Akilesh yadav Jump over barricade : अखिलेश यादव यांचे फिल्मी स्टाईल आंदोलन; थेट बॅरिकेटवरुन पलिकडे उडी, पोलिसांची दमछाक

राजधानी दिल्लीत एसआयआर विरोधात सुरू असलेल्या निदर्शनादरम्यान, अखिलेश यादव यांनी बॅरिकेड्सवरून उडी मारली. या दरम्यान, दिल्ली पोलिस पाहत राहिले. या घटनेचा व्हिडिओ सोशल मीडियावर व्हायरल होतो आहे.

Akilesh yadav Jump over barricade : नवी दिल्ली : दिल्लीमध्ये विरोधकांनी आक्रमक पवित्रा घेतला आहे. निवडणूक आयोगावर मतचोरीचा आरोप करत महाराष्ट्रासह अनेक राज्यांमध्ये घोटाळा झाला असल्याचा आरोप करण्यात आला आहे. यावरुन इंडिया आघाडीने आंदोलन देखील केले आहे. विरोधी खासदारांनी संसदेच्या मकर द्वारापासून ते निवडणूक आयोग कार्यालयापर्यंत मोर्चा काढला. पोलिसांनी राहुल गांधी आणि प्रियांका गांधी यांच्यासह अनेक विरोधी पक्षाच्या खासदारांना ताब्यात घेत त्यांचा मोर्चा अडवला. पोलिसांनी खासदारांच्या मोर्चाला निवडणूक आयोगाकडे जाण्यापासून रोखले. पण त्यानंतरही विरोधी खासदार चांगलेच आक्रमक झाले. यावेळी समाजवादी पार्टीचे अखिलेश यादव हे फिल्मी स्टाईलमध्ये आंदोलन करताना दिसून आले.

कथित मतदान चोरी आणि विशेष मतदार यादी पुनरावृत्ती विरोधात नवी दिल्लीत इंडिया अलायन्सचे आंदोलन केले. यामध्ये दोन्ही सभागृहातील विरोधी 300 खासदारांनी सहभाग घेत निदर्शने केली. या आंदोलनाला पोलिसांनी परवानगी दिली नव्हती. त्यानंतर देखील मोर्चा काढण्यात आल्यामुळे पोलिसांनी तो रोखला. निवडणूक आयोगाच्या कार्यालयापासून थोड्या अंतरावर बॅरिकेड्स लावून पोलिस प्रशासनाने खासदारांना रोखले. या दरम्यान, सपा प्रमुख अखिलेश यादव बॅरिकेड्स ओलांडून पुढे जाण्याचा प्रयत्न करत होते. याचा व्हिडिओ सोशल मीडियावर तुफान व्हारयल झाला आहे.

राजकीय बातम्या वाचण्यासाठी क्लिक करा 

इंडिया अलायन्सच्या या निषेधात जवळजवळ सर्व विरोधी पक्षांचे खासदार आणि प्रमुख नेते उपस्थित होते. मल्लिकार्जुन खरगे, राहुल गांधी, प्रियंका गांधी, अखिलेश यादव, डिंपल यादव, शरद पवार, सुप्रिया सुळे, संजय राऊत यांच्याव्यतिरिक्त, तृणमूल काँग्रेस आणि द्रमुकचे सर्व खासदार सहभागी झाले होते. यावेळी अखिलेश यादव यांनी पोलिसांची नजर चुकवून पुढे जाण्याचा प्रयत्न केला.

निवडणूक आयोगाच्या कार्यालयापासून थोड्या अंतरावर इंडिया अलायन्सच्या नेतृत्वाखालील निषेध मोर्चा सुरक्षा कर्मचाऱ्यांनी थांबवला तेव्हा अखिलेश यादव गर्दीतून बॅरिकेड्सवर चढले आणि गर्दीतून बाहेर पडले. त्यानंतर दुसऱ्या प्रयत्नात ते पत्रकारांमध्ये पोहोचले. या दरम्यान घटनास्थळी तैनात असलेले सर्व पोलिस कर्मचारी पाहत राहिले.

महाराष्ट्रसंबंधित बातम्या वाचण्यासाठी क्लिक करा 

अखिलेश यादव यांनी फिल्मी शैलीत बॅरिकेड्स ओलांडले

पत्रकारांमध्ये पोहोचताच सपा प्रमुखांनी त्यांच्या खिशातून मतदार पुनरीक्षण यादीला विरोध करणारे पोस्टर काढले आणि हवेत फडकावले. यानंतर पत्रकारांनी विचारले की तुम्ही बॅरिकेड्सवरून कशी उडी मारली. यावर अखिलेश यादव यांनी पोस्टरकडे बोट दाखवत म्हटले की आम्हाला यासाठी उडी मारावी लागली. अखिलेश यादव यांनी बॅरिकेड्सवरून उडी मारल्यानंतर, इतर सपा खासदारांनीही मागून बॅरिकेड्सवरून उडी मारण्यास सुरुवात केली. यामुळे पोलिसांची आणि सुरक्षा कर्मचाऱ्यांची एकच दमछाक झाली.

See more

VIDEO | Samajwadi Party MP Akhilesh Yadav (@yadavakhilesh ) was seen jumping over the police barricade, protesting with banners in hand as protesting opposition MPs were stopped by police barricades at Transport Bhawan while marching towards the Election Commission headquarters.… pic.twitter.com/OtvYEM3NgS — Press Trust of India (@PTI_News) August 11, 2025

या घटनेचा व्हिडिओ सोशल मीडियावर व्हायरल होत आहे. व्हिडिओ शेअर करताना, विरोधक बॅरिकेड्स ओलांडल्याबद्दल खासदाराचे कौतुक करत आहेत. यासोबतच सपा प्रमुखांच्या फिटनेसचीही चर्चा होत आहे. इंडिया आघाडीच्या या निवडणूक आयोगाविरोधातील आंदोलनाने संपूर्ण देशाचे लक्ष वेधले आहे. या आंदोलनामध्ये राहुल गांधी, मल्लिकार्जुन खरगे, अखिलेश यादव, प्रियांका गांधी आणि संजय राऊत यांना ताब्यात घेतले विरोधी पक्षाच्या खासदारांसमोर पोलिस असहाय्य दिसत होते. त्यानंतर परिस्थिती नियंत्रणात आणण्यासाठी पोलिसांनी सर्व खासदारांना ताब्यात घेतले. खासदारांना व्हॅनमध्ये भरून मध्य दिल्लीला नेण्यात आले. त्यानंतर निषेध मोर्चा थांबला.