Video – अक्षय कुमार आणि टायगर श्रॉफ पहिल्यांदाच एकत्र करणार काम, ‘बडे मियाँ छोटे मियाँ’ चित्रपटाचा टीझर एकदा नक्की बघा

अक्षय कुमार (Akshay Kumar) लवकरच अभिनेता टायगर श्रॉफसोबत (Tiger Shroff) ‘बडे मियाँ छोटे मियाँ’ (Bade Miyan Chote Miyan Teaser Release) या चित्रपटात झळकणार आहे. या चित्रपटाचा एक टीझर प्रदर्शित झाला आहे.

अभिनेता अक्षय कुमार (Akshay Kumar) गेल्या काही दिवसांपासून लागोपाठ अनेक चित्रपटांची घोषणा करत आहे. अक्षय कुमारने आता आणखी एका चित्रपटाची घोषणा केली आहे. तसेच या चित्रपटाचा टीझरही रिलीज करण्यात आला आहे. अक्षय कुमार लवकरच अभिनेता टायगर श्रॉफसोबत ‘बडे मियाँ छोटे मियाँ’ (Bade Miyan Chote Miyan Teaser Release) या चित्रपटात झळकणार आहे. या चित्रपटाचा एक टीझर प्रदर्शित झाला आहे. या चित्रपटात अक्षय कुमार हा ‘बडे मियाँ’ची भूमिका साकारत आहे. तर टायगर श्रॉफ (Tiger Shroff) हा ‘छोटे मियाँ’ची भूमिका साकारताना दिसत आहे.

See more

अक्षय कुमारने सोशल मीडियावर या चित्रपटाचा टीझर शेअर केला आहे. या पोस्टमध्ये त्याने टायगर श्रॉफला टॅग केले आहे. “ज्यावर्षी तू या जगात पदार्पण केलेस म्हणजे जन्म घेतलास, त्याच वर्षी मी चित्रपटांमध्ये पदार्पण केले. तरीही तू माझ्याशी सामना करणार आहेस का, छोटे मियाँ ? चला तर मग करुया फुल ॲक्शन”, असे त्याने म्हटले आहे.

या चित्रपट ॲक्शनने भरलेला असल्याचे टीझरमध्ये दिसत आहे. या टीझरमध्ये अमिताभ बच्चन आणि गोविंदाचा यांचा लोकप्रिय चित्रपट ‘बडे मियाँ छोटे मियाँ (१९९८)’ चा टायटल ट्रॅकही पाहायला मिळत आहे. हा चित्रपट पुढच्या वर्षी म्हणजेच २०२३ च्या ख्रिसमसमध्ये प्रदर्शित होणार आहे. या चित्रपटाच्या निमित्ताने अक्षय कुमार आणि टायगर श्रॉफची जोडी पहिल्यांदाच मोठ्या पडद्यावर पाहायला मिळणार आहे.

[read_also content=”सचिनने गांगुलीला करीअर संपवण्याची धमकी दिली होती! या किरकोळ प्रकरणावरून मोठा वाद https://www.navarashtra.com/sports/cricket/tendulkar-had-threatened-ganguly-to-end-his-career-big-argument-over-this-minor-issue-234562/”]

‘बडे मियाँ छोटे मियाँ’ या चित्रपटाचे दिग्दर्शन अली अब्बास जफर करत आहेत. तर पूजा एन्टरटेन्मेंट आणि वाशू भगनानी हे या चित्रपटाची निर्मिती करत आहेत. यात अक्षय कुमार हा ‘बडे मियाँ’ची भूमिका साकारणार आहे. तर टायगर श्रॉफ हा ‘छोटे मियाँ’च्या भूमिकेत पाहायला मिळत आहे.