‘हे माझे नाही, तर संपूर्ण देशाचे मिशन’, ISS मधून परतल्यावर Shubhanshu Shukla यांनी सांगिला अनुभव

इस्रोचे अध्यक्ष व्ही. नारायणन यांच्यासोबत पत्रकार परिषदेत शुभांशू शुक्ला यांनी त्यांच्या अंतराळ मोहिमेच्या अनुभवांबद्दल सांगितले आणि ते संपूर्ण देशाचे अभियान असल्याचे म्हटले. त्यांनी भारत सरकार, इस्रो आणि संशोधकांचे आभार

नवी दिल्ली: आंतरराष्ट्रीय अंतराळ स्थानकावरून (ISS) नुकतेच परतलेले भारतीय अंतराळवीर आणि ग्रुप कॅप्टन शुभांशू शुक्ला यांनी (Shubhanshu Shukla) गुरुवारी दिल्लीत आपला अनुभव सांगितला. इस्रोचे अध्यक्ष व्ही. नारायणन यांच्यासोबत आयोजित संयुक्त पत्रकार परिषदेत त्यांनी आपल्या ऐतिहासिक अंतराळ मोहिमेचे अनुभव शेअर केले.

अंतराळातील अनुभव आणि प्रशिक्षण

शुभांशू शुक्ला म्हणाले की, “हे केवळ माझे नाही, तर संपूर्ण देशाचे मिशन होते.” त्यांनी सांगितले की अंतराळातील अनुभव जमिनीवरील अनुभवापेक्षा खूप वेगळा असतो. तिथे राहून मिळालेले ज्ञान आणि माहिती अमूल्य आहे, जी भविष्यातील मोहिमांसाठी अत्यंत उपयुक्त ठरेल.

“गेल्या एका वर्षात मी गोळा केलेली सर्व माहिती आपल्या गगनयान (Gaganyaan) आणि भारतीय अंतराळ स्थानक (Indian Space Station) यांसारख्या महत्त्वाकांक्षी मोहिमांसाठी खूप मोलाची ठरेल,” असे त्यांनी सांगितले.

शुक्ला यांनी शरीरावर होणाऱ्या बदलांविषयीही सांगितले. ते म्हणाले, “२० दिवस अंतराळात घालवल्यानंतर शरीर गुरुत्वाकर्षणात (Gravity) जगणे विसरते. अंतराळातून भारत अजूनही जगातील इतर देशांपेक्षा जास्त चांगला दिसतो.”

See more

#WATCH | Delhi | On Axiom-4 mission, Group Captain Shubhanshu Shukla says, “… This mission has been extremely successful. We have been able to achieve all of our technical objectives… Execution of such a mission gives a lot of knowledge that cannot be measured or… pic.twitter.com/merj19Utk9 — ANI (@ANI) August 21, 2025

शुभांशू शुक्लांनी अंतराळात केले भारताचे नाव रोशन; किती यशस्वी ठरले अ‍ॅक्सिओम मिशन?

भारताच्या ‘गगनयान’ मोहिमेवर शुभांशू शुक्ला यांचे भाष्य

शुभांशू शुक्ला यांनी भारताच्या महत्त्वाकांक्षी गगनयान मोहिमेची (Gaganyaan Mission) माहिती दिली. ही इस्रोची पहिली मानवी अंतराळ मोहीम आहे, ज्या अंतर्गत २०२७ मध्ये भारतीय हवाई दलाचे तीन वैमानिक अंतराळात पाठवले जातील. या मोहिमेचा अंदाजित खर्च सुमारे २०,१९३ कोटी रुपये आहे.

गगनयान मोहिमेची वैशिष्ट्ये:

• वैमानिक संख्या: तीन भारतीय वैमानिक अंतराळात जातील.
• उंची आणि कालावधी: ते पृथ्वीच्या कक्षेत ४०० किलोमीटर उंचीवर तीन दिवस राहतील.
• लँडिंग: त्यानंतर हिंदी महासागरात सुरक्षित लँडिंग केले जाईल.
• चाचणी उड्डाणे: मानवी मोहीम सुरू करण्याआधी, दोन रिकामी चाचणी उड्डाणे (Test Flights) आणि एका रोबोटिक उड्डाणाचे (Robotic Flight) नियोजन आहे.

या अनुभवाबद्दल बोलताना शुभांशू शुक्ला यांनी भारत सरकार, इस्रो आणि सर्व संशोधकांचे आभार मानले. लवकरच भारत आपल्या स्वतःच्या कॅप्सूल आणि रॉकेटमधून माणसाला अंतराळात पाठवेल, असा विश्वास त्यांनी व्यक्त केला.