अमेरिका म्हणतोय युक्रेनमध्ये रशियाचा उद्देश अद्याप पूर्ण नाही! तर सर्व काही आमच्या योजनेनुसार सुरु असल्याचं रशियाचं स्पष्टीकरण

युक्रेन युद्ध आमच्या योजनेनुसार सुरू आहे. यासोबतच रशियाचे अस्तित्व धोक्यात आल्यावरच अण्वस्त्रांचा वापर करणार असल्याचे रशियाने स्पष्ट केले.

रशिया-युक्रेन युद्धाचा आज २८ वा दिवस आहे. युद्धाच्या काळात अमेरिका-युक्रेन आणि रशिया यांच्यात शाब्दिक पलटवारही सुरू आहे. ज्या उद्देशाने युक्रेन युद्ध सुरू केले ते साध्य करण्यात रशिया अपयशी ठरल्याचा अमेरिकेचा दावा आहे. मात्र, या अपयशानंतरही हे युद्ध सहजासहजी संपणार नाही. अमेरिकेच्या या दाव्यांवर क्रेमलिनचे प्रवक्ते दिमित्री पेस्कोव्ह यांनी स्पष्टपणे सांगितले की, युक्रेन युद्ध आमच्या योजनेनुसार सुरू आहे. यासोबतच रशियाचे अस्तित्व धोक्यात आल्यावरच अण्वस्त्रांचा वापर करणार असल्याचे त्यांनी स्पष्ट केले.

[read_also content=”‘चंद्रमुखी’ चित्रपटातल्या ‘चंद्रा’चा चेहरा आला समोर! ‘ही’ अभिनेत्री साकारतेय भूमिका https://www.navarashtra.com/latest-news/actress-amruta-khanvilkar-playing-role-in-chandramukhi-movie-nrps-258586.html”]

बिडेन रशियन संसदेच्या 300 सदस्यांवर बंदी घालू शकतात

जो बिडेन या आठवड्यात ब्रुसेल्सच्या भेटीदरम्यान रशियन संसदेचे कनिष्ठ सभागृह ड्यूमाच्या 300 हून अधिक सदस्यांवर निर्बंध जाहीर करतील अशी अपेक्षा आहे. त्यामुळे रशियावर आणखी कडक आर्थिक निर्बंधांची घोषणा केली जाऊ शकते. मात्र, याबाबत अद्याप कोणताही अंतिम निर्णय घेण्यात आलेला नाही, असे व्हाईट हाऊसच्या प्रवक्त्याचे म्हणणे आहे.

रशियाने हायपरसॉनिक क्षेपणास्त्र वापरले – अमेरिका

रशियाने युक्रेनविरुद्ध हायपरसॉनिक क्षेपणास्त्रांचा वापर केल्याची पुष्टी अमेरिकेने केली आहे. अमेरिकेच्या मते हे क्षेपणास्त्र रोखणे जवळपास अशक्य आहे. पेंटागॉनचे प्रवक्ते जॉन किर्बी यांनी मंगळवारी पत्रकार परिषदेत सांगितले की, अमेरिकेने हायपरसॉनिक क्षेपणास्त्र हल्ल्याची माहिती अद्याप पुष्टी केलेली नाही.