव्हरी डिस्पॅचमध्ये 10 ते 12 टक्क्यांची घट

प्रीमियम इलेक्ट्रॉनिक्स, स्मार्टफोन, लॅपटॉप आणि घरगुती उपकरणारसारख्या विभागांमध्ये मागणी मंदावली आहे. गेल्या काही महिन्यांत या उत्पादनांच्या किमतीत ३० ते ४० टक्क्यांनी झालेली वाढ हे याचे मुख्य कारण आहे.

• ऑनलाइन डिलिव्हरी डिस्पॅचमध्ये १० ते १२ टक्क्यांनी घट
• संपूर्ण ई-कॉमर्स उद्योगाचा वेग मंदावतोय
• सणासुदीत खरेदीची अपेक्षा

नवी दिल्ली : भारतात सणासुदीच्या काळात महागाईमुळे बाजारपेठा आणि ई-कॉमर्स ऑनलाइन शॉपिंग मंदावली आहे. अॅमेझॉनच्या ‘ग्रेट इंडियन फेस्टिव्हल’ आणि फ्लिपकार्टच्या ‘बिग बिलियन डेज’सारख्या प्रमुख सणासुदीच्या सेल इव्हेंट्सच्या पहिल्या १० दिवसांत, गेल्या वर्षीच्या तुलनेत ऑनलाइन डिलिव्हरी डिस्पॅचमध्ये १० ते १२ टक्क्यांनी घट झाली.

तज्ज्ञांच्या मते, प्रीमियम इलेक्ट्रॉनिक्स, स्मार्टफोन, लॅपटॉप आणि घरगुती उपकरणारसारख्या विभागांमध्ये मागणी मंदावली आहे. गेल्या काही महिन्यांत या उत्पादनांच्या किमतीत ३० ते ४० टक्क्यांनी झालेली वाढ हे याचे मुख्य कारण आहे. वाढता खर्च आणि कमी नफ्यामुळे बँड् मोठ्या सवलती देऊ शकत नाहीत. येत्या काही दिवसांत मागणी वाढली नाही, तर ई-कॉमर्स क्षेत्रासाठी हा सणासुदीचा हंगाम अपेक्षेपेक्षा खूपच कमकुवत ठरू शकतो.

सुरुवातीला, सणासुदीच्या काळात जोरदार खरेदीची अपेक्षा होती, परंतु आता ऑनलाईन सणासुदीची विक्रीही मंदावलेली दिसत आहे. प्रमुख ई-कॉमर्स कंपन्या आणि डायरेक्ट-टू-कन्झ्युमर ब्रँड्च्या मते, सेलच्या सुरुवातीच्या चार दिवसांत ई-कॉमर्स प्लॅटफॉर्मचे एकूण व्यापार मूल्य सुमारे २९८०० ते ३०९०० कोटी होते, जे गेल्या वर्षी याच कालावधीतील ३३२०० कोटींच्या तुलनेत वार्षिक आधारावर ७ ते १० टक्क्यांनी कमी आहे.

संपूर्ण ई-कॉमर्स उद्योगाचा वेग मंदावतोय

उद्योग क्षेत्राशी संबंधित अधिकाऱ्यांच्या मते, स्मार्टफोन आणि इलेक्ट्रॉनिक्स यांसारख्या श्रेणी सामान्यतः फेस्टिव्ह सेल दरम्यान एकूण जीएमव्हीमध्ये निम्म्याहून अधिक वाटा उचलतात. अशा परिस्थितीत, या प्रमुख श्रेणींच्या किंमतीत झालेली वाढ संपूर्ण ई-कॉमर्स उद्योगाचा वेग मंदावत आहे.

सणासुदीत खरेदीची अपेक्षा

सुरुवातीला सणासुदीच्या हंगामात जोरदार खरेदी होईल अशी अपेक्षा वर्तवली जात होती. मात्र, आता ऑनलाइन सणासुदीची विक्रीही मंदावलेली दिसत आहे. प्रमुख ई-कॉमर्स कंपन्या आणि डायरेक्ट-टू-कंज्यूमर ब्रँड्सच्या मते, वाढत्या किमती आणि मर्यादित डिस्काउंटमुळे ग्राहकांचा ओढा कमी झाला आहे.

FAQ

नेमकं काय झालं? किती विक्री कमी झाली?

– दिवाळी 2026 मध्ये सगळ्यांना वाटलं ऑनलाईन विक्रीचा रेकॉर्ड होईल, पण उलटं झालं. Counterpoint Research नुसार 16% कमी – गेल्या काही वर्षांतली सर्वात मोठी घसरण

ऐन सणासुदीत ऑनलाईन विक्री का कमी?

– स्मार्टफोन आणि इलेक्ट्रॉनिक्स महागले. फ्रेट चार्ज वाढला. त्यामुळे iPhone, Samsung, Vivo, Oppo, Xiaomi चे सरासरी दर आता 35000-37000 झाले.

Indian Vegetables : जेवणाच्या ताटात असायला हव्यात ‘या’ शक्तिशाली भाज्या, अशक्तपणा कमी होण्यासोबतच शरीराला मिळेल आवश्यक पोषण