हिवाळ्यात फाटत आहेत पाय? मग कसला विचार करताय? वापरा ‘हा’ उपाय

हिवाळ्यात हवामान कोरडे असते, ज्यामुळे त्वचा लवकर कोरडी होते. टाच फाटणे ही समस्या नेहमीच होणारी सामान्य समस्या आहे, पण ती वेळेवर सोडवली नाही तर ती गंभीर होऊ शकते.

ऋतू जसे बदलत जातात तसे आपले आरोग्य आणि त्यावर होणारे परिणामही बदलत जातात. हिवाळ्यात फाटणारे पाय आणि यावर उपाय काय? याचा शोध बरीच मंडळी घेत असतात. या बदलत्या वातावरणात आपले आरोग्य फार झुंज देत असते. अशा वेळी आपले आरोग्य राखणे फार महत्वाचे होऊन जाते. पाय फाटणे ही अतिशय सामान्य बनत जाणारी परिस्थिती आहे. बरीच माणसे या त्रासाने त्रस्त आहेत.

हिवाळ्यात तयार करा पौष्टिक आणि चवदार गाजर कांजी! पिढ्याबपीढ्या बनवली जात आहे रेसिपी

हिवाळयात हा त्रास फार वाढत जातो. वाढत्या या त्रासाला रोखणे फार गरजेचे असते. कारण हे फाटणारे पाय आणि त्यातून येणारे रक्त फार त्रासदायक असते. आणि हे फार चांगलेही दिसत नाही. तळव्याच्या त्वचेला क्रॅक्स येत असतात. विटामिनच्या कमतरतेमुळे अनेकदा तुमची टाच फाटू शकते. विटामिन सी, विटामिन B3, आणि विटामिन ई यांची कमतरता त्वचेला कोरडेपणा देते, आणि यामुळेच टाच फाटण्याची समस्या उद्भवते.

त्वचेला मॉश्चराइज करणे फार महत्वाचे आहे. त्यासाठी शरीरात पाण्याचे सेवन उत्तम असावे लागते. पाणी जास्त प्या, जितके पाण्याचे सेवन जास्त तितका शरीराला फायदा होत असतो. पण पाण्याचे कमी सेवन त्वचेच्या सुखेपणाला कारणी ठरतो आणि टाच फाटणे सारखी समस्या उद्भवते. त्यामुळे हिवाळाच्या दिवसात चांगल्या क्वालिटीचा मॉश्चराइजर लावणे फायद्याचे ठरते. कोणताही मॉश्चराइजर वापरण्याच्या अगोदर डॉक्टरांचा किंवा त्वचा तज्ञांचा सल्ला नक्की घ्या.

पेरू पिकून नरम झाले आहेत? मग घरी बनवा आंबटगोड पेरु कँडी, लहान मुलं होतील खुश

अशा प्रकारे करा फाटलेल्या टाचेवर उपाय:

• एका टबमध्ये कोमट पाणी घ्या आणि त्यात थोडे मीठ घाला. पाय 15-20 मिनिटे भिजवा. यामुळे त्वचा मऊ होईल आणि मृत त्वचा काढायला सोपे जाईल. भिजवून झाल्यावर स्क्रबचा वापर करून टाच स्वच्छ करा.
• टाचेला योग्य मॉश्चरायझर लावल्याने त्वचा मऊ राहते. नॅचरल मॉश्चरायझरमध्ये नारळाचे तेल, बदाम तेल किंवा शिया बटर यांचा समावेश करा. झोपण्यापूर्वी लावा आणि त्यावर सॉक्स घालून झोपा, ज्यामुळे मॉश्चर लॉक होईल.
• ग्लिसरीन आणि गुलाबपाण्याचे मिश्रण बनवून फाटलेल्या टाचांवर लावा. यामुळे त्वचेचा कोरडेपणा कमी होतो आणि टाच मऊ होतात.
• पिकलेल्या केळीचा पेस्ट तयार करून टाचांवर लावा. 20 मिनिटांनी कोमट पाण्याने धुवा. केळीत असणाऱ्या नैसर्गिक गुणधर्मांमुळे त्वचेची आर्द्रता टिकून राहते.
• मध आणि दुधाचे मिश्रण टाचांवर लावल्याने त्वचेला पोषण मिळते. हे मिश्रण अँटी-बॅक्टेरियल असते, ज्यामुळे त्वचा संक्रमणापासून दूर राहते.
• जर घरगुती उपायांनी आराम मिळत नसेल किंवा टाच फाटल्यामुळे इन्फेक्शन झाले असेल तर त्वचारोग तज्ञांचा सल्ला घ्या.