एक थेंबही तेल न वापरता बनवा परफेक्ट भटुरे, वेट लॉससाठी उत्तम रेसिपी

जे लोक वजन कमी करण्यसाठी डाएट करत आहेत किंवा ज्यांना क्तदाब आणि हृदयरोगासारख्या समस्या आहेत अशा लोकांना पुरी, भटुरा सारखे पदार्थ खाण्यासाठी मनाई केले जाते. मात्र तुम्हालाही जर छोले भटुरे खाण्याची इच्छा होत असेल तर आम्ही तुम्हाला सांगतो की, तुम्ही तेलाशिवायदेखील भटुरे तयार करू शकता. बनवण्याची योग्य पद्धत जाणून घ्या.

छोले भटुरे या खाद्यपदार्थाविषयी तुम्ही नक्कीच ऐकले असेल. हा एक लोकप्रिय स्ट्रीट फूड आहे. दिल्लीत या पदार्थाची लोकप्रियता फार आहे. स्ट्रीट फूड खायला कोणाला आवडत नाही. मात्र अधिकतर स्ट्रीट फूड हे अनहेल्दी असल्याकारणाने त्याचे सेवन आरोग्यासाठी हानिकारक ठरते. आता छोले भटुरे हा पदार्थदेखील चवीला छान लागत असला तरी यात भरपूर प्रमाणात फॅट असते ज्यामुळे आपले वजन वाढू शकते.

छोले भटुरेमधील भटुरे हे तेलात टाळले जातात ज्यामुळे यात भरपूर तेल असते. अधिक ते आपल्या आरोग्यासाठी अजिबात चांगले नाही. अनेकजण आपल्या आरोग्याकडे लक्ष देत अशा पदार्थाचे सेवन करणे बंद करतात. मात्र मनात असे पदार्थ खाण्याची इच्छा येत असते. अशात तुम्ही यांचा एक हेल्दी पर्याय निवडू शकता. आम्ही तुम्हाला सांगतो की, घरी तुम्ही एक थेंब तेलाचा वापर न करता परफेक्ट भटुरे तयार करू शकता. यासाठी काय करावे लागेल ते जाणून घ्या.

हेदेखील वाचा – Quick Recipe: सकाळच्या नाश्त्यासाठी पोह्या बटाट्यापासून बनवा खंमग थालीपीठ

हेदेखील वाचा – भाजीत तेल जास्त झालं? मग चिंता सोडा आणि या घरगुती टिप्सचा वापर करा

तेलाशिवाय भटुरे बनवण्यासाठी या ट्रिकचा वापर करा

• तेलाशिवाय भटुरे तयार करण्यासाठी तुम्हाला फार काही करण्याची गरज नाही. यासाठी तुम्हाला फक्त दोन स्टेप्स फॉलो कराव्या लागतील
• यासाठी प्रथम मैद्याचे पीठ घेऊन त्यात मीठ आणि हलके तेल टाकून मिक्स करा
• आता गरजेनुसार पाणी टाकत याचे कणिक मळून घ्या
• आता तयार पिठाचे गोळे तयार करून भटुरे लाटून घ्या
• आता स्टीमरमध्ये पाणी गरम करा. तुमच्याकडे स्टीमर नसल्यास, पॅनमध्ये पाणी गरम करा आणि त्यावर छिद्रे असलेले प्लेट किंवा कापड बांधा
• आता झाकण ठेवून वाफेवर काहीवेळ भटुरा शिजवा
• एका वेळी दोन ते तीन भटुरे सहज शिजतील आणि शिजायला फक्त दोन मिनिटे लागतील
• हे भटुरे नीट शिजले की यांना ताटात काढून घ्या
• आता गॅसवर तवा ठेवा आणि तवा गरम झाला की यावर वाफवलेले भटुरे शेकून घ्या
• तुम्हाला हवे असल्यास तुम्ही एअर फ्रायर किंवा मायक्रोवेव्हमध्येही भटुरे भाजून काढू शकता
• अशाप्रकारे तुम्ही तेलाशिवाय भटुरे तयार करू शकता