Skibidi…काय आहे हा नवा गोंधळ? Gen Z च्या डिक्शनरीत ॲड झाले काही नवीन शब्द

कॅब्रिज युनिव्हर्सिटीने डिक्शनरीमध्ये काही नवे शब्द समाविष्ट केले आहेत. यामध्ये Skibidi, delulu, tradwife यांसारखे शब्द सध्या ट्रेंड होत आहेत. हे शब्द नेमकं काय आहेत हे आपण जाणून घेऊयात.

Skibidi… ऐकून गोंळध उडाला ना? नेमका काय आहे हा शब्द? कुठून आला? कोणी शोधला असे प्रश्न तुम्हाला पडले असतील. हा शब्द तुम्ही सोशल मीडियावरही पाहिला असेल. तसेच यांसारखे delulu, tradwife असेही इतर शब्द सध्या सोशल मीडियावर धुमाकूळ घालत आहेत. तर हे शब्द Gen Z आणि Gen Alpha यांच्या सोशल मीडिया संस्कृतीतून आले आहे.

केंब्रिजने यांसारखे ६ हजार शब्द आणि वाक्यप्रचार डिक्शनरीमध्ये ॲड केले आहेत. सध्या याची सोशल मीडियावर जोरदार चर्चा सुरु आहे. आज आपण या शब्दांचा नेमका अर्थ काय आहे हे जाणून घेणार आहोत.

डेटिंगच्या टर्म्समध्ये Gen Z चा अनोखा ट्विस्ट; ‘हे’ विविध प्रकार पाहून डोकं चक्रावून जाईल

 ट्रेंडिंग शब्द आणि त्यांचे नेमके अर्थ

• आश्चर्याची बाब म्हणजे याचा अर्थ सांगताना केंब्रिजचाही गोंधळ उडला आहे. याचा नेमका अर्थ सांगणे अनेकांना कठीण जात आहे.
• तसे Skibidi या शब्दला काही विशेष अर्थ नाही. हा शब्द चांगल्या आणि वाईट दोन्ही परिस्थितीत वापरला जातो. ही शब्द ‘स्कीबिडी टॉयलेट’ या वेब सीरिजमधून प्रसिद्ध झाला आहे.
• तर Delulu या शब्दाचा अर्थ भ्रम असा होतो. म्हणजेच वास्तवापासून दूर राहणे. भ्रमात जगणे असे आहे. सोशल मीडियावर आपण डेलुलु मध्ये जगत आहोत असेही म्हटले जाते. म्हणजेच की एखादी गोष्ट आधीच घडल्याचा भास लोकांना होत असेल तर यासाठी डेलुलु हा शब्द वापरला जात आहे.
• तर TRADWIFE हा शब्द Traditional Wife या शब्दांचा शॉर्ट फॉर्म आहे.
• याशिवाय INSPO हा शब्द Inspiration चा शॉर्ट फॉर्म आहे. म्हणजे प्रेरणा, आदर्श असा मराठीत होतो.
• तसेच फॅशन स्टाईलसाठी lewk हा शब्द सध्या Gen Z मध्ये ट्रेंड होत आहे.
• याशिवाय Mouse jiggler म्हणजे कॅम्युटरवर ऑनलाईन असण्यासारखे दिसणारे एक टूल आहे.
• याशिवाय forever chemical म्हणजे जास्त काळापर्यंत परिणाम करणारी धोकायदाक रसायने असा याचा या अर्थ आहे.

सध्या या शब्दांवर सगळीकडे टीका केली जात आहे. काही लोकांनी आता “इंग्रजी भाषा ही भाषा राहिली नसून, टिकटॉकचे कमेंट सेक्शन बनले” असल्याचे म्हटले आहे.

डिक्शनरीमध्ये का अड केले हे शब्द?

केंब्रिज युनिव्हर्सिटीच्या मते, सध्या बदलत्या तंत्रज्ञानानुसार भाषेतही अनेक बदल होत आहे आणि हा बदल जपणे आवश्यक असल्याचे युनिव्हर्सिटीने म्हटले आहे.

आता तुम्हाला आणखी कोणते नवे शब्द माहित असतील तर ते आम्हालाही कळवा.