HAL Tejas MK1A News: पाक, चीन कोणालाच सोडणार नाही! भारतीय वायुसेनेत ‘तेजस Mk-1A’ ची एन्ट्री; टेस्टिंग अंतिम टप्प्यात

2021 पासून प्रलंबित असलेल्या नव्या पिढीच्या 'तेजस मार्क 1ए' (Tejas Mk-1A) लढाऊ विमानाची पहिली डिलिव्हरी एप्रिल महिन्याच्या तिसऱ्या आठवड्यात होण्याची दाट शक्यता आहे.

• पाक, चीन कोणालाच सोडणार नाही!
• भारतीय वायुसेनेत ‘तेजस Mk-1A’ ची एन्ट्री
• टेस्टिंग अंतिम टप्प्यात

‘मेक इन इंडिया’ अंतर्गत भारतीय संरक्षण क्षेत्रात एक मोठी झेप घेतली जात असून, भारतीय वायुसेनेच्या (IAF) प्रतीक्षेचा अंत आता जवळ आला आहे. 2021 पासून प्रलंबित असलेल्या नव्या पिढीच्या ‘तेजस मार्क 1ए’ (Tejas Mk-1A) लढाऊ विमानाची पहिली डिलिव्हरी एप्रिल महिन्याच्या तिसऱ्या आठवड्यात होण्याची दाट शक्यता आहे. हिंदुस्तान एयरोनॉटिक्स लिमिटेड (HAL) आणि वायुसेना प्रमुख यांच्यात लवकरच होणाऱ्या एका महत्त्वाच्या बैठकीत यावर शिक्कामोर्तब केले जाणार आहे.

कडक तांत्रिक चाचण्यांनंतरच मिळणार एन्ट्री

वायुसेनेच्या ताफ्यात समाविष्ट होण्यापूर्वी ‘तेजस Mk-1A’ ला कडक तांत्रिक निकषांवरून (Air Staff Quality Requirements) जावे लागणार आहे. ही प्रक्रिया पूर्ण झाल्यानंतरच हवाई दलाला प्रत्यक्ष ताबा मिळेल. या चाचण्यांचे स्वरूप खालीलप्रमाणे असेल: एचएएलच्या फॅक्टरीमध्ये वायुसेनेचे वरिष्ठ तांत्रिक अधिकारी विमानाची गुणवत्ता तपासतील. हवाई दलाचे अनुभवी फायटर पायलट्स या विमानाची मारक क्षमता आणि हवेतील कसरतींचे परीक्षण करतील. चाचणी दरम्यान काही त्रुटी आढळल्यास, त्या दूर करण्यासाठी विमान पुन्हा ‘एचएएल’कडे पाठवले जाईल. पूर्ण समाधानानंतरच अंतिम अहवाल तयार केला जाईल.

खळबळजनक! इंडिगोच्या विमानातील शौचालयात ‘Danger’ लिहिलेला टिश्यू पेपर सापडला, प्रवाशांमध्ये भीतीचे वातावरण

इंजिनच्या पुरवठ्यामुळे झाला होता विलंब

तेजसच्या डिलिव्हरीला विलंब होण्यामागे मुख्य कारण म्हणजे इंजिनचा वेळेत न झालेला पुरवठा. तेजस मार्क-1ए साठी जनरल इलेक्ट्रिक (GE) सोबत 2021 मध्ये करार करण्यात आला होता, ज्यानुसार भारताला 99 ‘F404’ इंजिन मिळणे अपेक्षित होते. आता या इंजिनचा पुरवठा हळूहळू सुरू झाल्याने या प्रकल्पाला गती मिळाली आहे. गेल्या वर्षीच्या ‘एअरो इंडिया’ शोमध्ये हवाई दल प्रमुखांनी या विलंबावरून नाराजी व्यक्त केली होती, त्यानंतर एचएएलने कामाचा वेग वाढवला आहे.

वायुसेनेसाठी ‘तेजस’ का महत्त्वाचा?

सध्या भारतीय वायुसेनेला भविष्यातील युद्धांचे आव्हान पेलण्यासाठी 42 फायटर स्क्वॉड्रनची आवश्यकता आहे, मात्र प्रत्यक्षात केवळ 29 स्क्वॉड्रन उपलब्ध आहेत. ही मोठी तूट भरून काढण्यासाठी ‘तेजस’ हा अत्यंत महत्त्वाचा दुवा ठरणार आहे.

• विद्यमान ताफा: वायुसेनेने आधीच 40 पैकी 38 तेजस (मार्क-1) विमाने ताफ्यात सामील केली आहेत.
• नवीन ऑर्डर: एचएएलला 83 तेजस मार्क-1ए विमानांची ऑर्डर मिळाली असून, आणखी 97 विमानांचा करार झाला आहे.
• भविष्यातील नियोजन: या विमानांच्या मदतीने येत्या काळात हवाई दलात एकूण 9 नवीन स्क्वॉड्रन तयार करण्याचे उद्दिष्ट आहे.

एप्रिलच्या अखेरीस होणाऱ्या या डिलिव्हरीकडे केवळ भारताचेच नव्हे, तर जागतिक संरक्षण तज्ज्ञांचेही लक्ष लागले आहे. यामुळे भारताची स्वदेशी संरक्षण उत्पादन क्षमता पुन्हा एकदा सिद्ध होणार आहे.

महिन्याच्या पहिल्याच दिवशी गॅस सिलिंडरच्या दरात मोठी वाढ; 195.50 रुपयांनी महागला सिलिंडर