वायनाडमधील विध्वंसानंतर साऊथ सुपरस्टार्सनी केला मदतीचा हात पुढे
वायनाड: केरळमधील वायनाडमध्ये दोन दिवसांपूर्वी झालेल्या मुसळधार पावसाने आपत्ती ओढवली. प्रचंड भूस्खलनामुळे मोठे नुकसान झाले. या भूस्खलनामुळे आतापर्यंत 254 जणांचा मृत्यू झाला आहे. अनेक जण जखमी झाल्याचे सांगण्यात येत आहे. शेकडो लोक अडकले असून त्यांना सुखरूप बाहेर काढण्यासाठी बचावकार्य सुरू आहे. वायनाडमधून येणारी छायाचित्रे तेथील परिस्थितीची कहाणी सांगत आहेत. अनेक मल्याळम कलाकारांनी भूस्खलनग्रस्तांच्या मदतीसाठी मुख्यमंत्री मदत निधीमध्ये देणगी दिली आहे. मल्याळम सुपरस्टार मामूट्टी आणि त्यांचा मुलगा दुल्कर सलमान यांनीही 25 लाख डोनेट केले.
लाख रुपयांचे योगदान दिले आहे
मामूट्टीचा चॅरिटेबल ट्रस्ट देखील गरजू लोकांना मदत करत आहे. भूस्खलनग्रस्तांना जीवनावश्यक वस्तू पुरवण्यातही ते व्यस्त आहेत. यामध्ये खाद्यपदार्थ, औषधे, कपडे आणि इतर जीवनावश्यक वस्तूंचाही समावेश आहे.
साऊथच्या सुपरस्टार्सनी मदतीचा हात पुढे केला
दुसऱ्या भूस्खलनाने बाधित झालेल्या भागात बचावकार्य सुरू आहे. तर दुसरीकडे साऊथचे सुपरस्टारही पीडित कुटुंबांच्या मदतीसाठी पुढे आले आहेत. मामूटी आणि दुल्कर सलमान यांच्यानंतर फहद फसिल आणि त्यांची पत्नी नाझरिया नाझीम यांनीही गरजू लोकांना मदत करण्यासाठी मुख्यमंत्री मदत निधीला २५ लाख रुपये दिले आहेत.
फहद फासिलच्या टीमने इंस्टाग्रामवर एक निवेदन जारी केले आणि लिहिले
माननीय मुख्यमंत्री, केरळ… वायनाडच्या लोकांसाठी जड अंतःकरणाने लिहित आहे. पीडित कुटुंबांना मदत करण्यासाठी सहभागी व्हॉलीनटिअर्स आणि बचाव पथकांसह आपल्या सरकारचे सुरू असलेले प्रयत्न कौतुकास्पद आहेत. या कठीण काळात जनतेसोबत आहे. त्यात पुढे लिहिले होते, मदत आणि मदतीसाठी आम्ही मुख्यमंत्री सहायता निधीला फक्त पंचवीस लाख रुपये देत आहोत. आम्हाला आशा आहे की हे माफक योगदान अत्यंत गरज असलेल्यांना मदत करेल.
रश्मिका मंदान्ना हिनेही लोकांना केली मदत
त्याचबरोबर ‘ॲनिमल’ अभिनेत्री रश्मिका मंदान्ना हिने पीडित लोकांसाठी मदतीचा हात पुढे केला आहे. अभिनेत्रीने सीएम रिलीफ फंडात 10 लाख रुपये दिले आहेत.
.png "Videos"){kind=small}
