सणाची सुरुवात गोडाने करा, घरी बनवा चवदार गाजराची बर्फी, पारंपरिक रेसिपी नोट करा

हेदेखील वाचा – तूर आणि वालापासून बनवा चमचमीत मसाला खिचडी, अवघ्या 10 मिनिटांतच तयार होईल रेसिपी

साहित्य

• 1/2 किलो किसलेले गाजर
• 1 कप साखर
• 1 कप दुध
• 1/2 कप बारीक रवा
• 1/2 कप मिल्क पावडर
• 1/2 चमचा वेलची पूड
• सुक्यामेव्याचे काप आवडीनुसार
• तूप

कृती

• गाजराची बर्फी बनवण्यासाठी सर्वप्रथम गाजर स्वछ पाण्याने धुवा आणि याची साल काढून घ्या
• यानंतर गाजर नीट किसून घ्या
• आता गॅसवर एक कढई ठेवा आणि यात तूप टाका
• यानंतर या तुपात रवा टाका आणि मंद आचेवर खमंग वास येईपर्यंत परतून घ्या आणि मग एका प्लेटीत काढून घ्या
• आता पुन्हा एक कढई गॅसवर ठेवा आणि यात तूप टाका
• यानंतर यात गाजराचा किस घाला आणि मंद आचेवर परतत रहा, याला छान सात,आठ मिनीटे परतुन छान वाफ येऊ द्या
• आता यामध्ये दूध घालुन, पुर्ण दुध आटेपर्यंत शिजु द्या
• नंतर यात साखर घाला आणि साखर विसरघळली की यात भाजेलेला रवा, मिल्क पावडर घाला आणि मिक्स करा
• मंद आचेवर सर्व साहित्य नीट शिजू द्या, छान एकत्र घट्ट होऊ द्या
• शेवटी यात वेलची पूड घाला आणि नीट एकजीव करा
• आता एका ताटात तूप टाकून ग्रिसींग घ्या आणि यात तयार मिश्रण टाकून नीट पसरवून घ्या
• यांनतर यावर सुक्या मेव्याचे काप पसरवा आणि थंड होण्यासाठी फ्रिजमध्ये ठेवून द्या
• काही तासांनी फ्रिजमधून याला काढा आणि याच्या वड्या पाडून घ्या
• अशाप्रकारे तुमची चवदार गाजराची बर्फी तयार होईल

संबंधित बातम्या