पावसाळ्यात हा जुगाड कामी येईल! जुन्या चाळणीपासून बनवा कपडे सुकवण्याचे क्लिप हँगर

पावसाळ्यात कपडे कुठे सुकत घालवावे असा अनेकांना प्रश्न पडत असतो. यासाठीच आता जुन्या चाळणीपासून कपडे सुकत घालण्याचा हँगर कसा तयार करावा याचा एक भन्नाट व्हीडीओ सध्या सोशल मीडियावर पोस्ट करण्यात आला आहे. पाहा व्हिडिओ.

नुकताच पावसाळा ऋतू सुरु झाला आहे. पावसाळ्यात अनेक समस्या उद्भवत असतात, त्यातीलच एक म्हणजे कपडे सुकवण्याची समस्या. या ऋतूत सर्व ठिकाणी पाणी पाणी होते ज्यामुळे अनेकदा आपल्या गॅलरीतही पावसाचे पाणी साठू लागते. अशावेळी गॅलरीत कपडे सुकत घालणे चुकीचे ठरेल. अनेकजण या ऋतूत कपडे सुकवण्यासाठी नवीन हँगर हँगरखरेदी करत असतात. याच्या मदतीने अगदी सहज तुम्ही घरातच कपडे सुकत घालू शकता. मात्र आता तुम्हाला या हँगरसाठी पैसे देण्याची आवश्यकता नाही कारण आज आम्ही तुम्हाला घरातच हँगर कसा तयार करायचा याची एक सोपी पद्धत सांगणार आहोत. ही ट्रिक वापरून तुम्ही घरेच हँगर तयार करू शकता आणि यात तुमचे पैसेही वाचतील.

आज आपण घराघरात वापरल्या जाणाऱ्या चाळणीपासूनच हँगर कसा तयार करायचा याची एक सोपी ट्रिक पाहणार आहोत. ही युनिक ट्रिक सोशल मीडियावर एका व्हिडिओद्वारे सांगण्यात आली आहे. चला तर मग याचविषयी सविस्तर जाणून घेऊयात.

व्हिडीओमध्ये दाखवल्याप्रमाणे:

• यासाठी सर्वप्रथम घरातील एक जुनी चाळणी घ्या
• त्यांनतर या चाळणीला वरच्या बाजूस एकूण आठ छिद्रे पाडा आणि चाळणीच्या खालच्या बाजूस एकूण चार छिद्रे पाडा
• त्यांनतर एक डोरा घ्या आणि याला प्रत्येक छिद्रामध्ये टाका, दोरी किती लांब ठेवायची आहे ते तुम्ही ठरवू शकता
• यांनतर प्रत्येक दोरीमध्ये कपडे लटकवण्याचा चिमटा घालायचा आणि मग मेणबत्तीच्या साहाय्याने दोरी नीट सील करून घ्यायची
• अशाप्रकारे तुमचे कपडे सुकत घालण्याचे हँगर तयार होईल
• त्यांनतर वरील चार छिद्रांच्या मदतीने तुम्ही या हँगरला वर लटकवू शकता
• या रीतीने तुम्ही अगदी सहज जुन्या चाळणीच्या मदतीने कपडे सुकवण्यासाठी हँगर तयार करू शकता

See more

दरम्यान ही भन्नाट ट्रिक @prajakta_salve_marathi नावाच्या इंस्टाग्राम अकाउंटवरून शेअर करण्यात आली आहे. त्यातच आता या ट्रिकचा व्हिडिओ सोशल मीडियावर फार व्हायरल होत आहे. या व्हिडिओच्या कॅप्शनमध्ये, पावसाळ्यात कपडे सुकविण्यासाठी फक्त गाळणीचा वापर करा असे लिहिण्यात आले आहे. अनेकांनी या व्हिडिओवर कमेंट्स करत आपल्या प्रतिक्रिया दिल्या आहेत. एका युजरने लिहिले आहे, 40 rs मीटर ही दोरी. 20 ru ची चाळणी…… ह्या क्लिप 20rs पाकीट…… अहो त्या पेक्षा 50 रुपया मधे भेटत ओ क्लिप हँगर तर काहींना ही ट्रिक फारच आवडली आहे.