Ganesh Chaturthi 2024: बाप्पाच्या प्रसादासाठी बनवा चविष्ट बदाम पोळी

बाप्पाच्या प्रसादासाठी काही हटके बनवण्याचा विचार करत आहात? मग आजची ही खास रेसिपी तुमच्यासाठी परफेक्ट ठरणार आहे. आज आम्ही तुम्हाला निवडक साहित्यांपासून चविष्ट अशी बदाम पोळी कशी तयार करायची याची एक सोपी रेसिपी सांगत आहोत. ही बदाम पोळी चवीला फार अप्रतिम लागते आणि कमी वेळेत बनून तयार होते.

Follow Us:

Follow Us:

गणेशोत्सव सण सध्या मोठ्या उत्साहात साजरा केला जात आहे. गणेशोत्सव हा सण जल्लोशाचे,चैतन्याचे आणि ऊत्साहाचे प्रतीक आहे. हिंदू धर्मातील पवित्र सणांपैकी गणेशोत्सव एक आहे. या सणानिमित्त भगवान गणपती पृथ्वीवर अवतरतात अशी मान्यता आहे. याकाळात बाप्पाची पूजा-अर्चा करत त्याला प्रसाद अर्पण केला जातो.

यानिमीत्तच आज आम्ही तुमच्यासाठी एक खास आणि अनोखी अशी रेसिपी घेऊन आलो आहोत. तुम्हाला बाप्पाच्या प्रसादासाठी काही हटके बनवायचे असल्यास तुम्ही आजची रेसिपी ट्राय करू शकता. या पदार्थाचे नाव आहे बदाम पोळी. ही पोळी बाप्पाच्या प्रसादाची रंगत वाढवेल . तसेच हिला बनवणे फार काही कठीण नाही, तुम्ही अगदी सहज आणि झटपट हा पदार्थ तयार करू शकता. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा –

साहित्य

• बदाम 1 वाटी
• पाऊण वाटी साखर
• तूप अर्धा मोठा चमचा
• वेलची 10 ग्रॅम
• केशराच्या थोड्या काड्या
• मैदा २ वाटी
• मीठ चवीपुरते
• पाणी

कृती

• बदाम पोळी बनवण्यासाठी सर्वप्रथम दुधात बदाम 1-2 तास भिजत ठेवा
• मग हे बदाम वाटून घ्या
• वाटलेल्या बदामात साखर, केशर, वेलची पूड टाकून सर्व साहित्य नीट एकजीव करा
• यानंतर गॅसवर पॅन ठेवा आणि यात तूप टाका
• तूप गरम झाल्यावर त्यात बदाम-साखरेचे मिश्रण ओता. त्याचा गोळा होईपर्यंत मंद आचेवर ढवळत रहा
• याचा गोळा तयार झाल्यावर मिश्रण थंड होऊ द्या
• दुसरीकडे मैद्यामध्ये चिमूटभर मीठ घालून व्यवस्थित पीठ मळून घ्या
• आता तयार मैद्याचे पिठाचे गोळे तयार करा
• बदामाच्या मिश्रणाचेही गोळे तयार करा
• आता मैद्याच्या गोळ्यात बदलांच्या मिश्रणाचा गोळा घालून याची छान पोळी लाटून घ्या
• यानंतर गॅसवर एक पॅन ठेवा आणि या पॅनवर तयार पोळी छान खरपूस भाजून घ्या
• पोळीला भाजताना याच्या दोन्ही बाजूंना तूप लावायला विसरू नका
• अशाप्रकारे तुमची बदाम पोळी काही क्षणातच तयार होईल

Web Title: Ganesh chaturthi recipe of delicious badam poli for bappas prasad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com