Moong Dal Chila Recipe: अनेक आजारांवर फायदेशीर ठरतो मूग डाळीचा चिला, कसा बनवायचा ते जाणून घ्या

प्रथिने आणि फायबरने समृद्ध मूग डाळीचा चिला चवीला जितका अप्रतिम लागतो तितकाच तो आरोग्यासाठी फायदेशीर ठरतो. वजन कमी करण्यासाठी याचे सेवन फार उपयुक्त ठरू शकते. याची सोपी रेसिपी जाणून घ्या.

सध्या हिवाळ्याचा ऋतू सुरु आहे. या ऋतूत अनेक आजार हातात निमंत्रण घेऊनच उभे असतात. आपण जे काही खातो त्याचा थेट परिणाम आपल्या आरोग्यावर होत असतो अशात आज आम्ही तुम्हाला अशी एक सोपी आणि हेल्दी रेसिपी सांगत आहोत ज्याच्या मदतीने तुम्ही अनेक आजारांना दूर पळवू शकता. ही रेसिपी म्हणजे हिरव्या मूग डाळीचा चिला. नाश्त्यासाठी ही एक परफेक्ट रेसिपी आहे. सकाळच्या घाईगडबडीच्या वेळी तुम्ही ही रेसिपी ट्राय करू शकता.

जर तुम्हाला नाश्त्यात काही आरोग्यदायी आणि चविष्ट खायचे असेल तर तुम्ही मूग डाळ चीला बनवून खाऊ शकता. हिरवा मूग डाळ चीला हा प्रथिनेयुक्त नाश्ता आहे. मूग डाळ चीला हा एक अतिशय आरोग्यदायी नाश्ता आहे. यामध्ये भरपूर फायबर असते. तुम्ही तुमच्या नाश्त्याच्या यादीत हा नाश्ता जरूर समाविष्ट करा. मूग डाळ चीला देखील आरोग्यासाठी फायदेशीर मानला जातो. मूग डाळीमध्ये प्रोटीन, व्हिटॅमिन बी-6, व्हिटॅमिन सी, फायबर, कॉपर, फोलेट, रिबोफ्लेविन यांसारखे पोषक घटक आढळतात. मूग डाळीमध्ये पोटॅशियम, फॉस्फरस, मॅग्नेशियम आणि लोह भरपूर प्रमाणात असते. मूग डाळ खाणे अनेक रोगांवर फायदेशीर मानले जाते. चला तर मग जाणून घेऊयात हा चिला बनवण्यासाठी लागणारे साहित्य आणि कृती.

नवी कोरी रेसिपी! एकदा तरी घरी बनवून पहा अफगानी पनीर, चव अशी की सर्वजण बोटं चाटत राहतील

साहित्य

• मूग डाळ
• हिरवी मिरची
• लसूण पाकळ्या
• आल्याचा तुकडा
• जिरे
• तेल
• मीठ
• कोथिंबीर

Besan Pakoda Subji: यापुढे मटण-चिकनही होईल फेल, एकदा तरी घरी ही व्हेज भाजी बनवून पहा

कृती

• मूग डाळीचा चिला बनवण्यासाठी सर्वप्रथम यासाठी एक कप मूग डाळ रात्रभर पाण्यात भिजत ठेवा, तुम्ही 3-4 तास भिजवून देखील ठेवू शकता
• आता ही डाळ स्वच्छ पाण्याने धुवा आणि नंतर मिक्सरमध्ये वाटून घ्या
• मिक्सरमध्ये डाळी बारीक करताना त्यात एक हिरवी मिरची, दोन पाकळ्या लसूण, एक इंच आल्याचा तुकडा आणि जिरे घालून बारीक करून घ्या
• तयार गुळगुळीत पेस्ट एका वाडग्यात काढा
• आता यात चिरलेली कोथिंबीर आणि चवीनुसार मीठ घालून साहित्यात व्यवस्थित मिक्स करा
• चिला तयार करण्यासाठीचे मिश्रण तयार आहे
• यांनतर गॅसवर एक तवा ठेवा, ताव तापला की त्यावर तेल पसरवा
• तयार मिश्रण तव्यावर ओता आणि चमच्याने हलके पसरवून याला चिल्याचा आकार द्या
• हा चिला दोन्ही बाजूंनी छान खरपूस भाजून घ्या
• आता तयार चिला एका प्लेटमध्ये काढून घ्या
• हा गरमा गरम चिला हिरवी चटणी अथवा सॉससह खाण्यासाठी सर्व्ह करा
• तुम्हाला हवे असल्यास तुम्ही यात पनीर अथवा तुमच्या आवडीच्या भाज्यादेखील घालू शकता