चेहऱ्यावर मुरूम आणि पिंपल्स आले आहेत? मग करून पहा ‘हे’ घरगुती उपाय

पिंपल्स किंवा मुरूम येण्यामागे अनेक कारण आहेत.शरीरातील हार्मोनल बदल, खाण्यापिण्याच्या सवयी, चुकीची जीवनशैली इत्यादी गोष्टींचा परिणाम दिसू लागल्यानंतर त्वचा खराब होऊन जाते. वातावरणात बदल झाल्यानंतर चेहऱ्यावर त्याचे परिणाम दिसून येतात. पावसाळ्यात वातावरणातील आद्रतेचा परिणाम चेहऱ्यावर दिसू लागल्यानंतर त्वचा चिकट आणि तेलकट होऊन जाते.त्यामुळे सुंदर आणि चमकदार त्वचेसाठी हे घरगुती उपाय नक्की करून पहा.

सुंदर त्वचा मिळवण्यासाठी महिला अनेक वेगवेगळे उपाय करतात. पण अनेकदा चमकदार आणि स्वच्छ त्वचेवर पिंपल्स किंवा मुरूम आल्यानंतर त्वचेचे सौंदर्य खराब होऊन जाते. पिंपल्स किंवा मुरूम येण्यामागे अनेक कारण आहेत.शरीरातील हार्मोनल बदल, खाण्यापिण्याच्या सवयी, चुकीची जीवनशैली इत्यादी गोष्टींचा परिणाम दिसू लागल्यानंतर त्वचा खराब होऊन जाते. वातावरणात बदल झाल्यानंतर चेहऱ्यावर त्याचे परिणाम दिसून येतात. पावसाळ्यात वातावरणातील आद्रतेचा परिणाम चेहऱ्यावर दिसू लागल्यानंतर त्वचा चिकट आणि तेलकट होऊन जाते. तेलकट झालेली त्वचा वेळीच स्वच्छ केली नाहीतर चेहऱ्यावर साचून राहिलेल्या धूळ, माती आणि तेलामुळे पिंपल्स येऊ लागतात. त्यामुळे आज आम्ही तुम्हाला चेहऱ्यावरील मुरूम आणि पिंपल्स पासून सुटका मिळवण्यासाठी कोणते घरगुती उपाय करावे, याबद्दल सांगणार आहोत.(फोटो सौजन्य-istock)

जीवनशैलीत बदल करणे:

निरोगी आणि सुंदर त्वचा मिळवण्यासाठी फक्त क्रीम्स आणि महागड्या प्रॉडक्टचा वापर न करता योग्य त्या जीवनशैलीचा अवलंब करून जीवन जगले पाहिजे. अनेकांना रात्रीच्या वेळी उशीरा जेवण्याची आणि झोपण्याची सवय असते. उशिरा जेवल्यामुळे पचनक्रिया बिघडून जाते . त्यामुळे योग्य वेळात जेवून आरोग्याची काळजी घेतली पाहिजे. मानसिक तणाव वाढल्यामुळे जीवन बदलून जाते. मानसिक तणावाचा परिणाम चेहऱ्यावर सुद्धा दिसून येतो. त्यामुळे मानसिक आरोग्य सुधरण्यासाठी व्यायाम आणि प्राणायाम करणे आवश्क आहे.

हे देखील वाचा: जास्वंदीच्या फुलाचा वापर करून वाढवा चेहऱ्याचे सौंदर्य! काळे डाग घालवण्यासाठी ‘या’ पद्धतीने करा वापर

​हार्मोनल असंतुलन:

महिलांच्या शरीरात सातत्याने हार्मोनल बदल होत असतात. हे बदल काहीवेळ चेहऱ्यावर सुद्धा दिसतात. पिंपल्स येणे, मुरूम येणे, त्वचेसंबंधित समस्या निर्माण होणे इत्यादी लक्षणे दिसू लागल्यानंतर हळूहळू त्वचा खराब होऊन जाते. त्वचेची गुणवत्ता कमी झाल्यामुळे चेहरा खराब होतो. हार्मोन्स असंतुलित झाल्यानंतर टेस्टोस्टेरॉनसारखे एंड्रोजन मुरुम येण्यास कारणीभूत ठरतात.

पुरळ किंवा मुरूम येऊ नये म्हणून काय करावे?

• चेहऱ्यावर मुरूम किंवा पुरळ येऊ नये म्हणून संतुलित आहार घेणे आवश्यक आहे. शरीराला गुणकारी ठरतील अशा पदार्थांचे सेवन केल्यामुळे त्वचा सुधारण्यास मदत होते.
• त्वचा स्वच्छ ठेवण्यासाठी चेहरा सूट होईल असा फेशवॉश निवडावा. चुकीच्या फेशवॉशमुळे चेहरा खराब होऊन जातो. फेसवॉशचा वापर केल्यामुळे चेहरा अधिक एक्सफोलिएट होऊन तेल नियंत्रणात राहते.

हे देखील वाचा: स्वयंपाक घरातील ‘या’ डाळीचा वापर करून चेहऱ्याची चमक वाढवा, फेसपॅकमुळे त्वचेवर दिसेल तारुण्य

• फेसवॉश विकत घेताना त्यात सॅलिसिलिक ॲसिड आणि ग्लायकोलिक ॲसिडचे प्रमाण जास्त असलेला फेसवॉश खरेदी करावा. यामुळे त्वचेवरील मुरुमांची समस्या कमी होते.
• त्वचेचा खराब झालेला रंग सुधारण्यासाठी फेस सीरम लावावे. यामुळे काळी पडलेली त्वचा उजळून पुन्हा एकदा चेहऱ्यावर चमकदार ग्लो येतो.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.