Paytm वापरकर्ते असाल तर सावधान! Paytm होणार ‘या’ तारखेला बंद, RBI ची कारवाई

पेटीएम वापरकर्त्यांना यापुढे वॉलेट आणि फास्टॅगमधून व्यवहार करता येणार नाही. बॅंकला ग्राहकांकडून कोणतीही रक्कम स्वीकारण्यास बंदी घातली आहे.

दिल्ली : रिझर्व्ह बॅंक ऑफ इंडियाकडून (RBI) पेमेंट बँक लिमिटेडवर (Paytm Payment Bank) मोठी कारवाई करण्यात आली आहे. आरबीआयने ग्राहकांच्या खात्यासंबंधी व्यवहारावर बंदी आणण्याचा निर्णय घेतला आहे. यामुळे पेटीएम (Paytm Banned) वापरकर्त्यांना यापुढे वॉलेट आणि फास्टॅगमधून व्यवहार करता येणार नाही. बॅंकला ग्राहकांकडून कोणतीही रक्कम स्वीकारण्यास बंदी घातली आहे.

Paytm बॅंकेच्या कारभारामध्ये आरबीआयला संशय येत होता. बँकेच्या कामकाजामध्ये अनियमितता आढळून आली होती. यामुळे आरबीआयने यामध्ये हस्तक्षेप करण्याचा निर्णय घेतला आहे. बँकिंग रेग्युलेशन ॲक्ट, 1949 च्या कलम 35A अंतर्गत ही कारवाई करण्यात आली आहे. आरबीआयकडून पेटीएमवर कारवाईचा बडगा उगारण्यात आला असून PPBL ला आता नवे ग्राहक न जोडण्याचे निर्देश देखील देण्यात आले आहेत.

See more

Action against Paytm Payments Bank Ltd under Section 35A of the Banking Regulation Act, 1949https://t.co/bswaWHSxtk — ReserveBankOfIndia (@RBI) January 31, 2024

येत्या 29 फेब्रवारीपासून पेटीएमचे व्यवहार बंद होणार आहेत. यामुळे 29 फेब्रुवारीनंतर कोणत्याही ग्राहकांच्या खात्यांमध्ये, प्रीपेड उपकरणे, वॉलेट्स, FASTags, NCMC कार्ड्स इत्यादींमध्ये कोणतेही व्याज, कॅशबॅक किंवा परतावा याशिवाय कोणत्याही ठेवी किंवा क्रेडिट व्यवहारांना किंवा टॉप अप्सना परवानगी दिली जाणार नाही. तसेच 29 फेब्रुवारी 2024 नंतर बँकेने BBPOU आणि UPI सुविधा बँकेने प्रदान करू नये. असे निर्देश देखील रिजर्व्ह बॅंक ऑफ इंडियाने दिले आहेत.