Rahul Gandhi Yellow Book Protocol: राहुल गांधींंवर गुन्हा दाखल होणार? यलोबुक प्रोटोकॉलचे उल्लंघन केल्याचा आरोप

सुरक्षा नियमांचे उल्लंघन गंभीर मानले जाते. यलो बुक प्रोटोकॉलकडे दुर्लक्ष करणे हे केवळ शिस्तभंगाचे प्रकरण नसून, अनेकदा हे कायद्याने गुन्ह्याच्या श्रेणीत मोडते.

• राहुल गांधींकडून सुरक्षा नियमांचे उल्लंघन
• सीआरपीएफने काँग्रेस अध्यक्ष मल्लिकार्जुन खर्गे यांना पत्र
• व्हीव्हीआयपीच्या सुरक्षेबाबत वेगवेगळ्या स्तरांचे वेगवेगळे प्रोटोकॉल

Rahul Gandhi Yellow Book Protocol: लोकसभा विरोधी पक्षनेते आणि काँग्रेस खासदार राहुल गांधी यांच्यावर सुरक्षा नियमांचे उल्लंघन केल्याचा आरोप कऱण्यात आला आहे. सीआरपीएफने काँग्रेस अध्यक्ष मल्लिकार्जुन खर्गे यांना पत्र लिहून यासंदर्भात माहिती दिली आहे. मलेशिया दौऱ्यादरम्यान राहुल गांधी यांनी नियमांचे उल्लंघन केल्याचे वृत्त आहे. अशा परिस्थितीत त्यांच्या सुरक्षेची जबाबदारी असलेल्या सीआरपीएफने काँग्रेस अध्यक्षांना यलो बुक प्रोटोकॉल तोडल्याची माहिती दिली आहे. सीआरपीएफचे म्हणणे आहे की यामुळे व्हीव्हीआयपीच्या सुरक्षेला धोका निर्माण झाला आहे. जर एखाद्या महत्त्वाच्या पदावर असलेल्या व्यक्तीने यलो बुक प्रोटोकॉल मोडला तर सीआरपीएफ त्यांच्याविरुद्ध गुन्हा दाखल करू शकते, असा प्रश्न उपस्थित होऊ लागला आहे.

यलो बुक प्रोटोकॉल म्हणजे काय?

गृह मंत्रालयाकडून यलो बुक प्रोटोकॉल जारी केला जातो. यामध्ये व्हीव्हीआयपीच्या सुरक्षेबाबत वेगवेगळ्या स्तरांचे वेगवेगळे प्रोटोकॉल जारी केले जातात. व्हीव्हीआयपी व्यक्तीने त्याचे पालन करणे आवश्यक आहे. या पुस्तकात लिहिलेल्या नियमात म्हटले आहे की जर एखादा व्हीव्हीआयपी कुठेतरी प्रवास करत असेल तर त्यापूर्वी सुरक्षेची जबाबदारी असलेल्या एजन्सीला याची माहिती दिली पाहिजे. जेणेकरून सुरक्षा व्यवस्था आगाऊ करता येईल.

Bomb threat: दिल्लीनंतर आता मुंबई उच्च न्यायालयाला बॉम्बची धमकी, संपूर्ण कॅम्पस रिकामा

या अंतर्गत सुरक्षा कशी दिली जाते?

सुरक्षेचे गांभीर्य लक्षात घेऊन, वेगवेगळ्या स्तरांवर वेगवेगळ्या लोकांना Z+, Z, Y आणि X सुरक्षा प्रदान केली जाते. CRPF ची VIP सुरक्षा शाखा राहुल गांधींना Z Plus (ASL) सशस्त्र सुरक्षा प्रदान करते. त्यानुसार, जेव्हा जेव्हा राहुल गांधींना बाहेर जावे लागते तेव्हा सुमारे 10-12 CRPF कमांडो त्यांना कडक सुरक्षा प्रदान करतात. ASL चा एक भाग म्हणून, CRPF राहुल गांधींच्या दौऱ्याची प्राथमिक तपासणी करते.

यलो बुक प्रोटोकॉल अंतर्गत, जर एखादा VVIP परदेशात प्रवास करत असेल तर त्याला सुरक्षा एजन्सीला 15 दिवस आधी माहिती देणे आवश्यक आहे. राहुल गांधींवर या नियमाचे वारंवार उल्लंघन केल्याचा आरोप आहे.

सीआरपीएफला थेट एफआयआर दाखल करण्याचा अधिकार नाही

सुरक्षा नियमांचे उल्लंघन गंभीर मानले जाते. यलो बुक प्रोटोकॉलकडे दुर्लक्ष करणे हे केवळ शिस्तभंगाचे प्रकरण नसून, अनेकदा हे कायद्याने गुन्ह्याच्या श्रेणीत मोडते. सरकारी आदेशाचे उल्लंघन झाल्यास भारतीय दंड संहितेप्रमाणे (BNS) कलम 223, तसेच सरकारी सेवकाच्या कर्तव्यात अडथळा आणल्यास कलम 132 लागू होऊ शकते.

SIP मध्ये अव्वल आहे ‘ही’ योजना! दर महिन्याला पैशांची दुथडी भरून वाहणार खिसा, जाणून घ्या

सीआरपीएफच्या अधिकारांबाबत कायद्याने स्पष्ट मर्यादा घालण्यात आल्या आहेत. सीआरपीएफला थेट एफआयआर नोंदवण्याचा अधिकार नसतो. मात्र, सुरक्षा नियमांचे उल्लंघन झाल्यास सीआरपीएफ अधिकारी स्थानिक पोलिस किंवा संबंधित एजन्सीकडे लेखी तक्रार करतात. त्यानंतर पोलिसांकडून एफआयआर नोंदवला जातो आणि पुढील तपास केला जातो.

जर उल्लंघन सीआरपीएफच्या स्वतःच्या जवानाकडून झाले असेल, तर दलाच्या अंतर्गत शिस्तभंग कारवाईची प्रक्रिया राबवली जाते. पण जर नागरिक किंवा इतर अधिकारी नियमभंग करताना आढळले, तर त्यांच्याविरुद्ध पोलिसांकडून गुन्हा दाखल होणे निश्चित असल्याचे अधिकाऱ्यांनी स्पष्ट केले.