तव्यावर बनवा पंजाबी स्टाइल पनीर कुलचा, रेसिपी व्हायरल, त्वरित जाणून घ्या

पंजाबी पाककृतीत लोकप्रिय पदार्थांमध्ये कुलचा प्रामुख्याने येतो. तुम्ही अनेकदा हॉटेलमध्ये कुलचा या पदार्थाचा आस्वाद घेतला असेल मात्र तुम्हाला माहिती आहे का? तुम्ही घरीदेखील अगदी सहज आणि सोप्या पद्धतीने हा कुलचा तयार करू शकता. सोशल मीडियावर पनीर कुलच्याची एक सोपी रेसिपी शेअर करण्यात आली आहे.

सध्या थंडीचे दिवस आहेत. या दिवसांत गरमागरम खाद्यपदार्थ आपल्याला सुखावून जातात. थंड वातावरणात गरम आणि चविष्ट कह्द्यपदार्थांची चव घेण्यात एक वेगळीच मजा असते. आम्ही तुम्हाला सांगतो की, या मोसमात तुम्ही पंजाबी स्टाइल पनीर कुलचा बनवून पाहू शकता आणि याचा आस्वाद घेऊ शकता. पंजाबी पाककृतीमधील हा एक स्वादिष्ट आणि लोकप्रिय पदार्थ आहे.

पनीर कुलचा या पदार्थांविषयी तुम्ही अनेकदा ऐकले असेल किंवा खाल्लेदेखील असेल मात्र हा पदार्थ अगदी सोप्या पद्धतीने तुम्ही घरीदेखील बनवू शकता. याची एक सोपी रेसिपी @tarladalal नावाच्या इंस्टाग्राम अकाउंटवर शेअर करण्यात आली आहे. ही रेसिपी डोलो करून घरच्या घरी तुम्ही चविष्ट पनीर स्टफ्ड कुलचा तयार करू शकता. चला तर मग वेळ न घालवता जाणून घ्या यासाठी लागणारे साहित्य आणि कृती.

हेदेखील वाचा – चहाची मजा द्विगुणित करेल टोमॅटो चीज सँडविच, नोट करा साहित्य आणि कृती

कुल्चा बनवण्यसाठीचे साहित्य

• 2 कप मैदा
• 1 चम्मच तूप
• 1 चम्मच साखर
• 1 चम्मच बेकिंग पावडर
• 1/2 छोटा चम्मच बेकिंग सोडा
• 1/2 कप दही
• मीठ चवीनुसार
• 1/2 छोटा चम्मच तेल

पनीर स्टफिंगसाठीचे साहित्य

• 1 कप किसलेले पनीर
• 1/4 कप बारीक चिरलेला कांदा
• 2 चमचे बारीक चिरलेली हिरवी मिरची
• 1/2 टीस्पून किसलेले अद्रक
• 1/4 टीस्पून हळद पावडर
• 1/2 टीस्पून मिरची पावडर
• 1/2टीस्पून चाट मसाला
• 2 चमचे बारीक चिरलेली कोथिंबीर
• एक चिमूटभर गरम मसाला
• चवीनुसार मीठ

अन्य साहित्य

• काळे तीळ
• चिरलेली कोथिंबीर
• बटर

हेदेखील वाचा – बाजारातील इडली सोडा! आता घरीच बनवा सॉफ्ट आणि स्पॉंजी इडली, या स्टेप्स फॉलो करा

See more

कृती

• कुलच्यासाठीचे पीठ मळण्यासाठी एका मोठ्या भांड्यात पीठ घ्या
• आता एक चमचा तूप, थोडी साखर, दही, बेकिंग पावडर, बेकिंग सोडा, चवीनुसार मीठ आणि थोडे कोमट पाणी
• एकत्र करून मळून घ्या आणि मलमलच्या कपड्याने झाकून तासभर तसंच ठेवा
• स्टफिंग बनवण्यासाठी एका भांड्यात चीज किसून घ्या आणि त्यात चिरलेला कांदा, हिरवी मिरची, आले, हळद, तिखट, चाट मसाला, बारीक चिरलेली कोथिंबीर, गरम मसाला आणि मीठ घालून मिक्स करा
• आता पिठाचा मध्यम आकाराचा गोळा तयार करून लाटून घ्या, मधोमध पनीरचे सारण भरा व नंतर बंद करून हलकेच लाटून घ्या
• आता यावर काळे तीळ आणि बारीक चिरलेली कोथिंबीर घालून पुन्हा लाटून घ्या
• आता हा कुलचा गरम तव्यावर ठेवून दोन्ही बाजूंनी बटर लावून छान भाजून घ्या
• अशाप्रकारे तुमचा पनीर स्टफ्ड कुलचा तयार होईल