जेवणाला द्या राजस्थानी तडका, घरी बनवा रसरशीत गट्ट्याची भाजी; याची चव चिकन करीलाही सोडेल मागे

रात्रीच्या जेवणाला काही चटपटीत खायची इच्छा होत असेल तर ही राजस्थानची रेसिपी नक्की ट्राय करा. याची मसालेदार चव तुमच्या जेवणाची रंगत आणखीन वाढवेल. बेसन आणि काही मसाल्यांच्या मदतीने चमचमीत गट्ट्याची भाजी बनवली जाते.

राजस्थानी जेवण जितके मसालेदार आहे तितकेच ते चवीलाही अप्रतिम आहे. तुम्ही सर्वांनी लसणाच्या चटणीसोबत पापडाची भाजी खाल्ली असेल, पण राजस्थानी गट्ट्याची भाजी कधी खाल्ली आहे का? बनवायला खूप सोपी आहे आणि खायला पण खूप चविष्ट आहे. जर तुम्ही वीकेंडसाठी काही सोप्या रेसिपी शोधत असाल तर काळजी करण्याची गरज नाही. आज आम्ही तुमच्यासाठी एक सोपी राजस्थानी गट्टे की सब्जीची रेसिपी घेऊन आलो आहोत.

ही भाजी बेसन आणि काही भारतीय मसाल्यांपासून तयार केली जाते. चवीला ही भाजी फारच अप्रतिम आणि मसालेदार लागते. त्याच त्याच नेहमीच्या भाज्या खाऊन कंटाळा आला असेल तर ही रेसिपी एकदा नक्कीच ट्राय करा. याची चव नॉनव्हेजप्रेमींनाही याच्या प्रेमात पाडेल. चला तर मग जाणून घेऊया यासाठी लागणारे साहित्य आणि कृती.

हलवा सोडा यावेळी गाजरापासून बनवा चविष्ट आणि थंडगार रायता; 5 मिनिटांतच तयार होईल रेसिपी

साहित्य

• 1.5 कप बेसन
• 1 टीस्पून ओवा
• 1 टीस्पून कसुरी मेथी
• 1 टीस्पून हळद
• 1.5 टीस्पून काश्मिरी लाल मिरची पावडर
• 1 टीस्पून भाजलेले जिरे पावडर
• चमचे दही
• तेल
• 2 तमालपत्र
• 2-3 लवंगा
• 1 काळी वेलची
• 2-3 हिरव्या वेलची
• आले, लसूण आणि हिरवी मिरची
• कांदा
• टोमॅटो प्युरी
• धणे पावडर
• मिरची पावडर
• गरम मसाला
• कोथिंबीर
• हिंग
• मीठ

घरी बनवा रेस्टॉरंट स्टाईल नवाबी पनीर; चव चाखताच बोटं चाटत राहाल, घरचेही होतील खुश

कृती

• यासाठी सर्वप्रथम एका भांड्यात बेसन घ्या
• यानंतर यात ओवा, हिंग, मीठ, हळद, काश्मिरी तिखट, भाजलेले जिरे आणि कुसरी मेथी, आणि तेल एकत्र करून गुळगुळीत पीठ तयार करा
• पाणी घालून पिठाचा गोळा तयार करा
• तयार पिठाचा गोळ्याला लांब स्टिकप्रमाणे आकार द्या आणि 15-20 मिनिटे वाफवून घ्या
• आता करी तयार करण्यासाठी कढईत तेल गरम करा. त्यात तमालपत्र, लवंगा, काळी वेलची आणि हिरवी वेलची घाला
• यानंतर यात चिरलेला कांदा घाला आणि चांगला शिजवून घ्या
• कांदा शिजला की मग यात आले-लसूण-मिरची पेस्ट घाला आणि परता
• यानंतर यात टोमॅटो प्युरी घाला
• मग यात धणे, तिखट, गरम मसाला आणि हळद-मीठ घाला आणि मसाले छान शिजवून घ्या
• शेवटी यात दही टाका आणि प्युरी बनवा
• तयार वाफवलेला गट्ट्याचे काप करा आणि भाजीत टाका
• आता यात आवश्यकतेनुसार पाणी घाल आणि 10-20 मिनिटे भाजी शिजू द्या
• शेवटी यात चिरलेली कोथिंबीर घाला आणि भाजी खाण्यासाठी सर्व्ह करा