बेलफळाचे सरबत आहे आरोग्यासाठी वरदान! घरीच तयार करून पहा रेसिपी

उन्हाळ्यात बेलाच्या फळाचा सरबत एक उत्तम पर्याय आहे. हा सरबत आरोग्यासाठी फायदेशीर मानला जातो. याचा सरबत घरी अगदी सहज आणि कमी वेळेत बनवला जातो. जाणून घ्या याचे फायदे आणि रेसिपी.

उन्हाळ्याच्या दिवसांत उष्णतेच्या गरम लाटा जिव्हाची नुसती काहिली करत असतात. या सिजनमध्ये काही तरी थंड थंड खावेसे वाटतं असते. या दिवसांत अधिकतम लोकांची पसंती थंडगार सरबत पिण्याकडे असते. मात्र अनेक सॉफ्ट ड्रिंक्स आणि केमिकल पावडरने बनवले जाणारे सरबत आपल्या आरॊग्यासाठी हानिकारक ठरू शकतात. म्हणूनच या दिवसात, घरातच सरबत बनवणे हा एक उत्तम पर्याय ठरेल. सरबत तर तुम्ही अनेकदा वेगेवेगळ्या गोष्टींचा ट्राय केला असेल पण तुम्ही कधी बेलाच्या फळाचा सरबत पिला आहे का? बेलाचे फळ मुख्यतः पूजेसाठी वापरले जाते मात्र याचे आपल्या शरीराला अनेक फायदे असतात.

बेलाच्या फळाचे फायदे:

• बेलाचे फळ उन्हाळयाच्या दिवसांत शरीराला उष्णतेच्या प्रभावापासून वाचवण्याचे काम करते. कॅल्शियम, फॉस्फरस, फायबर, प्रथिने आणि लोह यांसारख्या पोषक तत्वांनी भरपूर बेलाचे फळ आहे. उन्हाळ्यात याचा ज्यूस प्यायल्याने अनेक समस्या दूर होतात.
• बेलाचा रस शरीराला थंडावा देतो आणि शरीर हायड्रेट करण्यास मदत करतो.
• फायबरयुक्त बेलाचे रस प्यायल्याने बद्धकोष्ठतेचा त्रास दूर होतो. शरीराची रोगप्रतिकारक शक्ती वाढवण्यासही याची मदत होते.
• यामध्ये आरोग्यदायी कॅलरीज असतात ज्या वजन कमी करण्यास मदत करतात. याने बराच काळ आपले पोट भरलेले राहते.

[read_also content=”महाराष्ट्राचा फेमस झणझणीत ठेचा रेसिपी, एकदा तरी करून पहाच https://www.navarashtra.com/lifestyle/maharashtras-famous-spicy-thecha-recipe-try-it-at-least-once-536180.html”]

कसे बनवायचे बेलाच्या फळाचे सरबत:

साहित्य:

• एक लिटर पाणी
• एक बेलाचे फळ
• चवीनुसार साखर
• 1/2 चमचे जिरा
• 1/4 चमचे काळे मीठ
• पुदिन्याची पाने

कृती:

बेलाच्या फळाचे सरबत बनवण्यासाठी सर्वप्रथम बेलाचे फळ सोलून घ्या आणि त्याचा लगदा वेगळा करून घ्या. यानंतर गॅसवर एक भांडे ठेवून त्यात पाणी उकळत ठेवा आणि मग त्यात बेलाचा फळाच्या लगदा आणि सर्व साहित्य टाकून सर्वकाही नीट मिसळून घ्या. आता याला चांगले उकळवा आणि सर्वकाही नीट मिसळत राहा. नंतर १०-१५ मिनिटांनी गॅस बंद करा आणि याला चांगले थंड होऊ द्या. हा सरबत थंड होण्यासाठी फ्रिजमध्ये ठेवा आणि मग थंडगार आणि आरोग्यदायी बेलाच्या फळाचा आस्वाद घ्या.