घरी आलेल्या पाहुण्यांसाठी झटपट बनवा कुरकुरीत पोटॅटो फिंगर्स, जाणून घ्या रेसिपी

अचानक घरी आलेल्या पाहुण्यांसाठी एक झटपट आणि स्वादिष्ट अशी रेसिपी शोधत आहात? मग आजची ही कुरकुरीत रेसिपी तुमच्यासाठी एक उत्तम पर्याय आहे. काही मिनिटांतच तयार होणारी ही रेसिपी घरातील सर्वांचेच मन जिंकेल.

बटाटा हा एक असा पदार्थ आहे, जो सर्वानांच खायला फार आवडतो. बटाट्यापासून अनेक पदार्थ बनवले जातात. मुख्य म्हणजे, बटाट्यापासून तयार केलेले प्रत्येक पदार्थ हे चवीला छानच लागतात. आज आम्ही तुमच्यासोबत अशीच एक बटाट्याची चविष्ट रेसिपी शेअर करत आहोत. आजच्या आपल्या रेसिपीचे नाव आहे कुरकुरीत पोटॅटो फिंगर्स. हा पदार्थ तुम्ही अनेकदा फूड कॉर्नर किंवा हॉटेल्समध्ये खाल्ला असावा. मात्र तुम्ही हा पदार्थ घडीदेखील बनवू शकता.

अनेकदा असे होते आपल्या घरी अचानक पाहुणे येतात. अशावेळी त्यांच्यासाठी झटपट आणि चविष्ट असे काय बनवावे असा प्रश्न आपल्या मनात येतो. अशा परिस्थितीत ही रेसिपी तुमच्या फार कामी येणार आहे. चवीला कुरकुरीत आणि चटकेदार असणारी ही रेसिपी घरातील सर्वांचेच मन जिंकेल. जाणून घ्या यासाठी लागणारे साहित्य आणि कृती.

हेदेखील वाचा – भाजी काय बनवावी ते सुचत नाहीये? मग झटपट बनवा दही-कांद्याची रसरशीत भाजी

साहित्य

• 2 उकडलेले बटाटे
•  1/2 चमचा लाल मिरपूड
•  1/2 चमचा मीठ
• 1 चमचा धने पावडर
•  1/2 चमचा गरम मसाला
•  1/2 चमचा ओरिगॅनो
• मिरची
• कॉर्नफ्लोर
• ब्रेड क्रम्स

हेदेखील वाचा – Recipe: कच्च्या पपईची भाजी कधी खाल्ली आहे का? आरोग्यासाठी ठरते फायदेशीर

कृती

• कुरकुरीत पोटॅटो फिंगर्स बनवण्यासाठी सर्वप्रथम बटाटे धुवून कुकरमध्ये उकडून घ्या
• आता हे उकडलेले बटाटे सोलून मॅश करून घ्या
• यानंतर एक भांडे घ्या आणि यात मॅश केलेलं बटाटे टाका
• नंतर यात 1/2 चमचा लाल मिरपूड, 1/2 चमचा मीठ, 1 चमचा धने पावडर, 1/2 चमचा गरम मसाला, 1/2 चमचा
• ओरिगॅनो आणि मिरचीचे तुकडे, हे सर्व मिश्रण चांगले मिसळा आणि त्यात 2-3 चमचे कॉर्नफ्लोर घाला
• सर्व साहित्य व्यवस्थित मिक्स करून एकजीव करा
• आता या तयार मिश्रणाला स्टिकप्रमाणे आकार द्या
• आता एक वाटीत कॉनफ्लोर आणि पाण्याची एक स्लरी तयार करा
• या स्लरीमध्ये हे स्टिक टाका आणि मग ब्रेड क्रम्सने यांना कोट करा
• यानंतर एका कढईत तेल गरम करा आणि या स्टिक चांगल्या तळून घ्या
• मध्यम आचेवर हे पोटॅटो स्टिक्स छान सोनेरी रंग येईपर्यंत तळून घ्या
• तयार पोटॅटो फिंगर्स प्लेटमध्ये सॉससोबत खाण्यासाठी सर्व्ह करा