भारतातील थंड वाळवंट जिथे मायनस 35 डिग्रीपर्यंत पोहचते तापमान, जाणून घ्या कुठे आहे ठिकाण?

राजस्थान म्हटलं की डोळ्यासमोर वाळवंट, सोनेरी वाळू आणि कडक उन्हाची प्रतिमा उभी राहते. मात्र भारतात एक असंही वाळवंट आहे, जिथे वाळूच्या प्रदेशासोबत कडाक्याची थंडी अनुभवायला मिळते. उंच पर्वतरांगांमध्ये वसलेला हा प्रदेश आपल्या अनोख्या हवामानामुळे पर्यटकांचे लक्ष वेधून घेतो.

• भारतातील ‘थंड वाळवंट’ नेमकं कुठे आहे?
• या वाळवंटात तापमान शून्याच्या खाली का जाते?
• थंड वाळवंटाजवळ कोणती सुंदर पर्यटनस्थळे पाहता येतात?

जेव्हाही आपण राजस्थान या ठिकाणाविषयी बोलतो तेव्हा मनात उष्ण वातावरण आणि वाळवंटाचा विचार येतो. थर वाळवंट त्याच्या सोनेरी वाळू, उंच वाळूचे ढिगारे आणि भाजून काढणाऱ्या उष्णतेसाठी जगभर ओळखले जाते. राजस्थानच्या अनेक भागात वाळूचा विस्तीर्ण प्रदेश आणि प्रखर सूर्यप्रकाश पाहायला मिळतो. उन्हाळ्यात तापमान खूप वाढते आणि दिवसा वाळू इतकी गरम होते की यावरुन चालणेही कठीण होऊन बसते. पण विचार करा, जर आम्ही तुम्हाला सांगितलं की, वाळवंटात तुम्हाला उष्ण वाऱ्यांशिवाय थंड बर्फाळ वाऱ्यांचा अनुभव घ्यायला मिळेल तर तुम्हाला हे पटेल का? हिवाळ्यात तापमान शून्याखाली जाऊ शकते. म्हणूनच याला ‘थंड वाळवंट’ म्हटले जाते.

Travel News : एकट्याने फिरण्याचा विचार करताय? या चुका टाळल्या तर प्रवास होईल सुरक्षित

वास्तविक भारताचे हे थंड वाळवंट लडाखच्या लेह जिल्ह्यात वसले आहे. हा परिसर समुद्र किनाऱ्यापासून ३००० ते ३५०० मीटर उंचावर वसला आहे. म्हणजेच अनेक ठिकाणी याची उंची १०,००० ते ११,५०० फूटाहून अधिक आहे. जास्त उंची, अत्यंत कमी पाऊस आणि थंड हवामानामुळे येथील भूगोल हा राजस्थानच्या उष्ण वातावरणाहून एकदम वेगळा आहे. इथे तुम्हाला सोनेरी वाळू आणि यासोबतच दगडी डोंगर, कोरडी खोरी आणि ओसाड जमिनीचे विस्तीर्ण प्रदेश पाहायला मिळतील.

थंड वाळवंट का म्हटले जाते?

लेहच्या थंड वाळवंटाची खासियत म्हणजे इथले अनोखे वातावरण. भव्य हिमालय पर्वतरांगांच्या मागे वसलेल्या या उंच पर्वतरांगांमुळे मान्सूनचे वारे या प्रदेशात पोहचू शकत नाही ज्यामुळे पावासाचे प्रमाण फार कमी पाहायला मिळते. यासोबतच इथे उन्हाळाही फार काळ नसतो. हिवाळ्यात येथील परिस्थिती तीव्र बनते. हिवाळ्यात इथे भरपूर थंडावा असतो जो कधीकधी सहन होण्यापलिकडचा ठरतो. माहितीनुसार, याकाळात साधारण तापमान -२० ते -३५ डिग्री सेल्सियसपर्यंत पोहचते. पावसाळ्यात पावसाची कमतरता आणि थंडी जास्त असल्याने इथे हिरवळ देखील फार कमी पाहायला मिळते. यामुळेच इथला प्रदेश खडकाळ डोंगरं, कोरडी जमीन आणि वाळवंटाने भरलेला असतो.

नशीब नाही, ट्रेनमध्ये ‘या’ फॉर्मुल्याने मिळते विंडो सीट! रेल्वेचा हा नियम बहुतेकांना ठाऊकच नाही

अनेक सुंदर ठिकाणांना देऊ शकता भेट

लेह हा जिल्हा नैसर्गिकरित्या सुंदर असून इथे इतिहास आणि संस्कृतीची अनोखी झलक पाहयला मिळते. इथे उपस्थित पांगोंग त्सो सरोवर आपल्या सुंदरतेसाठी जगभर प्रसिद्ध आहे. इथे खाऱ्या पाण्याचे तलाव आहे आणि वातावरणातील प्रकाशानुसार या तलावातील पाण्याचा रंग बदलत राहतो. याशिवाय इथे लेह पॅलेस, हेमिस मठ, थिक्से मठ आणि दिस्किट मठ अशी काही प्रमुख ठिकाणे आहेत जिथे पर्यटकांची वर्दळ पाहायला मिळते. या ठिकाणांना भेट देऊन तुम्ही लडाखमधील धार्मिक आणि बाैद्ध संस्कृतीला जवळून जाणून घेऊ शकता.