भारतीय अंतराळ संशोधन संस्था (ISRO) आज श्रीहरिकोटा चाचणी श्रेणीतून गगनयान मिशन (Gaganyaan mission) चं पहिलं चाचणी उड्डाण करणार आहे. सकाळी ८ वाजता गगनयान मोहिमेसाठी चाचणी उड्डाण TV-D1 प्रक्षेपित होईल असं सांगण्यात येत होतं. मात्र, सध्याच्या इस्रोनं दिलेल्या अपडेट नुसार, खराब हवामानामुळे चाचणी उड्डाण 30 मिनिटांनी वाढवण्यात आलं आहे. चाचणी मोहीम सकाळी 8:45 वाजता सुरू होईल. मानवयुक्त गगनयान मोहिमेच्या दिशेने एक मोठे पाऊल उचलत, इस्रोने क्रू मॉड्यूल सुरक्षितपणे उतरवण्याची तयारी पूर्ण केली आहे.
हे गगनयान LVM3 रॉकेटमधून प्रक्षेपित केले जाणार आहे. चंद्रयान-3 अवकाशात सोडणाऱ्या रॉकेटची ही अपग्रेडेड आवृत्ती आहे. चाचणीसाठी कमी किमतीच्या मूलभूत रॉकेटचा वापर केला जात आहे. LVM3 लाँच करण्यासाठी 300-400 कोटी रुपये खर्च येतो. यामुळे हे रॉकेट चाचणीसाठी वापरले जात नाही.
चाचणी रॉकेटचे वजन 44 टन आहे. त्यात सुधारित विकास इंजिन बसवण्यात आले आहे. यामध्ये द्रव इंधनाचा वापर केला जातो. क्रू मॉड्यूलचे वजन 4520 किलो आहे. चाचणीसाठी सिंगल लेयर वॉल अॅल्युमिनियम स्ट्रक्चरचे क्रू मॉड्यूल तयार केले आहे. त्यात हवेचा दाब असणार नाही. ज्या क्रू मॉड्युलमध्ये मानवांना पाठवले जाईल त्याला विमानाप्रमाणे हवेचा दाब निर्माण करावा लागेल.
आपत्कालीन परिस्थितीत, क्रू एस्केप सिस्टम अंतराळवीरांचे प्राण वाचवेल. आज घेण्यात येणाऱ्या चाचणीत रॉकेटचे उड्डाण होणार असून त्यातील सर्व यंत्रणांचे योग्य कार्य तपासले जाणार आहे. क्रू मॉड्यूल रॉकेटपासून वेगळे कसे होते आणि ते कसे खाली येते हे पाहिले जाईल. चाचणी दरम्यान क्रू मॉड्युलमध्ये कोणतेही मानव नसतील. जेव्हा गगनयान प्रक्षेपित होईल, तेव्हा अंतराळवीर क्रू मॉड्यूलमध्ये राहतील.
.png "Videos"){kind=small}
