आता घरीच बनवा KFC स्टाइल चिकन, नोट करा रेसिपी

तुम्हालाही KFC चिकन खायला आवडत असले तर आजची ही रेसिपी तुमच्यासाठी उपयुक्त ठरणार आहे. तुमच्या आवडीचे KFC स्टाइल फ्राईड चिकन आता तुम्ही घरीच बनवू शकता. फार कमी वेळेत ही रेसिपी बनून तयार होते. या रेसिपीने तुम्ही घरातील सर्वांना खुश करू शकता. विकेंडसाठी ही एक पवरफेक्ट रेसिपी आहे.

नॉनव्हेज खवय्यांसाठी चिकन म्हणजे एक पर्वणीच! चिकणापासून अनेक वेगवगेळे पदार्थ बनवले जातात. यातीलच एक म्हणजे, क्रिस्पी चिकन. त्यातही KFC’चे चिकन कोणाला आवडत नाही. लहानांपासून मोठ्यांपर्यंत सर्वांनाच केएफसी फ्राईड चिकन खायला फार आवडते. आतून ज्युसी आणि बाहेरून कुरकुरीत असे केएफसीचे फ्राईड चिकन चवीला अप्रतीम लागते.

मात्र केएफसीचे हे फ्राईड चिकन फार महाग मिळते. तसेच अनेकांना हे विकत घेणे परवडत नाही अशात तुम्ही हे फ्राईड चिकन घरीच तयार करू शकता. आजच्या या रेसिपीने तुम्ही घरीच केएफसी फ्राईड चिकन अवघ्या काही मिनिटांतच तयार करू शकता. विकेंडसाठी ही एक परफेक्ट रेसिपी आहे. जाणून घ्या यासाठी लागणारे साहित्य आणि कृती.

हेदेखील वाचा – Navratri Recipe: खिचडी सोडा आता उपवासाला बनवा साबुदाणा कटोरी चाट, व्हिडिओतून जाणून घ्या रेसिपी

साहित्य

• अर्धा किलो चिकन ड्रमस्टिक्स
• एक लिंबू
• मोठा चमचा आलं लसूण पेस्ट/ लसूण पावडर
• मोठा चमचा लाल तिखट
• अर्धा चमचा हळद
• अर्धा चमचा जिरे, धणे पावडर
• मीठ चवीनुसार

आवरणासाठी

• एक वाटी मैदा
• एक चमचा लसूण पावडर
• एक चमचा चिली फ्लॅक्स
• एक मोठा चमचा कॉर्नफ्लोअर
• मीठ चवीनुसार
• तेल तळण्यासाठी

हेदेखील वाचा – Navratri Recipe: उपवासात काही खास खायचे आहे? मग चविष्ट साबुदाणा चीला बनवून पहा

कृती

• केएफसी फ्राईड चिकन बनवण्यासाठी सर्वप्रथम चिकन धुवून एका भांड्यात काढून घ्या
• आता यात वर दिलेले सर्व साहित्य टाकून चिकन मॅरीनेट करा
• हे चिकन साधारण 5-6 तास मॅरीनेट करा
• आता याचे आवरण तयार करण्यासाठी एका भांड्यात मैदा, कॉर्नफ्लोअर, लसूण पावडर, चिली फ्लॅक्स, मीठ आणि पाणी टाकून याचे भाज्यांचे पिठाप्रमाणे हे भिजवत ठेवा
• यानंतर गॅसवर कढई ठेवून त्यात तेल गरम टाका
• आता मॅरीनेट केलेले पिठाच्या आवरणात बुडवा आणि तेलात सोडा
• चिकन मध्यम आचेवर छान कुरकुरीत होईपर्यंत टाळा आणि मग प्लेटीत काढा
• अशाप्रकारे तुमचे केएफसी फ्राईड चिकन घरीच तयार होईल
• तुमच्या आवडीच्या डीपसोबत हे चिकन खाण्यासाठी सर्व्ह करा