जम्मू-काश्मीर आणि पंजाबमध्ये भूकंपाचे धक्के जाणवल्याची माहिती राष्ट्रीय भूकंप विज्ञान केंद्राने दिली. या ठिकाणी भूकंपाचे जोरदार धक्के जाणवले. शनिवारी सकाळी ९.४९ वाजता भूकंपाचे धक्के जाणवले असल्याची माहिती मिळाली. दिल्ली-एनसीआर (नोएडा) आणि चंदीगडमध्येही भूकंपाचे धक्के जाणवले. तेथील लोक घाबरून घराबाहेर पडले. मात्र, आतापर्यंत भूकंपामुळे देशात कोणतीही जीवित किंवा वित्तहानी झाल्याचे वृत्त नाही. पाकिस्तानातही ५.७ रिश्टर स्केलचा भूकंप झाल्याचे वृत्त आहे.
Earthquake of Magnitude:5.7, Occurred on 05-02-2022, 09:45:59 IST, Lat: 36.340 & Long: 71.05, Depth: 181 Km ,Location: Afghanistan-Tajikistan Border Region, for more information download the BhooKamp App https://t.co/5E23iK2nl2 pic.twitter.com/qQ0w5WSPJr — National Center for Seismology (@NCS_Earthquake) February 5, 2022
मिळालेल्या माहितीनुसार, भूकंपाचा केंद्रबिंदू अफगाणिस्तान आणि ताजिकिस्तान सीमेवरील हिंदुकुश टेकड्यांजवळ होता. मात्र, याआधी पाकिस्तानमध्ये झालेल्या भूकंपाची तीव्रता ७.३ होती. त्याचा केंद्रबिंदू इस्लामाबादपासून १८९ किमी अंतरावर होता. नंतर भूकंपाचा केंद्रबिंदू अफगाणिस्तान-ताजिकिस्तान सीमेवर असल्याची माहिती राष्ट्रीय भूकंप विज्ञान केंद्राने दिली.
