हिवाळ्यात शरीर बनवा बळकट; घरी बनवा मूगडाळीची टेस्टी चिक्की, अनेक महिने साठवून ठेवता येईल

Moong Dal Chikki Recipe : मुगाच्या डाळीत प्रथिने, फायबर, लोह असे अनेक आवश्यक पोषक घटक आढळून येतात. तुम्ही आजवर याची भाजी किंवा भजी खाल्ले असतील मुगाच्या डाळीची चिक्की तुम्ही कधी खाल्ली आहे का? जाणून घ्या रेसिपी.

• हिवाळ्यात शरीराला पोषकतत्वांची आवश्यकता असते.
• मुगाच्या डाळीची चिक्की बनवून अनेक दिवस साठवता येते.
• ही चिक्की चवीला अप्रतिम लागते, शिवाय शरीरासाठीही ती पाैष्टिक ठरते.

हिवाळ्याचा ऋतू आला की शरीराला उष्णता, ऊर्जा आणि पोषण देणाऱ्या पदार्थांची गरज वाढते. अशाच पारंपरिक आणि पौष्टिक गोड पदार्थांपैकी एक म्हणजे मुग डाळ चिक्की. ही चिक्की केवळ चवीला अप्रतिम नसून आरोग्यासाठीही अतिशय लाभदायक आहे. महाराष्ट्रात तसेच भारताच्या विविध भागांत चिक्की हा लोकप्रिय पदार्थ आहे. शेंगदाणे, तिळ यांपासून चिक्की आपण नेहमी खातो, पण मुग डाळीपासून बनवलेली चिक्की थोडी वेगळी आणि खास लागते.

Ragi Chapati Recipe : हाडे मजबूत करेल, पचनक्रियाही सुधारेल प्रोटीनयुक्त ‘नाचणीची चपाती’, रेसिपी नोट करा

मुग डाळ ही प्रथिने, फायबर, लोह आणि अनेक आवश्यक पोषक घटकांनी भरलेली असते. त्यामुळे लहान मुलांपासून वृद्धांपर्यंत सर्वांसाठी ती फायदेशीर ठरते. गूळ आणि मुग डाळ यांचा संगम म्हणजेच ही चिक्की शरीराला त्वरित ऊर्जा देते आणि पचनशक्ती सुधारण्यास मदत करते. सणासुदीला, प्रवासात खाण्यासाठी किंवा रोजच्या आहारात गोड म्हणून ही चिक्की उत्तम पर्याय ठरते. घरच्या घरी अगदी मोजक्या साहित्यांत, कोणतेही रसायन न वापरता तयार होणारी मुग डाळ चिक्की स्वच्छ, पौष्टिक आणि चवीला अप्रतिम असते. चला तर मूग डाळीची आरोग्यदायी चिक्की तयार करण्यासाठी लागणारे साहित्य आणि कृती नोट करुन घेऊयात.

साहित्य:

• १ कप धुतलेली मुग डाळ
• १ कप गूळ (किसलेला)
• २ टीस्पून तूप
• १/२ टीस्पून वेलची पूड (ऑप्शनल)
• तूप लावण्यासाठी थोडेसे तूप

५ मिनिटांमध्ये बनवा महागड्या हॉटेलमध्ये मिळणारा ‘सालसा सॉस’, भारतीय जेवणाला येईल मेक्सिकन चव

कृती:

• यासाठी सर्वप्रथम कढईमध्ये मुग डाळ मंद आचेवर सतत हलवत खमंग भाजून घ्या. डाळ सोनेरी रंगाची झाली की गॅस बंद करा आणि थंड होऊ द्या.
• भाजलेली डाळ मिक्सरमध्ये जाडसर कुटून घ्या. अगदी बारीक पावडर करू नका.
• त्याच कढईत तूप गरम करून त्यात किसलेला गूळ घाला. मंद आचेवर गूळ पूर्ण वितळेपर्यंत ढवळत राहा.
• गूळ वितळून एकजीव झाला की त्यात कुटलेली मुग डाळ आणि वेलची पूड घाला.
• सर्व मिश्रण पटकन एकत्र करून गॅस बंद करा.
• तुपाचा हलका हात लावलेल्या ताटात हे मिश्रण ओता आणि लाटण्याने सारखे पसरवा.
• कोमट असतानाच सुरीने किंवा चाकूने हव्या त्या आकाराचे तुकडे कापा. पूर्ण थंड झाल्यावर चिक्की घट्ट होईल.
• गूळ जास्त शिजवू नका, नाहीतर चिक्की फार कडक होऊ शकते.
• हवी असल्यास यात काजू, बदाम किंवा तीळही घालू शकता.
• ही चिक्की हवाबंद डब्यात १५–२० दिवस टिकते.