मायग्रेनच्या समस्येमुळे त्रस्त आहात? मग सकाळी उठल्यानंतर नियमित करा ‘ही’ योगासने, डोकेदुखी होईल कमी

मायग्रेनमुळे तीव्र डोके दुखी होण्यास सुरुवात होते. अशावेळी अनेक लोक पेनकिलरच्या गोळ्या खातात. पण या गोळ्यांचे सेवन करण्याऐवजी तुम्ही योगासने करून मायग्रेनच्या समस्येपासून आराम मिळवू शकता. योगासने करण्याचे फायदे.

दैनंदिन जीवनात डोके दुखीचा त्रास सामान्य समस्या झाली आहे. सतत कामाचा तणाव, अपुरी झोप, अपचन, तासनतास मोबाईल पाहत राहणे इत्यादी अनेक गोष्टींचा परिणाम आरोग्यावर दिसून आल्यानंतर अनेक समस्या उद्भवण्यास सुरुवात होते. त्यातील सामान्यपणे उद्भवणारी समस्या म्हणजे मायग्रेन. मायग्रेनचा त्रास चालू झाल्यानंतर तीव्र डोकेदुखी होण्यास सुरुवात होते. अशावेळी कोणतेही काम करण्याची इच्छा होत नाही. मायग्रेनचा त्रास होण्यास सुरुवात झाल्यानंतर डोक्याच्या अर्ध्या भागात तीव्र वेदना होण्यास सुरुवात होते. अशावेळी अनेक लोक मेडिकलमध्ये मिळणाऱ्या गोळ्यांचे सेवन करतात. मात्र असे करण्याऐवजी डॉक्टरांच्या सल्ल्याने योग्य ते औषध उपचार करावे, ज्यामुळे लवकरात लवकर आराम मिळाले. मायग्रेनमुळे सतत दोन ते तीन दिवस तीव्र डोके दुखीचा त्रास जाणवतो.(फोटो सौजन्य-istock)

लाईफस्टाईल संबंधित बातम्यांसाठी इथे क्लिक करा

आजूबाजूच्या परिसरातील मोठ्या आवाजामुळे किंवा प्रकाशामुळे डोकेदुखीची समस्या उद्भवू लागते. मायग्रेनची समस्या उद्भवू लागल्यानंतर अस्वस्थता, चक्कर येणे, उलट्या आणि मळमळ इत्यादी अनेक लक्षणे दिसू लागतात. त्यामुळे आरोग्याची योग्य ती काळजी घ्यावी. मायग्रेनची समस्या उद्भवल्यानंतर सतत पेनकिलरच्या गोळ्या खाण्याऐवजी योगसने करावीत. यामुळे लवकर आराम मिळेल. आज आम्ही तुम्हाला मायग्रेनची समस्या उद्भवल्यानंतर सकाळी उठल्यानंतर कोणती योगासने करावीत, याबद्दल सांगणार आहोत. चला तर जाणून घेऊया.

मायग्रेनची समस्या उद्भवल्यानंतर ‘ही’ योगासने नियमित करा:

उष्टासन:

उष्टासन केल्यामुळे डोकेदुखीच्या समस्येपासून आराम मिळतो. हे आसन करताना गुडघे टेकून जमिनीवर बसा. त्यानंतर दोन्ही हात कंबरेवर ठेवा. दीर्घ श्वास घ्या आणि पाठीच्या खालच्या भागावर पुढे दाब घ्या. शिवाय हे आसन करताना नाभीवर पूर्ण दाब जाणवेल. त्यानंतर हात आणि पाय धरून कंबर खाली वाकवा. 2 ते 3 सेकंड या आसनात राहून नंतर सामान्य स्थितीमध्ये यावे. यामुळे डोकेदुखीची समस्या कमी होईल.

अधोमुखासन:

अधोमुखासन करताना सगळ्यात आधी मॅटवर पोटावर झोपा. त्यानंतर हात आणि पाय जमिनीवर ठेवून पाठ आणि कंबर वर उचला. या आसनात दोन ते तीन सेकंड राहून नंतर सामान्य स्थितीमध्ये राहा. श्वास सोडून नंतर पुन्हा एकदा दोन ते तीन वेळा हे आसन करा. यामुळे मायग्रेनमुळे होणारा डोकेदुखीचा त्रास कमी होण्यास मदत होईल.

लाईफस्टाईल संबंधित बातम्यांसाठी इथे क्लिक करा

बालासना:

बालासना करणे अतिशय सोपे आहे. हे आसन नियमित केल्यास सराव होईल. बालासना करताना सगळ्यात आधी मॅटवर गुडघे टेकवून बसा. त्यानंतर शरीराचा सर्व भार टाचांवर टाका. नंतर दीर्घ श्वास घेऊन पुढे वाकण्याचा प्रयत्न करा. हे आसन करताना मांड्याचा छातीला स्पर्श करा. नंतर कपाळाने मजल्याला स्पर्श करा. दोन सेकंड या स्थितीमध्ये राहून नंतर सामान्य स्तिथीमध्ये यावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.