पुणे मेट्रोचा विस्तार होणार! केंद्राकडून ९,८५८ कोटींच्या खर्चाला मंजुरी; मंत्रिमंडळाच्या बैठकीत झाले ४ महत्त्वाचे निर्णय

कॅबिनेटने सर्वाधिक मोठा निधी पुणे मेट्रो प्रकल्पासाठी दिला आहे. पुणे मेट्रो फेज-१ च्या विस्तारासाठी ९,८५८ कोटी रुपये मंजूर करण्यात आले आहेत. यातून शहरात सुमारे ३२ किलोमीटरची नवीन लाईन टाकली जाईल. हा रूट खरडी ते खडकवासला आणि नल स्टॉप ते माणिक बाग पर्यंत असेल. यामुळे पुणे मेट्रोचे नेटवर्क १०० किलोमीटरच्या पुढे जाईल आणि वाहतूक कोंडीमुळे त्रस्त पुणेकरांना मोठा दिलासा मिळेल.

हे देखील वाचा: “माझ्यासारख्या सामान्य व्यक्तीला …”; Constitution Day निमित्त पंतप्रधान मोदींचे देशवासियांना पत्र

२. मुंबई लोकलसाठी बदलापूर-कर्जतला नवी लाईन

मुंबईजवळ राहणाऱ्या लाखो प्रवाशांसाठी ही अत्यंत महत्त्वाची बातमी आहे. कॅबिनेटने बदलापूर आणि कर्जत दरम्यान तिसरी आणि चौथी रेल्वे लाईन टाकण्यास मंजुरी दिली आहे. या प्रकल्पावर १,३२४ कोटी रुपये खर्च केले जातील. सध्या या मार्गावर फक्त दोन लाईन्स असल्यामुळे वाहतुकीचा ताण खूप असतो. नवीन लाईन्समुळे लोकल ट्रेन आणि मालगाड्या वेगवेगळ्या ट्रॅकवरून धावतील. यामुळे मुंबई लोकलच्या प्रवाशांचा प्रवास सोपा होईल आणि ट्रेन उशिरा धावण्याचे प्रमाण कमी होईल.

३. चीनला टक्कर देण्यासाठी REPM स्कीम

भविष्यातील तंत्रज्ञान आणि आत्मनिर्भरतेचा विचार करून सरकारने रेअर अर्थ परमनंट मॅग्नेट (REPM) स्कीमला मंजुरी दिली आहे. यासाठी ७,२८० कोटी रुपयांचे बजेट ठेवण्यात आले आहे. भारतातच इलेक्ट्रिक वाहने आणि मोबाइल फोनमध्ये वापरले जाणारे हायटेक मॅग्नेट तयार करणे हा यामागचा मुख्य उद्देश आहे. सध्या या उत्पादनासाठी भारताला इतर देशांवर अवलंबून राहावे लागते. या निर्णयामुळे भारत आत्मनिर्भर बनेल.

४. देवभूमी द्वारका रेल्वे लाईनचे दुहेरीकरण

गुजरातच्या भाविकांसाठीही कॅबिनेटने निर्णय घेतला आहे. ओखा ते कनालूस रेल्वे लाईन दुहेरी करण्याची (Double Line) मंजुरी देण्यात आली आहे. या प्रकल्पावर १,४५७ कोटी रुपये खर्च होतील. यामुळे देवभूमी द्वारका येथे जाणाऱ्या गाड्यांची संख्या वाढवता येईल आणि मालवाहतूकही जलद होईल. हा प्रकल्प या भागाच्या विकासासाठी मैलाचा दगड ठरेल.

महाराष्ट्रासाठी मोठे ‘गेम चेंजर’ प्रकल्प

या चारही प्रकल्पांना मिळून सरकारने एकाच दिवशी १९,९१९ कोटी रुपये खर्च करण्याचा मोठा निर्णय घेतला आहे. यामध्ये रेल्वे आणि मेट्रो या दोन्ही बाबींचा विचार करण्यात आला आहे. बदलापूर आणि पुणे येथील प्रकल्प महाराष्ट्रासाठी मोठे ‘गेम चेंजर’ ठरतील. तर REPM स्कीम देशाच्या तंत्रज्ञान क्षेत्राला नवी दिशा देईल, असे अश्विनी वैष्णव यांनी स्पष्ट केले.

हे देखील वाचा: Ayushman Bharat Yojana: आयुष्मान भारतमध्ये मोठा बदल! लाखो कुटुंबांना आता 5 लाख नाहीतर 10 लाखांपर्यंत मिळणार मोफत उपचार

संबंधित बातम्या