दुप्पट वेगाने वाढेल कोलेस्ट्रॉल, कधीही येऊ शकतो Heart Attack; चुकीच्या पद्धतीने खाल्ले जातेय तूप

आयुर्वेदानुसार तूप खाणे उत्तम आहे परंतु खाण्याची योग्य पद्धत माहीत नसेल तर हानिकारकदेखील ठरू शकते. आयुर्वेदिक तज्ज्ञ डॉ. अबरार यांनी तूप खाताना होणाऱ्या काही चुकांबद्दल माहिती दिली आहे, जाणून घ्या

देशी तुपामध्ये खूप ताकद असते. काही तज्ज्ञ तुपाला प्रथिने, निरोगी चरबी आणि व्हिटॅमिन बी १२ चा स्रोतदेखील मानतात. हे शरीराला कोरडेपणापासून वाचवण्यासदेखील मदत करते. आयुर्वेदानुसार, गाईच्या दुधापासून बनवलेले देशी तूप औषधी गुणधर्मांनी परिपूर्ण असते. यामुळे, भारतीय जेवणात भाज्यांमध्ये तूप घालून ते रोटीवर लावण्याची सवय आहे.

शुद्ध तूप खाल्ल्याने ताकद वाढते, पण या काळात एक चूकही महागात पडू शकते. आयुर्वेद ते खाण्याचे काही नियम सांगतो, त्यापैकी काही खूप महत्वाचे आहेत. त्याकडे दुर्लक्ष केल्यामुळे किंवा माहितीच्या अभावामुळे, या गुळगुळीत पदार्थामुळे नुकसान होऊ शकते. आयुर्वेदिक तज्ज्ञ डॉ. अबरार मुल्तानी म्हणाले की, समस्या अशी आहे की लोकांना तूप खाण्याची योग्य पद्धत माहीत नाही. चुकीच्या पद्धतीने घेतल्यास कोलेस्टेरॉल वेगाने वाढू शकते. उच्च कोलेस्ट्रॉल असलेल्या रुग्णांसाठी ही स्थिती धोकादायक ठरू शकते आणि कधीही हृदयविकाराचा झटका येऊ शकतो.

महत्त्वाची चूक 

डॉ. मुल्तानी यांच्या मते, लोकांना आता तूपाशिवाय चपाती खाण्याची सवय राहिलेली नाही. पण नेहमी तूप घालून ताजी भाकरी खा आणि चपाती वा भाकरी ही गरम असावी. जर तुम्ही तूप लावलेली भाकरी थंडगार खात असाल तर ती पचायला जास्त वेळ लागू शकतो. रक्तात शोषल्यानंतर, त्याची चरबी गंभीर रूप धारण करू शकते.

थंड तूप

भाज्यांमध्ये तूप घालून खाणे चांगले असते. पण तूप घातल्यानंतर भाज्या थंड खाणेदेखील टाळा. भाजी गरम असावी आणि त्यावर तूप टाकल्यानंतर ती खावी. थंड भाजीतील हे तूप घशातून आतड्यात जमा होऊ शकते आणि त्यामुळे कफ आणि बद्धकोष्ठता होऊ शकते. त्यामुळे तूप भाजीत मिक्स करून खात असाल तर गरम भाजीचाच वापर करावा 

तूप खाण्याचे 7 फायदे, वाचाल तर नक्की खाल

कसे खावे तूप

रिकाम्या पोटी तूप खाणे फायदेशीर आहे. याशिवाय तूप कोमट पाण्यासोबत घ्यावे. अन्यथा तूप घसा, अन्ननलिका, फुफ्फुसे आणि पोटात चिकटू शकते. तसेच, जर योग्यरित्या वापरले नाही तर ते कोलेस्टेरॉल वेगाने वाढवू शकते आणि त्याचा शरीरावर वाईट परिणाम होऊ शकतो. त्यामुळे सकाळी उठल्यावर तुम्ही कोमट पाणी पित असाल तर त्यात एक चमचा तूप मिक्स करून प्यावे 

तुपात अन्न शिजवणे 

तुपात अन्न शिजवण्याची चूक कधीही करू नका. जर तुम्ही पुरी तळण्यासाठी तूप वापरत असाल तर ते ताबडतोब थांबवा. असे करणे शरीरासाठी हानिकारक ठरू शकते आणि हृदयरोगास कारणीभूत ठरू शकते. काही पदार्थ हे तुपात तयार होतात याची आम्हालाही कल्पना आहे. मात्र विशेषतः पुरी तुपात तळून खात असाल तर ते वेळीच थांबवा कारण यामुळे कोलेस्ट्रॉल कमालीचे वाढू शकते 

बनावट आणि खरे तूप कसे ओळखावे, सोपी ट्रिक

थंड पाणी 

जर तुमच्या जेवणात तूप असेल तर पाणी तुम्ही कोणत्या तापमानाचे पित आहात याकडे खूप लक्ष द्या. तूप खाल्ल्यानंतर थंड पाणी किंवा कोल्ड्रिंक्स पिणे खूप धोकादायक आहे. यामुळे अनेक आजार होऊ शकतात. सहसा तुपाचे जेवण खाल्ल्यानंतर कोमट वा साधे पाणी प्यावे. थंड पाण्याचे सेवन करणे तुमच्या शरीरासाठी धोकादायक ठरू शकते 

तूप खाण्याचे फायदे

डॉ. मुल्तानी म्हणतात की शुद्ध तूप योग्य पद्धतीने सेवन केल्याने शक्ती वाढते. हे आवश्यक पोषक तत्वांचे भांडार आहे. सांधे आणि हाडांची ताकद टिकून राहते. रोगप्रतिकारक शक्ती मजबूत होते आणि त्वचा उजळ होते. त्याचे इतरही अनेक फायदे आहेत.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.