‘या’ जिल्ह्यांतील शाळा आणि महाविद्यालयांना सुट्टी जाहीर, तामिळनाडू आणि पुद्दुचेरीमध्ये मुसळधार पावसाची शक्यता

हे सुद्धा वाचा: झारखंड निवडणुकीदरम्यान मोठा अपघात; कर्तव्यावर असलेल्या CRPF जवानाच्या डोक्याला लागली गोळी, नेमकं प्रकरण काय?

बंगालच्या उपसागराच्या दक्षिण-पूर्वेला कमी दाबाच्या क्षेत्रामुळे तामिळनाडूत मुसळधार पाऊस पडेल, असे प्रादेशिक हवामान केंद्राने म्हटले आहे. हवामान खात्याने दोन दिवसांसाठी ऑरेंज अलर्ट जारी केला असून, संभाव्य पूर आणि पाणी तुंबण्याचा इशारा दिला आहे.

मुख्यमंत्री स्टॅलिन यांनी राष्ट्रीय आपत्ती प्रतिसाद दल (NDRF) आणि तामिळनाडू आपत्ती प्रतिसाद दलाला बाधित भागात आगाऊ तैनात करण्याचे निर्देश दिले. जीवनावश्यक वस्तूंच्या किमती नियंत्रणात ठेवण्यासाठी पावले उचलली पाहिजेत, यावर स्टॅलिन यांनी भर दिला. तसेच वृद्धाश्रम आणि निराधार गृहांमध्ये अन्नधान्य आणि औषधांचा पुरेसा साठा ठेवण्यासाठी प्रयत्न करावेत.

सध्या देशात तीन प्रकारचे हवामान पाहायला मिळत आहे. उत्तर भारतात हिमवर्षाव सुरू झाला असून, मैदानी भागात धुक्यासोबतच दिवस आणि रात्रीच्या तापमानातही झपाट्याने चढ-उतार होत आहेत. तर दक्षिण भारतात परतीच्या मान्सूनमुळे पाऊस पडत आहे. तर जम्मू-काश्मीर आणि हिमाचलमध्ये बर्फवृष्टी सुरू झाली आहे. साधना टॉप, गुरेझ, पीर पंजाल रेंज, पीर की गली, काश्मीर खोऱ्यातील कुपवाडामधील सोनमर्ग आणि लडाखच्या झोजिला पासमध्येही हंगामातील पहिली बर्फवृष्टी झाली.

त्याच वेळी, दिल्ली, पंजाब, हरियाणा, उत्तर प्रदेश, मध्य प्रदेशचे मैदानी भाग प्रदूषण आणि धुक्याची चादर पसरली आहे. या राज्यांतील अनेक जिल्ह्यांमध्ये हवा गुणवत्ता नियंत्रण (AQI) 350 ते 400 दरम्यान नोंदवले गेले. तर दक्षिण भारतात, चेन्नई, तिरुवल्लूर, कांचीपुरम, चेंगलपट्टू, कुड्डालोर, मायिलादुथुराई, नागापट्टिनम, तंजावर, तिरुवरूर, पुदुक्कोट्टई, रामनाथपुरम, विल्लुपुरम आणि पुद्दुचेरी येथे मुसळधार पाऊस पडत आहे.

हे सुद्धा वाचा:  ‘या दिवशी मंदिरात होणार हिंसाचार, अयोध्येला आम्ही हादरवून टाकू’, खलिस्तानी दहशतवादी पन्नूनं दिली राम मंदिर उडवण्याची धमकी