Independence Day Recipe: हटक्या पद्धतीने साजरा करा स्वातंत्र्यदिन! घरी बनवा चविष्ट ‘तिरंगा डोसा’

भारताचा ऐतिहासक दिन अवघ्या काही दिवसांवर येऊन ठेपला आहे. हा दिवस संपूर्ण भारतात मोठ्या थाटामाटात आणि उत्साहात साजरा केला जातो. या दिवसाला आणखीन खास करण्यासाठी आजची ही खास रेसिपी 15 ऑगस्टला नक्की ट्राय करा. या हटके रेसिपीने तुम्ही घरातील सर्वांचे मन जिंकू शकता.

भारताचा स्वातंत्र्यदिन अवघ्या काही दिवसांवर येऊन ठेपला आहे. या दिवसाची जंगल तयारी अखेर सुरु झाली आहे. या दिनानिमित्त देशभर सांस्कृतिक कार्यक्रमांचे आयोजन केले जाते. तसेच एकमेकांना शुभेच्छा देत हा दिवस उत्साहात साजरा केला जातो. 15 ऑगस्ट हा दिवस भारतात स्वातंत्र्यदिन म्हणून साजरा केला जातो, याच दिवशी भारताची ब्रिटीशांच्या तावडीतून सुटका झाली होती. हा दिवस भारतीय इतिहासातील एक ऐतिहासिक दिवस म्हणून ओळखला जातो.

या खास दिनानिमित्त तुम्हीही काही नवीन आणि हटके करायला विचार करत असाल, तर आजची ही बातमी तुमच्यासाठी फायद्याची ठरणार आहे. आज आम्ही तुमच्यासोबत या खास दिनानिमित्त एक युनिक आणि चविष्ट अशी ‘तिरंगा डोसा’ या पदार्थाची रेसिपी शेअर करत आहोत. ही रेसिपी हटके असण्याचे कारण म्हणजे यात आपण भारतीय ध्वजातील रंगाचा वापर करून याला बनवणार आहोत.

मुख्य म्हणजे हे रंग आपण नैसगिरक पद्धतीने तयार करणार आहोत. भारतीय ध्वजाप्रमाणे दिसणार हा डोसा चवीलाही अप्रतीम लागतो. या रेसिपीने तुम्ही घरच्या सदस्याने मन जिंकू शकता. या रेसिपीचा व्हिडिओ @Niti’s Cooking नावाच्या युट्युब चॅनेलवर शेअर करण्यात आला आहे. जाणून घ्या यासाठी लागणारे साहित्य आणि कृती.

हेदेखील वाचा – lndependence Day 2024: यावर्षीचा स्वातंत्र्यदिन हटक्या पद्धतीने साजरा करा, घरी बनवा तिरंगा बर्फी

साहित्य

• तीन कप तांदूळ
• एक वाटी उडीद डाळ
• एक चमचा मेथी दाणे
• गाजर
• कोथिंबीर
• मीठ
• पाणी

कृती

• तिरंगा डोसा बनवण्यासाठी सर्वप्रथम तांदूळ, उडीद डाळ आणि मेथी दाणे एकत्रित करून पाण्याने धुवून घ्या
• त्यानंतर स्वच्छ पाण्यात एकत्रित केलेले तांदूळ, उडीद डाळ आणि मेथी दाणे सहा तासांसाठी भिजत ठेवा
• सहा तासांनंतर हे मिश्रण मिक्सरमधून बारीक वाटून घ्या
• याची तयार पेस्ट रात्रभर झाकून ठेवा. असे केल्याने सकाळी हे पीठ फुगेल आणि याचे छान जाळीदार डोसे बनतील
• आता काही गाजर स्वछ पाण्याने धुवून त्यांची पेस्ट तयार करून घ्या
• यानंतर कोथिंबीर पाण्याने धुवून तिचीही मिक्सरमध्ये पेस्ट तयार करून घ्या
• आता तुमच्याकडे पांढरा, केशरी आणि हिरवा असे तिन्ही रंग तयार आहेत
• या मिश्रणामध्ये पाणी टाकून याची छान पेस्ट तयार करा
• आता कमी आचेवर तवा गरम करत ठेवा
• तवा गरम झाला की सुरुवातीला केशरी रंगाची पेस्ट यावर पसरवा, त्यानंतर याच्या कडेला पांढरी आणि मग हिरवी अशी क्रमाने पेस्ट टाकत तुमचा डोसा तयार करा
• हा डोसा दोन्ही बाजूंनी खरपूस भाजून घ्या
• अशाप्रकारे तुमचा तिरंगा डोसा तयार होईल
• हा डोसा नारळाची चटणी किंवा सांबारसोबत खाण्यासाठी सर्व्ह करा