शनिदेवांना अत्यंत प्रिय आहे ‘हे’ फळ! लगेच बनवा यापासून प्रसादाचा शिरा, आरोग्यसाठी आहे फायदेशीर

आज आम्ही तुम्हाला ज्या फळाविषयी सांगत आहोत, हे फळ शनिदेवाला आणि महादेवाला अत्यंत प्रिय आहे. यांपासून प्रसाद तयार करून देवाला दाखवल्यास तुमच्यावर सदैव देवाची कृपा राहील आणि तुमची भरभराट होईल. वाचा रेसिपी.

आज शनिवार, हा दिवस शनिदेवाला समर्पित केला जातो. पौराणिक मान्यतेनुसार, धर्मराज म्हणून शनिदेवांना ओळखले जाते. शनिवारच्या दिवशी शनिदेवांना प्रसन्न करण्यासाठी अनेकजण पूजा-अर्चा करत असतात. या दिवशी कोणी पूजा करतं, कोणी अन्नदान करतं तर कोणी प्रसाद बनवून शनिदेवाला प्रसन्न करण्याचा प्रयत्न करतं. आज आम्ही तुम्हाला शनिदेवांना अत्यंत प्रिय असणाऱ्या एका फळाविषयी सांगत आहोत. हे फळं फार गुणकारी असून यापासून तुम्ही प्रसादाचा शिरा बनवू शकता. हा प्रसाद तुम्ही शनिदेवाला दाखवल्यास तुमच्यावर सदैव त्यांची कृपा राहील. या फळाचे नाव आहे बेलफळ. हे फळ आरोग्यासाठी फार फायदेशीर असते. चला तर जाणून घेऊयात यापासून बनवल्या जाणाऱ्या शिऱ्याची खास रेसिपी.

बेलफळाचे फायदे

• शनिदेवाप्रमाणेच बेलफळ हे भगवान महादेवांचेही अत्यंत प्रिय फळ आहे
• हे फळ खाल्याने अनेक आरोग्यदायी फायदे मिळतात
• बेलफळ खाल्ल्याने अपचन आणि अतिउष्णता सारख्या समस्यांपासून आराम मिळतो
• या फळापासून तुम्ही अनेक पदार्थ बनवू शकता

साहित्य

• एक कप बेलफळाचा लगदा
• एक कप साखर
• अर्धा कप तूप
• अर्धा कप दूध
• अर्धा कप चिरलेला काजू
• 1/4 टीस्पून वेलची पावडर
• एक चिमूटभर केशर

कृती

• बेलफळाचा शिरा तयार करण्यासाठी सर्वप्रथम बेलफळ फोडून त्याची साल आणि बिया काढून टाका
• आता याचा लगदा स्वछ करा आणि नंतर मॅश करा
• ब्लेंडरच्या मदतीने याला गुळगुळीत करा
• आता गॅसवर कढई ठेवा आणि यात तूप घाला
• यांनतर यात बेलफळाची पेस्ट घाला आणि मिक्स करून मंद आचेवर शिजू द्या
• बेलफळाचा लगदा छान शिजला की यात साखर आणि दूध टाका आणि मिक्स करा
• सर्वकाही नीट शिजल्यानांतर यात नारळाची पावडर, वेलची पावडर आणि ड्रायफ्रुटसचे बारीक तुकडे घाला आणि पुन्हा सर्वकाही नीट मिक्स करा
• यांनतर गॅस बंद करा आणि तयार बेलफळाचा शिरा देवाला अर्पित करा