नितीन गडकरींनी शेअर केली झटपट तयार होणारी वडा पावची रेसिपी, वाचा आणि जाणून घ्या

वडापाव कोणाला आवडत नाही. मुंबईकरांचं तर पाहिलं प्रेम म्हणजे वडापाव! वडापाव हा एक फेमस स्ट्रीट फूड आहे. आता हा पदार्थ फक्त सामान्यांचाच नाही तर केंद्रीय रस्ते वाहतूक आणि महामार्ग मंत्री नितीन गडकरी यांचाही आवडता पदार्थ आहे. त्यांनी एका मुलाखतीत वडापावची रेसिपी सर्वांसोबत शेअर कलेची आहे. तुम्हालाही परफेक्ट वडापाव घरीच बनवायचा असेल तर तुम्ही ही रेसिपी नक्कीच फॉलो करू शकता.

महाराष्ट्रातच काय तर संपूर्ण भारतात वडा पाव आवडीने खाल्ला जातो. देशात मुळातच असा कोणी असावा ज्याला वडा पाव हा खाद्यपदार्थ माहिती नाही. मुंबईकरांची तर सुरुवातच वडापावने होत असते. हे एक लोकप्रिय स्ट्रीट फूड आहे. अनेकदा रविवारचा बेत म्हणून घरी वडापाव बनवले जाते. नोकरदार वर्गांसाठी तर कमी पैशात मिळणारा हा एक चविष्ट नाश्ता आहे.

अनेकदा काहीजण घरी वडापाव बनवायला बघतात मात्र बाजारात मिळतो तसा परफेक्ट वडापाव काय त्यांच्याकडून बनवला जात नाही. अशात महाराष्ट्राचे लाडके नेते म्हणजे केंद्रीय रस्ते वाहतूक आणि महामार्ग मंत्री नितीन गडकरी यांनी शेअर केलेली वडापावची रेसिपी सध्या सोशल मीडियावर फार व्हायरल होत आहे.

नितीन गडकरी यांनी एका मुलाखतीत त्यांना वडापावबाबतचे आपले प्रेम व्यक्त केले. त्यांना पुण्यातील प्रसिद्ध प्रभात हॉटेलचा वडापाव फार आवडतो असे त्यांनी सांगितले. तसेच त्यांनी प्रेक्षकांसोबत वडापावची टेस्टी रेसिपीदेखील शेअर केली आहे. ही रेसिपी फॉलो करून तुम्ही एकदम परफेक्ट वडापाव घरीच तयार करू शकता. चला तर मग यासाठी लागणारे साहित्य आणि कृती जाणून घेऊयात.

हेदेखील वाचा – घरी बनवा बाजारासारखी चटपटीत पुदिन्याची चटणी, योग्य पद्धत जाणून घ्या

साहित्य

• बटाटे
• लिंबू
• काळं मीठ
• आल्याचा तुकडा
• लसून
• बारीक चिरलेला कांदा
• मिरचीचे तुकडे
• चवीनुसार साखर

हेदेखील वाचा – तव्यावर बनवा पंजाबी स्टाइल पनीर कुलचा, रेसिपी व्हायरल, त्वरित जाणून घ्याSee more

कृती

• वडापाव बनवण्यसाठी सर्वप्रथम बटाटे उकडून घ्या
• मग हे बटाटे सोलून मॅश करून घ्या आणि यात लिंबू पिळा
• नंतर यामध्ये आल्याची पेस्ट, कांद्याची पेस्ट, लसणाची पेस्ट काळं मीठ आणि मिरचीचे तुकडे टाकून सर्व एकजीव करून घ्या. या मिश्रणामध्ये तुम्ही साखर देखील टाकू शकता
• आता तयार मिश्रणाचे गोल गोळे बनवून बाजूला ठेवून द्या
• यानंतर एक वाडगा घ्या आणि यात बेसन पीठ, मीठ, खाण्याचा सोडा टाकून एक घोळ बनवून घ्या
  या वड्यांमध्ये नितीन गडकरी यांनी या रेसिपीमध्ये लिंबू आणि साखर आवर्जून घालण्यास सांगितली आहे
• यानंतर गॅसवर कढई ठेवा आणि त्यात तेल टाका
• तेल गरम झाले की बेसनाच्या घोळत तयार बटाट्याचे गोळे बुडवून तेलात सोडून द्या
• मध्यम आचेवर हे वडे छान कुरकुरीत होईपर्यंत टाळा आणि खाण्यासाठी सर्व्ह करा
• हे वडे पाव आणि लसणाच्या चटणीसोबत खाण्यासाठी सर्व्ह करा