Miss Universe 2026 News Marathi Kaziah Liz Mejo Miss Universe India 2026
जागतिक सौंदर्य विश्वातील सर्वात प्रतिष्ठेचा आणि डोळे दिपवणारा सोहळा मानला जाणारा ‘मिस युनिव्हर्स २०२६’ (Miss Universe 2026) यंदा एका वेगळ्याच कारणामुळे चर्चेत आला आहे. प्युर्टो रिकोमधील सॅन जुआन येथील भव्य ‘जोस मिगेल ॲग्रेलोट कोलिझियम’मध्ये (José Miguel Agrelot Coliseum) ७५ व्या मिस युनिव्हर्स स्पर्धेची जय्यत तयारी सुरू आहे. झगमगत्या रोषणाईचे आणि सौंदर्यवतींच्या ग्लॅमरस फोटोशूटचे फोटो सोशल मीडियावर धुमाकूळ घालत आहेत. मात्र, या झगमगाटाच्या पडद्यामागे मोठे वादळ उठले आहे. २४ नोव्हेंबर २०२६ रोजी होणाऱ्या महाअंतिम सोहळ्यापूर्वीच तब्बल १५ देशांनी या स्पर्धेतून माघार घेतल्याने आयोजकांना मोठा धक्का बसला आहे.
यंदाच्या मिस युनिव्हर्स स्पर्धेतील सर्वात मोठा आणि धक्कादायक निर्णय म्हणजे सहा प्रमुख आशियाई देशांची गैरहजेरी. थायलंड, मलेशिया, व्हिएतनाम, इंडोनेशिया, सिंगापूर आणि लाओस हे सौंदर्य स्पर्धांमध्ये नेहमीच आघाडीवर असणारे देश यंदा मंचावर दिसणार नाहीत. मिस युनिव्हर्स ऑर्गनायझेशन आणि स्थानिक फ्रँचायझी यांच्यातील कॉर्पोरेट व परवाना कराराच्या वादातून या सहा आशियाई देशांना स्पर्धेत सहभागी होण्यास मनाई करण्यात आली आहे.
या निर्णयामुळे आशियाई सौंदर्य स्पर्धा प्रेमींमध्ये नाराजीचे वातावरण आहे. तरीही, या सर्व घडामोडींमध्ये एक दिलासादायक बाब म्हणजे, या सहा देशांतील विजेत्या सौंदर्यवतींचे राष्ट्रीय किताब मात्र अबाधित राहणार आहेत. त्यांच्याकडून हे मुकुट परत घेतले जाणार नाहीत. याशिवाय, यंदा बंदीचा सामना करावा लागला असला तरी, पुढील वर्षी होणाऱ्या ७६ व्या मिस युनिव्हर्स स्पर्धेचे यजमानपद व्हिएतनाम भूषवणार असल्याचे स्पष्ट झाले आहे.
जागतिक घडामोडी संबंधित बातम्या वाचण्यासाठी येथे क्लिक करा : QUAD Summit 2026: मनिलामध्ये मोदी-ट्रम्प जोडी चीनला दाखवणार आरसा; एकाच दौऱ्यात साध्य करणार दोन प्रमुख उद्दिष्टे
स्पर्धेतील सहभागावर केवळ फ्रँचायझी वादाचेच सावट नाही, तर आंतरराष्ट्रीय व्हिसा आणि प्रवास नियमांनीही अनेक स्पर्धकांची निराशा केली आहे. अमेरिकेच्या कडक व्हिसा निर्बंधांमुळे आणि आवश्यक कागदपत्रांच्या पूर्ततेतील तांत्रिक अडचणींमुळे नेपाळ, झिम्बाब्वे, झांबिया, अंगोला आणि काँगो प्रजासत्ताक या देशांतील सौंदर्यवतींना प्युर्टो रिकोला पोहोचता आलेले नाही. वर्षानुवर्षे या एका मंचावर आपल्या देशाचा झेंडा फडकवण्याचे स्वप्न पाहणाऱ्या या तरुणींसाठी हा मोठा भावनिक धक्का ठरला आहे. याशिवाय वैयक्तिक आणि आरोग्यविषयक कारणांमुळेही काही देशांनी अंतिम टप्प्यात माघार घेणे पसंत केले आहे.
