डोलो ६५० की पॅरासिटामॉल, कोणती Tablet जास्त परिणामकारक?

डोलो आणि पॅरासिटामॉल दोन्ही ताप आणि वेदना कमी करणारी प्रभावी औषधे आहेत. सौम्य तापासाठी 500mg पॅरासिटामॉल पुरेसे असते, तर तीव्र ताप आणि वेदनांसाठी डोलो 650 अधिक परिणामकारक ठरू शकते.

डोकेदुखी, अंगदुखी किंवा ताप आल्यास अनेक लोक त्वरित डोलो किंवा पॅरासिटामॉलची गोळी घेतात. यामुळे त्यांना लगेच आराम मिळतो. ही दोन्ही औषधे जगभरात मोठ्या प्रमाणावर वापरली जातात. ताप, स्नायू वेदना, डोकेदुखी आणि सौम्य सर्दीच्या लक्षणांवर ही प्रभावी मानली जातात. डॉक्टरांच्या सल्ल्याने घेतल्यास ही औषधे सुरक्षित आणि परिणामकारक ठरतात. मात्र, अनेकदा प्रश्न पडतो की डोलो आणि पॅरासिटामॉल यामधून अधिक चांगले आणि प्रभावी औषध कोणते आहे?

भुतांमधील लिंगभेद! इथेही मारली स्त्रियांनी बाजी? जाणून घ्या प्रेताचे प्रकार

पॅरासिटामॉल म्हणजे काय?

पॅरासिटामॉल हे एक जेनरिक औषध असून वेदना व ताप कमी करण्यासाठी वापरले जाते. 1960 पासून हे बाजारात उपलब्ध आहे. डोलो, क्रोसिन आणि कालपोल हे वेगवेगळ्या ब्रँडनावे पॅरासिटामॉल विकले जातात. त्यामुळे लोक पॅरासिटामॉलच्या कॉपीलाच डोलो म्हणू लागले आहेत.

पॅरासिटामॉल हे एक अँटी-पायरेटिक (ताप कमी करणारे) आणि एनाल्जेसिक (वेदनाशामक) औषध आहे. ताप, डोकेदुखी, स्नायू वेदना आणि सौम्य सर्दीच्या लक्षणांवर हे प्रभावी आहे. ही गोळी डॉक्टरांच्या प्रिस्क्रिप्शनशिवाय सहज उपलब्ध होते आणि सुरक्षित मानली जाते.

डोलो 650 म्हणजे काय?

कोरोना काळात डोलो 650 हे सर्वाधिक शोधले गेलेले औषध होते. हे देखील पॅरासिटामॉलच आहे, पण यात 650mg पॅरासिटामॉल असतो, तर सामान्य पॅरासिटामॉलच्या गोळीमध्ये 500mg असतो. Micro Labs Ltd ही कंपनी डोलो तयार करते. हे ताप कमी करण्यासोबतच शरीरातील सूज व वेदना कमी करण्यास मदत करते.

डोलो आणि पॅरासिटामॉल – कोण अधिक प्रभावी?

• सौम्य ताप असल्यास 500mg पॅरासिटामॉल पुरेसे असते.
• ताप जास्त असल्यास किंवा वारंवार येत असल्यास डोलो 650 अधिक परिणामकारक ठरू शकते.
• तीव्र वेदना किंवा फ्लूच्या लक्षणांवरही डोलो 650 चांगले कार्य करते.
• परंतु, कोणतेही औषध डॉक्टरांच्या सल्ल्यानेच घ्यावे, अन्यथा त्याचा विपरीत परिणाम होऊ शकतो.

नात्याचा शत्रू म्हणजे ‘गैरसमज!’ दुराव्यापेक्षा तो दूर केलेला बरा…

या औषधांचे दुष्परिणाम आणि खबरदारी

• ही दोन्ही औषधे सुरक्षित मानली जातात, पण ओव्हरडोजमुळे दुष्परिणाम होऊ शकतात.
• या औषधांमुळे पोटदुखी किंवा अपचन होऊ शकते.
• जास्त प्रमाणात घेतल्यास यकृतावर (लीवर) परिणाम होऊ शकतो.
• काही जणांना मळमळ, उलट्या किंवा ऍलर्जी होण्याची शक्यता असते.

जर आधीपासून यकृत किंवा मूत्रपिंडासंबंधी समस्या असतील, तर डॉक्टरांच्या सल्ल्याशिवाय ही औषधे घेऊ नयेत. कोणतेही औषध घेताना स्वतःहून निर्णय घेण्याऐवजी तज्ज्ञांचा सल्ला घेणे केव्हाही सुरक्षित असते. औषध घेतल्यानंतर काही त्रास जाणवत असल्यास तातडीने डॉक्टरांशी संपर्क साधावा.