जाणून घ्या लाल फित कसं बनलं एड्सचं प्रतीक; काय आहे महत्त्व!

जागतिक एड्स दिन दरवर्षी 1 डिसेंबर रोजी साजरा केला जातो आणि एचआयव्ही/एड्सशी लढा देण्यासाठी आंतरराष्ट्रीय प्रयत्नांचं लाल फित हे प्रतिक आहे,

आज 1 डिसेंबर म्हणजे जागतिक एड्स दिन (World AIDS Day 2023). एड्सबद्दल मोठ्या प्रमाणात समाज जागरुक असला तरीही याबद्दल अनेक समज, गैरसमज आहेत. एड्सबद्दल समाजात मध्ये जागरूकता वाढवणे, एड्स बाधितांना मदत करणे, एड्सला आळा घालण्यासाठी उपाययोजना करणे, योग्य आरोग्य सेवा आणि उपचार लोकांपर्यंत पोहोचणे याद्वारे एचआयव्ही मुक्त पिढी प्राप्त करण्याच्या प्रयत्न करण्यात येत आहे. एड्स (acquired immune deficiency syndrome) नष्ट करण्याच्या उद्देशाने 1 डिसेंबर रोजी जगभरात एड्स दिन साजरा केला जातो. जागतिक एड्स दिनाविषयी काही महत्त्वाच्या गोष्टी जाणून घेऊया.

[read_also content=”गेल्या 32 वर्षांपासून महिलेनें नाही कापले तिचे केस, आठ फुट लांब केसांची गिनीज बुकमध्ये नोंद https://www.navarashtra.com/india/uttar-pradesh-smita-srivastava-creates-guinness-world-record-for-longest-hair-nrps-485183.html”]

जागतिक एड्स दिनाचा इतिहास

जागतिक एड्स दिन पहिल्यांदा 1988 मध्ये जागतिक आरोग्य संघटनेने (WHO) साजरा केला. HIV/AIDS बद्दल जागरुकता वाढवण्यासाठी आणि साथीच्या रोगाचा सामना करताना आंतरराष्ट्रीय एकता प्रदर्शित करण्यासाठी हा साजरा करण्यात आला.

लाल फित चिन्ह

लाल फित हे एचआयव्ही/एड्स ग्रस्त लोकांसाठी समर्थन आणि एकतेचे सार्वत्रिक प्रतीक म्हणून ओळखल्या जातं. 1991 मध्ये न्यू यॉर्कमधील कलाकारांच्या गटाने या रोगाने प्रभावित झालेल्या लोकांसाठी जागरूकता आणि करुणेचे प्रतीक म्हणून ते तयार केले होते. लाल फित म्हणजे ‘चिंता आणि सहानुभूती’. HIV आणि AIDS बद्दल, त्यासोबत राहणा-या लोकांबद्दल, रूग्णांबद्दल, मृतांबद्दल आणि एड्स रूग्णांची थेट काळजी घेणार्‍या आणि मदत करणार्‍यांबद्दल. लाल रिबन हे आशेचे प्रतीक आहे की एक दिवस एड्सवर लस आणि कायमस्वरूपी इलाज शोधला जाईल.

एड्स दिनाचं महत्व

जागतिक एड्स दिन जगभरात साजरा केला जातो आणि एचआयव्ही/एड्स विरुद्धच्या लढ्यात लोकांना एकत्र येण्यासाठी हा एक महत्त्वाचा प्रसंग आहे. समुदाय, संस्था, सरकार आणि व्यक्ती जागरुकता वाढवण्यासाठी, एचआयव्ही/एड्स ग्रस्त लोकांसाठी समर्थन दर्शविण्यासाठी आणि एड्स-संबंधित आजारांमुळे मरण पावलेल्या लोकांचे स्मरण करण्यासाठी एकत्र येतात.

या वर्षाची थीम

दरवर्षी जागतिक एड्स दिनाची खास थीम असते. जे एचआयव्ही/एड्स प्रतिबंध, उपचार आणि समर्थनाच्या विविध पैलूंवर लक्ष केंद्रित करते. या वर्षीची थीम ‘समुदायांचे नेतृत्व करूया!’ ही आहे.

एचआयव्ही/एड्स जागतिक आरोग्य आव्हान

HIV/AIDS च्या प्रतिबंध आणि उपचारात लक्षणीय प्रगती असूनही, हा आजार जागतिक आरोग्य आव्हान आहे. UNAIDS नुसार, 2021 पर्यंत जागतिक स्तरावर अंदाजे 37.7 दशलक्ष लोक HIV सह जगत होते. त्यापैकी लाखो लोकांना अजूनही उपचार, काळजी आणि समर्थनाची गरज आहे.