अभिनेत्री प्रिया मराठेच कॅन्सरमुळे ३८ व्या वर्षी निधन, २५ वयानंतर महिलांमध्ये दिसून येतात ही लक्षणे

अभिनेत्री प्रिया मराठेचं ३८व्या वर्षी कॉन्सरमुळे निधन झालं. महिलांमध्ये २५ नंतर दिसणारी लक्षणं वेळेत ओळखून तपासणी करणे अत्यावश्यक आहे, कारण योग्य उपचाराने जीव वाचू शकतो.

मराठी रंगभूमी व छोट्या पडद्यावर आपली वेगळी ओळख निर्माण करणारी अभिनेत्री प्रिया मराठे हिचं वयाच्या केवळ ३८व्या वर्षी निधन झालं. ती काही काळापासून कॉन्सरशी झुंज देत होती. तिच्या जाण्याने मराठी कलाक्षेत्रात हळहळ व्यक्त होत आहे. प्रेक्षकांना आपल्या अभिनयाने भाववून टाकणारी ही कलाकार आज आपल्यात नाही, मात्र तिच्या जाण्याने एक महत्त्वाचा प्रश्न पुढे येतो – कॉन्सरबाबतची जागरूकता आणि वेळेत तपासणी.

डोळ्यांना विकतचे हानिकारक Kajal आणून लावण्यापेक्षा दिव्यातील वातींचा वापर करून पारंपरिक पद्धतीने घरीच बनवा काजळ

आजच्या धकाधकीच्या जीवनशैलीत महिलांच्या आरोग्याकडे अनेकदा दुर्लक्ष केलं जातं. विशेषत: २५ वर्षांनंतरच्या महिलांमध्ये कॉन्सरची काही सुरुवातीची लक्षणं दिसू लागतात, पण ती अनेकदा गांभीर्यानं घेतली जात नाहीत. वेळेत लक्ष न दिल्यास त्याचा परिणाम जीवघेणा ठरू शकतो. त्यामुळे या आजाराविषयी माहिती असणे आणि योग्य तपासणी करून घेणे अत्यावश्यक आहे.

महिलांमध्ये दिसून येणारी महत्त्वाची लक्षणे :

• अनियमित मासिक पाळी – पाळीच्या तारखेत वारंवार बदल होणे किंवा अत्यधिक रक्तस्त्राव होणे.
• अतिरिक्त थकवा – पुरेशी झोप घेऊनही सतत थकल्यासारखं वाटणं.
• छातीतील किंवा पोटातील गाठ – छोटासा गाठसुद्धा दुर्लक्ष करू नये.
• अचानक वजन घटणे किंवा वाढणे – कारण न सापडता वजनात मोठा बदल होणे.
• भूक न लागणे व सतत मळमळणे – पचनासंबंधी त्रास वारंवार होणे.
• पोटदुखी व कंबरदुखी – कायमस्वरूपी वेदना जाणवणे.
• श्वास घेताना त्रास – फुफ्फुसांशी संबंधित कॉन्सरचे लक्षण असू शकते.

संध्याकाळच्या वेळी भूक लागल्यानंतर काय खावं सुचत नाही? मग सोप्या पद्धतीमध्ये घरी बनवा बीट ओट्स थालीपीठ

प्रतिबंधासाठी आवश्यक उपाय :

• नियमित वैद्यकीय तपासणी करून घेणे.
• संतुलित आहार व व्यायामाचा अंगीकार.
• मद्यपान, तंबाखू व धूम्रपान टाळणे.
• ताण-तणावावर नियंत्रण ठेवणे.
• शरीरात कोणताही बदल जाणवल्यास लगेच तज्ज्ञांचा सल्ला घेणे.

प्रिया मराठेचं जाणं ही फक्त कलाक्षेत्राची हानी नाही, तर समाजासाठीही एक संदेश आहे. कॉन्सर हा आजार वेळेत ओळखला तर त्यावर उपचार शक्य आहेत. मात्र, त्यासाठी जागरूकता आणि स्वतःच्या आरोग्याविषयी जबाबदारी घेणं आवश्यक आहे. महिलांनी आपल्या शरीरातील लक्षणांना दुर्लक्ष न करता योग्य वेळी तपासणी केली, तर अनेक जीव वाचू शकतात.

प्रिया मराठेसारख्या तेजस्वी तारकेचं अकाली मावळणं दुःखद असलं, तरी तिच्या स्मृतीतून आपण आरोग्याबाबत सजग होणं हाच खरी श्रद्धांजली ठरेल.