हॉटेल सारखा कुरकुरीत पेपर डोसा आता घरीच बनवा, त्वरित रेसिपी नोट करा

डोसा हा दक्षिण भारताचा एक प्रसिद्ध पदार्थ आहे. हा एक नाश्त्याला प्रकार आहे. याचाच एक फेमस प्रकार म्हणजे पेपर डोसा. चवीला कुरकुरीत लागणारा हा पेपर डोसा तुम्ही आजवर अनेक हॉटेल्समध्ये खाल्ला असेल मात्र तुम्हाला माहिती आहे का? हा पेपर डोसा तुम्ही आता घरीदेखील बनवू शकता. आजची ही सोपी रेसिपी परफेक्ट पेपर डोसा बनवायला तुमची मदत करेल.

नाश्ता म्हटलं की, साऊथ इंडियन पदार्थ एक उत्तम पर्याय ठरतात. इडली, डोसा, मेदू वडा नाश्त्याचे असे कितीतरी प्रकार देशभरात प्रसिद्ध आहेत. यातीलच एक म्हणजे डोसा. डोसा हा पदार्थ आतापर्यंत अनेकांना खाल्ला असेल. बदलत्या काळानुसार डोसाचे अनेक वेगवगेळे प्रकार आले आहेत. जसे की, सादा डोसा, मसाला डोसा, मैसूर डोसा आणि यातीलच एक म्हणजे पेपर डोसा.

क्रिमी नारळाच्या चटणीसोबत कुरकुरीत पेपर डोसा चवीला फार अप्रतिम लागतो. अनेक हॉटेल्स मध्ये हा पेपर डोसा बनवला हा पदार्थ विशेषतः आपल्या मेन्यूमध्ये ठेवला जातो, कारण अनेकांना याची क्रिस्पी चव फार आवडते. तुम्हालाही पेपर डोसा खायला आवडत असेल तर आम्ही तुम्हाला सांगतो की, हा पदार्थआता तुम्ही घरीदेखील अगदी सहज आणि सोप्या पद्धतीने बनवू शकता. सकाळच्या नाश्त्यासाठी हा एक उत्तम पर्याय ठरेल. हॉटेल सारखा कुरकुरीत पेपर डोसा बनवण्यासाठी तुम्ही आजची ही रेसिपी फॉलो करू शकता. जाणून घ्या यासाठी लागणारे साहित्य आणि कृती.

हेदेखील वाचा – मैद्याचे नूडल्स खाणे सोडा, लहान मुलांसाठी घरीच तयार करा पौष्टिक बटाट्याचे नूडल्स

साहित्य

• 3 कप भिजवलेले तांदूळ
• 1 कप भिजवलेली उडीद डाळ
• 1 चमचा मेथी दाणे
• चवीनुसार मीठ
• आवश्यकतेनुसार तेल

हेदेखील वाचा – हॉटेल सारखी मसालेदार दाल खिचडी आता घरीच बनवा, चव अशी की सर्वजण बोट चाटत राहतील

कृती

• कुरकुरीत पेपर डोसा बनवण्यासाठी सर्वप्रथम पाण्यातून भिजवलेली डाळ आणि तांदूळ काढा
• उडीद डाळीला मेथी दाण्यांसह मिक्सरमध्ये बारीक करून घ्या
• अशाच प्रकारे तांदूळदेखील मिक्सरच्या भांड्यात टाकून याची पेस्ट तयार करा
• हे मिश्रण आपल्याला घट्ट तयार कारायचे आहे त्यामुळे बारीक करताना यात फार पाणी टाकू नका
• तांदूळ आणि उडदाची पेस्ट एकत्र करून एका भांड्यात ठेवा
• तयार मिश्रणाला आंबवण्यासाठी मीठ घालून 12-14 तास झाकण ठेवून बाजूला ठेवून द्या, असे केल्याने पीठ फुगते आणि आपला डोसा छान बनतो
• मिश्रण खूपच घट्ट वाटतं असल्यास तुम्ही यात हलके पाणी घालू शकता
• आता गॅसवर एक नॉनस्टिक तवा ठेवा आणि तवा गरम झाला की यावर हलके तेल पसरवा
• आता तयार पिठाचे यावर डोसे बनवून घ्या
• यासाठी मध्यभागी डोसाचे तयार पीठ टाकून चमच्याच्या साहाय्याने जमेल तितके पातळ करत पसरवा
• डोसाच्या आजूबाजूला थोडे तेल पसरवा आणि काही मिनिटे डोसा शिजवून घ्या
• याच्या खालचा पृष्ठभाग तपकिरी झाला की समजा तुमचा डोसा शिजला
• आता हा डोसा एका प्लेटमध्ये काढून नारळाची चटणी किंवा सांबारसोबत खाण्यासाठी सर्व्ह करा