भारतातील 4 फेमस हनुमान मंदिर जिथे झोपलेल्या मुद्रेत आहेत संकटमोचन, एक मंदिर वसलंय महाराष्ट्रात…

भारतभरातील काही खास मंदिरांमध्ये हनुमानजींची झोपलेल्या अवस्थेतील मूर्ती पाहायला मिळते. प्रयागराज, जाम सावली, इटावा आणि खुलदाबाद येथील ही मंदिरे भक्तांसाठी श्रद्धेचे केंद्र आहेत.

• भारतात अनेक हनुमान मंदिर वसले आहे.
• देशात 4 फेमस हनुमान मंदिर आहेत जिथे हनुमान झोपलेल्या मुद्रेत आहेत.
• चला या मंदिराविषयी जाणून घेऊया.

भारतामध्ये मंदिरांची समृद्ध परंपरा आहे आणि विविध देवतांची असंख्य मंदिरे देशभर विखुरलेली आहेत. हिंदू धर्मातील अत्यंत पूजनीय देवतांपैकी एक म्हणजे भगवान हनुमान. त्यांना धैर्य, भक्ती, शक्ती आणि निःस्वार्थ सेवेचे प्रतीक मानले जाते. भारतात हनुमानजींची अनेक प्राचीन आणि चमत्कारिक मंदिरे आहेत. बहुतेक ठिकाणी त्यांची मूर्ती उभी किंवा बसलेल्या अवस्थेत दिसते, मात्र काही दुर्मिळ मंदिरांमध्ये हनुमानजींची मूर्ती झोपलेल्या अवस्थेत आहे. चला, अशा खास मंदिरांविषयी जाणून घेऊया.

इतिहासप्रेमी आहात? मग महाराष्ट्रातील या ऐतिहासिक वास्तूंना एकदा तरी भेट द्यायलाच हवी

प्रयागराज येथील मोठा हनुमान मंदिर, उत्तर प्रदेश

प्रयागराजमधील संगमाच्या काठावर वसलेले हे मंदिर अत्यंत प्रसिद्ध आहे. येथे हनुमानजींची मूर्ती विश्रांती घेतलेल्या अवस्थेत आहे. लोककथेनुसार, लंकेवरील विजय मिळवल्यानंतर थकवा घालवण्यासाठी हनुमानजी येथे विसावले होते. विशेष म्हणजे, दरवर्षी गंगेचे पाणी मंदिराच्या गर्भगृहात येऊन हनुमानजींच्या चरणांना स्पर्श करते. स्थानिकांच्या मते, हा हनुमानजींचा पवित्र स्नान समजला जातो.

जाम सावली येथील हनुमान मंदिर, मध्य प्रदेश

छिंदवाडा जिल्ह्यातील जाम सावली येथे असलेले हे मंदिर अत्यंत प्राचीन व सिद्ध स्थळ मानले जाते. येथे पिंपळाच्या झाडाखाली हनुमानजींची मूर्ती झोपलेल्या अवस्थेत आहे. या मूर्तीच्या नाभीमधून पाण्याची एक धार सतत वाहताना दिसते, जी प्रसाद म्हणून भक्त घेतात. या पाण्यात औषधी गुण असल्याची श्रद्धा असून ते मानसिक व शारीरिक त्रास कमी करण्यास मदत करते, असे मानले जाते.

इटावा येथील पिलुआ वाले हनुमान मंदिर, उत्तर प्रदेश

इटावा जवळ यमुना नदीच्या किनारी हे मंदिर स्थित आहे. येथे हनुमानजींची मूर्ती झोपलेल्या अवस्थेत आहे. भक्त येथे लाडूचा नैवेद्य अर्पण करतात. विशेष म्हणजे, मूर्तीच्या तोंडात ठेवलेला लाडू आपोआप आत जातो, अशी श्रद्धा आहे, जी भक्तांसाठी एक चमत्कारिक अनुभव ठरते.

‘या’ ठिकाणी पार पडला रश्मिका मंदाना आणि विजय देवरकोंडा यांचा शाही विवाहसोहळा, एका रात्रीच भाडं आहे इतक…

खुलदाबाद येथील भद्र मारुती मंदिर, महाराष्ट्र

औरंगाबादजवळील खुलदाबाद येथे असलेले भद्र मारुती मंदिर अत्यंत प्रसिद्ध आहे. येथे हनुमानजी पूर्ण विश्रांतीच्या अवस्थेत असून त्यांच्या चेहऱ्यावर अपार शांतता दिसून येते. भक्तांच्या अखंड भजनांनी प्रसन्न होऊन हनुमानजी येथे या स्वरूपात प्रकट झाले, अशी कथा सांगितली जाते. ही सर्व मंदिरे हनुमानजींच्या वेगळ्या आणि अद्वितीय रूपाचे दर्शन घडवतात. श्रद्धा, भक्ती आणि चमत्कार यांचा संगम असलेली ही ठिकाणे भक्तांसाठी विशेष महत्त्वाची मानली जातात.