मंगळागौरीनिमित्त घरी बनवा पारंपरिक भाजणीचे वडे! लहानांपासून मोठ्यांपर्यंत सर्वांना आवडेल

श्रावण महिना सुरु झा;या असून या महिन्यात मंगळागौर या सणाचे महत्त्व फार असते. या दिवशी स्त्रिया मराठी साज करत अनेक खेळ, पूजा आणि कार्यक्रमांनी हा दिवस साजरा करत असतात. या दिवशी बनवला जाणार एक पदार्थ आहे भाजणीचे वडे, तुम्ही कधी बनवून पाहिले आहेत का? नाही तर मग आजच रेसिपी वाचा आणि या मंगळागौरिला नक्की बनवा.

श्रावण महिना सुरु झाला आहे. हा महिना संपूर्णपाने भगवान शिवाला समर्पित केला जातो. हा महिना हिंदू धर्मातील सर्वात पवित्र महिना म्हणून ओळखला जातो. श्रावणातील मंगळागौरीचा सण म्हणजे स्त्रियांसाठी पर्वणीच असते. या सणाला स्त्रिया पारंपरिक साज करून खेळ, पूजा, नाच, गाणी, उखाणे, खाण्याची मेजवानी यांसह मोठ्या उत्साहात हा दिवस साजरा करतात.

आता मंगळागौर आली की, पारंपरिक खाद्यपदार्थांची मेजवानी ही आलीच. आज आम्ही तुम्हाला मंगळागौरनिमित्त एका खास पदार्थाची रेसिपी सांगत आहोत. या पदार्थाचे नाव आहे भाजणीचे वडे. हे चवीला फार अप्रतिम लागतात. भाजणीच्या पिठापासून यांना बनवले जाते. चला तर मग जाणून घ्या यासाठी लागणारे साहित्य आणि कृती.

हेदेखील वाचा – Independence Day 2024: सकाळ करा बहारदार… स्वातंत्र्यदिनानिमित्त घरी बनवा ‘तिरंगा इडली’, नोट करून ठेवा रेसिपी

साहित्य

• 2 हिरवी मिरची अद्रक पेस्ट
• 1 टेबलस्पून लाल तिखट
• 1 टेबलस्पून धना जिरा पावडर
• 1 टेबलस्पून ओवा
• 1 टेबलस्पून तीळ
• कोथिंबीर
• चवीनुसार मीठ
• तळण्यासाठी तेल
• आवश्यकतेनुसार पाणी

कृती

• भाजणीचे वडे तयार करण्यासाठी सर्वप्रथम भाजणीचे पीठ घ्या आणि यात एक चमचा तीळ आणि ओवा टाकून मिक्स करा
• यानंतर या पिठात तिखट, मीठ, हळद, सर्व मसाले टाका आणि चांगले एकजीव करून घ्या
• आता यात हिरव्या मिरचीचा ठेचा भरपूर कोथिंबीर घालून सर्व साहित्य नीट एकजीव करा
• तर त्यात दोन चमचे मोहन टाका आणि थोडे थोडे पाणी घालून याचे कणिक मळून घ्या
• हे कणिक जास्त घट्ट तसेच जास्त सैलदेखील नसूदेत
• कणिक मळून झाले की 10 मिनिटे झाकून बाजूला ठेवून द्या
• दहा मिनिटांनी हा गोळा परत हाताने मळून घ्या
• नंतर याचा एक छोटा गोळा घेऊन हाताला पाणी लावून प्लास्टिकच्या पिशवीवर वडा थापून घ्या
• आता गॅसवर कढई तापत ठेवून यात तेल टाका
• तेल गरम झाले की, यात एक एक वडा टाका आणि छान सोनेरी रंग येईपर्यंत तळून घ्या
• अशाप्रकारे तुमचे पारंपरिक भाजणीचे वडे तयार होतील ‘दही किईव चटणीसोबत तुम्ही यांना खाण्यासाठी सर्व्ह करू शकता