विसर्जनावेळी बाप्पासाठी बनवा नट्स चॉकलेट मोदक, बाप्पासोबत लहान मुलेही होतील खुश

बाप्पाच्या विसर्जनाची वेळ आता जवळ आली आहे. गणेशोत्सवानिमित्त अनेकांच्या घरी गणेशाचे आगमन होते. गणेश चतुर्थीच्या दिवशी गणेश भक्त बाप्पाच्या मूर्तीची प्रतिष्ठापना करतात आणि अनंत चतुर्दशीच्या दिवशी बाप्पाचा निरोप घेत त्याच्या मूर्तीचे विसर्जन केले जाते. आता या विसर्जनावेळी तुम्हाला बाप्पाच्या प्रसादासाठी काही खास आणि हटके बनवायचे असेल तर आजची ही रेसिपी तुम्ही नक्कीच ट्राय करू शकता.

गणेशोत्सव हा सण सुरु असून आता लवकरच दहा दिवसांच्या गणपतीचे विसर्जन होणार आहे. गणेश चतुर्थीच्या दिवशी गणेश भक्त बाप्पाच्या मूर्तीची प्रतिष्ठापना करतात आणि अनंत चतुर्दशीच्या दिवशी बाप्पाचा निरोप घेत त्याच्या मूर्तीचे विसर्जन केले जाते, काही लोकांच्या घरी बाप्पाचा मुक्काम दहा दिवस असतो तर काही लोकांच्या घरी दीड, पाच किंवा सात दिवस मुक्काम असतो.

हा सण हिंदू धर्मातील पवित्र सणांपैकी एक आहे. या सणानिमित्त लोक बाप्पाची पूजा-अर्चा करत त्याच्या नैवेद्यासाठी नवनवीन पदार्थ तयार करतात. आता बाप्पाचा नैवेद्य म्हटला की,मोदक हे आलेच, बाप्पाला मोदक फार आवडतात अशी मान्यता आहे. त्यानुसार, प्रत्येकजण कधी ना कधी बप्पासाठी मोदक तयार करून त्याला अर्पण करत असतात. मोदक हे अनेक प्रकारे बनवले जातात मात्र तुम्हाला बाप्पाच्या प्रसादासाठी काही हटके करायचे असेल तर तुम्ही नट्स चॉकलेट मोदक तयार करू शकता. हे मोदक बाप्पालाच काय घरातील सर्वांनाच फार आवडतील. जाणून घ्या हे बनवण्यासाठी लागणारे साहित्य आणि कृती.

हेदेखील वाचा – Ganesh Chaturthi 2024: बाप्पाला प्रसन्न करण्यासाठी घरी बनवा पारंपरिक सातूचे लाडू

साहित्य

• 1 कप खवा
• अर्धा कप साखर
• 1 टीस्पून वेलची पूड
• 25 ग्रॅम चॉकलेट कंपाऊंड
• 2 टीस्पून मनुका
• 2 टीस्पून काजू
• 2 टीस्पून बदाम
• तूप

हेदेखील वाचा – Ganesh Chaturthi 2024: बाप्पाच्या प्रसादासाठी बनवा चविष्ट बदाम पोळी

कृती

• नट्स चॉकलेट मोदक बनवण्यास सर्वप्रथम खवा आणि चॉकलेट किसून घ्या
• यानंतर काजू आणि बदामाचे बारीक तुकडे करून घ्या
• नंतर गॅसवर एक कढई ठेवून त्यात तूप टाका आणि हे काजू-बदामाचे तुकडे यात छान तळून घ्या
• तळल्यानंतर यात चॉकलेट, साखर आणि वेलची पूड घाला आणि मिक्स करा
• सर्वकाही नीट एकजीव झाल्यानंतर मिश्रण थंड करून घ्या
• मिश्रण थंड झाले की हाताने हे मॅश करून घ्या
• आता तयार मिश्रणाचे साच्याच्या साहाय्याने मोदक तयार करा
• मोदकाच्या स्वरूपात चमक हवी असेल तर आधी साच्याला तूपाने ग्रीस करा
• जर तुम्ही साखर टाळत असाल तर तुम्ही त्यात गूळ किंवा खजूर घालू शकता
• अशाप्रकारे तुमचे नट्स चॉकलेट मोदक अगदी काही मिनिटांतच तयार होतील