‘थ्री इडियट्स’ या चित्रपटाने प्रेक्षकांच्या नावर राज्य केलं. हा चित्रपट प्रचंड लोकप्रिय ठरला. २००९ साली आलेल्या या सिनेमाचं दिग्दर्शन राज कुमार हिरानी यांनी केलं होतं. हा सिनेम सुपरहिट ठरला. या चित्रपटात अभिनेता अली अफजलची छोटी भूमिका होती पण त्याच्या आयुष्यात मोठा बदल झाला.
या सिनेमात अली फजलने जॉय लोबो नावाच्या एका विद्यार्थ्यांची भूमिका साकारली होती. सिनेमात इंजिनिअरिंगच्या अखेरच्या वर्षात असलेला जॉय आत्महत्या करतो. जॉयच्या या भूमिकेनंतर अली नैराश्यात गेला होता. नुकत्याच दिलेल्या एका मुलखतीत अलीने या भूमिकेनंतर घडलेल्या काही गोष्टींचा खुलासा केला आहे.
आणि मी नैराश्यात गेलो…
अली फजल म्हणाला, “जेव्हा मी थ्री इटयट्स सिनेमासाठी काम केलं तेव्हा मी नैराश्यात गेलो होतो. खरं तर मी सिनेमात एक छोटीशी भूमिका साकारली होती. मात्र या भूमिकेनंतर काय झालं याची कुणाला कल्पना नसेल. काही विद्यार्थ्यांनी आत्महत्येचा प्रयत्न केल्याच्या बातम्या आल्या. त्यानंतर मला एका वृत्त वाहिनीतून फोन आला. हा फोन माझ्या प्रतिक्रियेसाठी होता. ‘सर तुम्ही जी भूमिका साकारली होती अगदी तसचं घडलंय तुमची काय प्रतिक्रिया आहे?’ असं मला विचारण्यात आल्यानंतर मी खूपचं अस्वस्थ झालो होतो. मी नैराश्यात गेले होतो. मी आमचे दिग्दर्शक राजू सर आणि काही लोकांशी बोललो. या सर्वांनी मला समजावलं. मी कोणताही उलट सुलट निर्णय घेऊ नये आणि असा विचार करू नये असं त्यांनी समजावलं” असं म्हणच अलीने त्याला आलेल्या नैराश्यावर त्याने मात केल्याचं सांगितलं.
.png "Videos"){kind=small}
