सकाळच्या नाश्त्याला बनवा ओल्या नारळाचे स्वादिष्ट पराठे, झटपट तयार होते रेसिपी

सकाळचा नाश्ता म्हटला की गृहिणींना नेहमीच आता काय नवीन बनवावे असा प्रश्न पडतो. तसेच सकाळच्या कामाच्या गडबडीत नाश्त्यासाठी फारसा वेळ नसतो. म्हणूनच आज आम्ही तुमच्यासाठी एक सोपी आणि झटपट अशी रेसिपी घेऊन आलो आहोत. पराठे तर तुम्ही अनेकदा खाल्ले असतील मात्र तुम्ही कधी ओल्या नारळाचा पराठा खाल्ला आहे का? नसेल तर आजच घरी बनवून याचा आस्वाद घ्या.

सकाळचा नाश्ता म्हटला की, गृहिणींना आता नवीन काय बनवावे असा प्रश्न पडत असतो. अनेकदा घरच्यांना तेच तेच खाऊन कंटाळा येतो तसेच सकाळी कामाच्या गडबडीत नाश्ता बनवायला फारसा वेळ नसतो. अशात गृहिणी नेहमीच एका युनिक, सोप्या आणि झटपट तयार होणाऱ्या नाश्त्याच्या शोधात असतात. हीच गोष्ट लक्षात घेत आज आम्ही तुमच्ययसाठी एक अनोखी आणि स्वादिष्ट अशी रेसिपी घेऊन आलो आहोत.

आजच्या आपल्या रेसिपीचे नाव आहे ओल्या नारळाचे स्वादिष्ट पराठे. तुम्ही पराठा हा एक असा प्रकार आहे जो सर्वांनाच खायला फार आवडतो. तुम्ही अनेकदा आलू पराठा, मसाला पराठा असे अनेक पराठे खाल्ले असतील मात्र यावेळी काही नवीन करून पहा आणि घरी बनवा टेस्टी ओल्या नारळाचे स्वादिष्ट पराठे. जाणून घ्या यासाठी लागणारे साहित्य आणि कृती.

हेदेखील वाचा – रात्रीच्या जेवणात बनवा बटाट्याचा चटपटीत रायता, पाहता क्षणी तोंडाला पाणी सुटेल

साहित्य

• अर्धा वाटी किसलेलं ओलं खोबरं
• एक वाटी गव्हाचे पीठ
• हिरव्या मिरच्या
• आलं – लसूण पेस्ट
• जिरे
• कोथिंबीर
• साखर
• सुकं खोबरं
• 1 लाल मिरची
• चवीपुरते मीठ
• तेल आणि तूप
• लिंबू

हेदेखील वाचा – पितृपक्षात आवर्जून बनवा थापीववडी! व्हिडिओतून जाणून घ्या पारंपरिक रेसिपी

कृती

• ओल्या नारळाचे स्वादिष्ट पराठे बनवण्यासाठी सर्वप्रथम मिक्सरचे भांडे घ्या आणि त्यात अर्धा वाटी किसलेलं ओल
• खोबरं, 4-5 हिरव्या मिरच्या, आलं लसूण पेस्ट, जिरे, कोथिंबीर, सुकं खोबरं, 1 लाल मिरची टाका आणि बारीक वाटून घ्या
• यानंतर ही पेस्ट एका भांड्यात काढा आणि त्यात चवीनुसार मीठ, लिंबाचा रस आणि साखर टाकून सर्व साहित्य
• नीट एकजीव करून घ्या आणि हे सारण बाजूला ठेवून द्या
• तुम्ही यात तुमच्या आवडीचे मसालेदेखी टाकू शकता
• यानंतर एका भांड्यात गव्हाचे पीठ घ्या. त्यात चवीनुसार मीठ आणि पाणी घालून चांगले मळून घ्या
• आता मळलेल्या गव्हाच्या पिठाचे लहान गोळे तयार करा
• प्रत्येक गोळ्यांमध्ये तयार सारण भरा
• आता गॅसवर तवा ठेवा आणि दुसरीकडे पराठा लाटायला सुरवात करा
• पराठा लाटून झाला आणि गरम तव्यावर हा पराठा टाका आणि खमंग भाजून घ्या
• पराठ्याच्या दोन्ही बाजूंना तूप किंवा तेल लावायला विसरू नका
• अशाप्रकारे तुमचे ओल्या नारळाचे पराठे अगदी कमी वेळेत बनून तयार होतील