Navratri Recipe: खिचडी खाऊन कंटाळलात? मग झटपट बनवा उपवासाची भाकरी

नवरात्रीचा उत्सव सुरु झाला आहे. या सणानिमित्त अनेकजण उपवास-व्रत करत असतात. उपवासात अनेक पदार्थ खाणे वर्ज्य असते. तुम्हीही तेच तेच उपवासाचे पदार्थ खाऊन कंटाळला असाल आणि तुम्हालाही काही नवीन बनवून खायचे असेल तर तुम्ही आजची हटके आणि चविष्ट रेसिपी ट्राय करू शकता. ही रेसिपी सोशल मीडियावर व्हायरल झाली आहे.

नवरात्रीचा उत्सव आता सुरु झाला आहे. या सणानिमित्त अनेकजण देवीची पूजा-अर्चा करत उपवास करत असतात. नऊ दिवस उपवास करणं काही सोपं नाही. उपवासात अनेक पदार्थ खाण वर्ज्य असते. उपवासात काही निवडक पदार्थ खाल्ले जातात जसे की, साबुदाण्याची खिचडी, बटाट्याची उसळ. मात्र तुम्हीही उपवास केला असेल आणि तुम्हाला तेच तेच पदार्थ खाऊन कंटाळा आला असेल तर तुम्ही आजची रेसिपी ट्राय करू शकता.

आज आम्ही तुमच्यासोबत उपवासाची एक अनोखी आणि हटके रेसिपी शेअर करत आहोत. सोशल मीडियावर @sprecipe25 नवाच्या इंस्टाग्राम अकाउंटवरून उपवासाच्या भाकरीची एक चविष्ट रेसिपी शेअर करण्यात आली आहे. ही रेसिपी फार कमी वेळेत बनून तयार होते. तसेच चवीलाही ही रेसिपी फार छान लागते. जाणून घेऊयात यासाठी लागणारे साहित्य आणि कृती.

हेदेखील वाचा – गव्हाचे पीठ आणि बटाट्यापासून बनवा हा खमंग नाश्ता, फक्त 10 मिनिटांत तयार होईल रेसिपी

साहित्य

• साबुदाणा 1 वाटी
• शिजवलले बटाटे 2-3
• मिरची पेस्ट – 1 चमचा
• मीठ
• तूप

See more

हेदेखील वाचा – कमी तेलाचा वापर करत उपवासाच्या दिवशी बनवा साबुदाणा आप्प्पे, वाचा सिंपल रेसिपी

कृती

• उपवासाची भाकरी बनवण्यासाठी सर्वप्रथम गॅसवर एक भांडे ठेवा आणि यात साबुदाणा टाकून मंद आचेवर भाजून घ्या
• आता भाजलेला साबुदाणा मिक्सरमध्ये टाकून बारीक वाटून घ्या
• आता एका चाळणीने साबुदाणा चाळून घ्या
• दुसरीकडे बटाटे उकडून त्यांची साल काढा
• साबुदाण्याच्या पिठात शिजवलेले बटाटे आणि मिरचीची पेस्ट आणि मीठ टाका आणि चांगले मळून घ्या
• आता तयार पिठाचा गोळा तयार करा आणि याची भाकरी थापून/लाटून घ्या
• आता गॅसवर तवा ठेवा
• तवा तापला की ही तयार भाकरी तव्यावर टाका आणि दोन्ही बाजूंनी छान खरपूस भाजून घ्या
• भाकरी भाजताना तुम्ही याच्या दोन्ही बाजूंना तूप लावू शकता
• अशाप्रकारे तुमची चविष्ट अशी उपवासाची भाकरी तयार होईल