वाई : पालिका प्रशासनाच्या कार्यपद्धतीवर प्रत्यक्ष/अप्रत्यक्ष नाराजी व्यक्त करत येत्या काळात प्रशासनाचा कारभार लोकाभिमुख व गतिमान करण्यासाठी नगराध्यक्ष अनिल सावंत यांनी स्वत:च्या संकल्पनेतून व स्वखर्चातून ‘असान ऍप’ची निर्मिती केली. वाईकर नागरिकांच्या तक्रारींचा त्या-त्या दिवशी निपटारा व्हावा, यासाठी या ऍपची निर्मिती आहे. नगराध्यक्ष सावंत ‘ऍक्शन मोड’मध्ये आल्याने प्रशासनाची चिंता वाढली आहे.
वाई नगरपालिकेकडून शहरातील नागरिकांच्या तक्रारी निवारणासाठी असान ऍपच्या निर्मितीविषयी माहिती देण्यासाठी नगराध्यक्ष अनिल सावंत यांनी सर्व नगरसेवक व पालिका कर्मचारी व पत्रकार यांची बैठक आयोजित केली होती. यावेळी नगरसेवक राजेश गुरव, महेंद्र धनवे, बाळासाहेब बागुल आदी मान्यवर उपस्थित होते.
वाई नगरपालिकेचे नगराध्यक्ष अनिल सावंत यांच्या संकल्पनेतून वाई नगरपालिकेने शहरातील स्वच्छता, पाणीपुरवठा, आरोग्य, कर वसुली, नागरी सेतू, घंटागाडी या पालिकेकडून पुरवण्यात येणाऱ्या सुविधांविषयी तक्रार करण्यासाठी असान ऍपची निर्मिती करण्यात आली आहे. या माध्यमातून नागरिकांच्या तक्रारी व त्याचे तात्काळ निवारण करण्यात येणार आहे. शहरातील सर्व प्रभाग व लगतची नागरी वस्तीमधील नागरिकांना पालिकेच्या सर्वच सुविधा पोहोचत नाहीत. त्यामुळे नागरिकांचे हाल होत आहेत, काही ठिकाणी राजकीय विरोध, अपुरा कर्मचारी वर्ग, हद्दीचा वाद, व उद्धट अधिकारी अशा अनेक कारणास्तव काही भागात पालिकेच्या सोइ सुविधा पोहचू शकत नाही. त्यामुळे नागरिकांची पालिकेच्या कामकाजाबद्दल नाराजी वाढत आहे.
करदात्या नागरिकांनी आपली तक्रार कोणाकडे करायची हाच प्रश्न अनेकांना पडला होता. त्यावर उपाय म्हणून नगराध्यक्ष सावंत असान ऍपची एका खाजगी कंपनीकडून निर्मिती करून घेतली आहे. हे पालिका प्रशासन व नागरिक यांच्यामधील दुवा म्हणून हे ऍप काम करणार आहे.
.png "Videos"){kind=small}
