Soya Pulao Recipe: रात्रीच्या जेवणासाठी घरी बनवा गरमा गरम सोया पुलाव; नोट करा सोपी रेसिपी

खव्वयांसाठी आज आम्ही एक चविष्ट रेसिपी घेऊन आलो आहोत. आजच्या आपल्या रेसिपीचे नाव आहे सोया पुलाव. या थंड वातावरणात गरमा गरम सोया पुलाव तुमच्या जेवणाची रंगत आणखीन वाढवेल.

सोयाबीन आपल्या शरीरासाठी फार फायद्याचे ठरत असतात. यात प्रथिने, जीवनसत्त्वे आणि फायबरचे प्रमाण भरपूर असते. सोयाबीनपासून अनेक वेगवेगळे पदार्थ बनवले जाऊया शकतात. मात्र बऱ्याच जणांना याची भाजी फारशी आवडत नाही, अशावेळी आम्ही तुम्हाला सांगतो की, तुम्ही याचा पुलाव ट्राय करायला हवा. सोयाबीन पुलाव चवीला फार अप्रतिम लागतो शिवाय त्याला बनवायला फार वेळही लागत नाही.

थंडीचे वातावरण हलके कमी झाले असली तरी याचा गारवा अजूनही जाणवतो. अशात अशा या वातावरणात रात्रीच्या जेवणासाठी तुम्ही सोयाबीनचा चविष्ट असा पुलाव तयार करू शकता. हा पुलाव चवीला तर छान लागतोच शिवाय तुमच्या आरोग्यासाठीही फायद्याचा ठरतो. तुम्ही घरात उपलब्ध असलेल्या काही निवडक साहित्यांपासून हा पुलाव तयार करू शकता. गार वातावरण त्यात गरमा गरम सोया पुलाव आणि त्यावर हलकीशी तुपाची धार… वाह, विचार करूनच खायची इच्छा होईल. चला तर मग अजिबात वेळ न घालवता यासाठी लागणारे साहित्य आणि कृती जाणून घेऊया.

Raw Banana Chutney: कच्च्या केळीपासून बनवा चविष्ट अन् पौष्टिक चटणी; चव अशी बोटं चाटत रहाल

साहित्य

• 1/2 किलो तांदूळ
• दीडशे ग्रॅम सोयबिन वडी
• 2 कांदे
• 2 टोमॅटो
• 3 चमचे आल लसूण मिरची पेस्ट
• 3 पळी तेल
• 1 चमचा जीरे
• 1 चमचा राई
• 1/2 चमचा हिंग
• 3 चमचे मसाला
• 2 चमचे हळद
• 2 चमचे गरम मसाला
• चवी प्रमाणे मीठ
• भरपूर कोथिंबीर
• आखा खडा मसाला

Oats Omelet: वजन कमी करायचंय? मग सकाळच्या नाश्त्याला झटपट बनवा ओट्स ऑम्लेट

कृती

• सोया पुलाव बनवण्यासाठी सर्वप्रथम सोयाबीन काही मिनिटे पाण्यात भिजवून ठेवा
• यानंतर तांदूळ पाण्याचे स्वछ धुवून घ्या
• आता गॅसवर एक कुकर ठेवून त्यात तेल टाका, तेल गरम झाले की त्यात खडे मसाले आणि ठेचलेला लसूण घालून परता
• नंतर त्यात काजू, टोमॅटो,कांदा, आलं लसूण मिरची पेस्ट फोडणीला घालून चांगले परतून घ्यावे व नंतर हळद,मसाला, गरम मसाला घालून सर्व एकजीव करा
• सर्व साहित्य काही सेकंद शिजवा आणि मग त्यात भिजवलेले सोयाबीन घाला
• यांनतर त्यात धुतलेले तांदूळ आणि योग्य प्रमाणात पाणी घाला
• वरून मीठ आणि चिरलेली कोथिंबीर घालून मिक्स करा आणि कुकर बंद करा
• कुकरला साधारण दोन ते तीन शिट्ट्या घ्या आणि मग गॅस बंद करा
• कुकरची हवा निघून गेली की मग कुकर उघडा आणि गरमा गरम पुलाव खाण्यासाठी सर्व्ह करा
• तुम्ही हा पुलाव रायता अथवा लोणच्यासह खाणयासाठी सर्व्ह करू शकता, याने चव आणखीन द्विगुणित होईल