करण जोहरच्या धर्मा प्रोडक्शंसनं स्टील अँड स्टील मिडीयासोबत मिळून सी. शंकरन नायर यांच्या अनटोल्ड स्टोरीवर आधारीत सिनेमा बनविण्याचं ठरवलं असून, त्याची तयारीही सुरु केली आहे. जालियनवाला बाग हत्याकांडातील सत्य उलगडण्यासाठी शंकर नायर यांनी ब्रिटीशराजविरूद्ध लढाई केली होती. शंकर नायर यांच्या शौर्यानं देशभरातील स्वातंत्र्यलढ्याला प्रजोलित केलं होतं आणि हा सत्यासाठी लढा देण्याच्या शक्तीचा दाखला आहे.
हा चित्रपट वास्तविक जीवनातील घटनांपासून प्रेरित आहे. हा चित्रपट रघु पलट (शंकर नायर यांचे नातू) आणि त्यांची पत्नी पुष्पा पलट यांनी लिहिलेल्या ‘द केस टेट शॉक द एम्पायर’ पुस्तकातून रूपांतरित केला असून, त्यावर आधारीत आहे. या चित्रपटाचं दिग्दर्शन करण सिंग त्यागी करणार आहेत. लवकरच या चित्रपटाच्या चित्रीकरणाला प्रारंभ करण्यात येणार आहे. कलाकारांची नावं सध्या तरी गुलदस्त्यातच असून, लवकरच घोषित केली जाणार आहेत.
.png "Videos"){kind=small}