जगभरातील या गोंधळाच्या वातावरणात भारतीय प्रेक्षकांसाठी अत्यंत अभिमानाची आणि आनंदाची बातमी आहे. यंदाच्या मिस युनिव्हर्स २०२६ स्पर्धेत १९ वर्षीय काझिया लिझ मेझो (Kaziah Liz Mejo) भारताचे प्रतिनिधित्व करत आहे. २३ ऑगस्ट २०२६ रोजी जयपूर येथे पार पडलेल्या ‘मिस युनिव्हर्स इंडिया’ स्पर्धेत देशभरातील ५२ स्पर्धकांना मागे टाकत तिने हा मानाचा मुकुट पटकावला होता. विशेष म्हणजे, केरळमधून हा राष्ट्रीय किताब जिंकणारी ती पहिलीच तरुणी ठरली आहे.
जागतिक घडामोडी संबंधित बातम्या वाचण्यासाठी येथे क्लिक करा : Burj Khalifa : भुसभुशीत वाळूवर कशी उभी राहिली 828 मीटरची भव्य गगनचुंबी इमारत? वाचा बुर्ज खलिफाची थरारक कथा
केरळमधील मावेलीकारा येथील मूळ रहिवासी असलेल्या काझियाने तिचे बालपण आणि शालेय शिक्षण अबू धाबीमध्ये पूर्ण केले. सौंदर्य आणि बुद्धिमत्ता यांचा उत्तम संगम तिच्या व्यक्तिमत्त्वात पाहायला मिळतो. ती केवळ एक व्यावसायिक मॉडेल नसून सध्या कायद्याचे (Law) शिक्षण घेत आहे. कला क्षेत्रातही तिने आपली वेगळी छाप पाडली आहे; तिने तब्बल १२ वर्षे शास्त्रीय नृत्याचे शास्त्रोक्त प्रशिक्षण घेतले आहे. यासोबतच तिला गायन, ड्रम आणि व्हायोलिन वाजवण्याचीही विशेष आवड आहे.
आंतरराष्ट्रीय मंचावर जाण्याचा अनुभव काझियासाठी नवा नाही. मिस युनिव्हर्स इंडिया होण्यापूर्वी तिने २०२४ मध्ये ‘मिस टीन दिवा’ हा किताब जिंकला होता. त्यानंतर २०२५ मध्ये झालेल्या ‘मिस टीन इंटरनॅशनल’ स्पर्धेत भारताचे प्रतिनिधित्व करताना तिने पहिली उपविजेती (1st Runner-Up) होण्याचा बहुमान मिळवला होता. सुष्मिता सेन (१९९४), लारा दत्ता (२०००) आणि हरनाज संधू (२०२१) यांच्यानंतर भारताला चौथ्यांदा मिस युनिव्हर्सचा मुकुट मिळवून देण्याचे मोठे ध्येय उराशी बाळगून काझिया प्युर्टो रिकोच्या मंचावर उतरली आहे.
Ans: केरळची १९ वर्षीय मॉडेल आणि कायद्याची विद्यार्थिनी काझिया लिझ मेझो (Kaziah Liz Mejo) मिस युनिव्हर्स २०२६ मध्ये भारताचे प्रतिनिधित्व करत आहे.
Ans: कॉर्पोरेट आणि फ्रँचायझी वादामुळे थायलंड, मलेशिया, व्हिएतनाम, इंडोनेशिया, सिंगापूर आणि लाओस या ६ आशियाई देशांना स्पर्धेतून बाहेर करण्यात आले आहे.
Ans: ७५ वी मिस युनिव्हर्स स्पर्धा प्युर्टो रिकोमधील सॅन जुआन येथे २४ नोव्हेंबर २०२६ रोजी आयोजित करण्यात आली आहे.
.png "Videos"){kind=small}
